အီတလီဘောလုံးအဖွဲ့ချုပ် (FIGC) ၏ ကော်မရှင် နာ (အထူးတာဝန်ပေးအပ်ခံရသူ) အဖြစ် ဖေဖော်ဝါရီ ၁ ရက်တွင် ခန့်အပ်ခံရသည့် ရောဘတ်တိုဖက်ဘရီချီနီက ချယ်လ်ဆီးအသင်းနည်းပြ အန်တိုနီယိုကွန်တီအနေဖြင့် လက်ရွေးစင်အသင်းအား ပြန်လည်ကိုင်တွယ်ဖွယ်ရှိကြောင်း သုံးသပ်ပြောကြားသည်။
ကွန်တီသည် အီတလီအသင်းအား ၂၀၁၄ ခုနှစ်မှ ယူရို-၂၀၁၆ ပြိုင်ပွဲအပြီးအထိ တာဝန်ယူကိုင်တွယ်ခဲ့ဖူးပြီး ၎င်းင်းနေရာတွင် အစားထိုးခန့်အပ်ခံရသည့် ဗန်ကျူရာသည် ၂၀၁၈ ကမ္ဘာ့ဖလားပြိုင်ပွဲအတွက် ဥရောပဇုန်ခြေစစ်ပွဲ Play-Off တွင် ရှုံးနိမ့်ပြီးနောက် ရာထူးမှ ထုတ်ပယ်ခံခဲ့ရသည်။ ကွန်တီသည် ပြီးခဲ့သည့်ရာသီက ချယ်လ်ဆီးအသင်းအား ပရီးမီးယားလိဂ်ချန်ပီယံဆုရယူပေးခဲ့သော်လည်း ဘုတ်အဖွဲ့နှင့်အဆင်မပြေဖြစ်နေပြီး ဘုန်းမောက်အသင်းအား အိမ်ကွင်း၌ သုံးဂိုးပြတ်ရှုံးနိမ့်ပြီးနောက် အနာဂတ်မှာ ပိုမိုလှုပ်ခတ်လာသည်။ ၎င်းင်း၏အနာဂတ်မတည်မငြိမ်ဖြစ်နေစဉ် ဖက်ဘရီချီနီက "မန်ချီနီ(ဇင်းနစ်နည်းပြ)က ရောမ မှာရှိနေပေမယ့် ကျွန်တော်တို့မဆက်သွယ်ပါဘူး။ ကွန်တီ ကတော့ Azzurro (လက်ရွေးစင်အသင်းအင်္ကျီ) နောက် တစ်ကြိမ် ဝတ်နိုင်ခြေရှိပါတယ်" ဟု ပြောကြားသည်။
