မြန်မာနိုင်ငံ၏ လက်ရှိရင်ဆိုင်နေရသည့် စီးပွားရေးတုံ့ဆိုင်းနေခြင်းကို တစ်ဖက်တစ်လမ်းမှ ကုစားရန် ဘဏ်အပ်ငွေအတိုးနှုန်းကို ခုနစ်ရာခိုင်နှုန်းနှင့် ဘဏ်ချေးငွေအတိုးနှုန်းကို ၁၁ ရာခိုင်နှုန်းသို့ လျှော့ချသတ်မှတ်နိုင်ရန် လိုအပ်

မြန်မာနိုင်ငံ၏ လက်ရှိရင်ဆိုင်နေရသည့် စီးပွားရေးတုံ့ဆိုင်းနေခြင်းကို တစ်ဖက်တစ်လမ်းမှ ကုစားရန် ဘဏ်အပ်ငွေအတိုးနှုန်းကို ခုနစ်ရာခိုင်နှုန်းနှင့် ဘဏ်ချေးငွေအတိုးနှုန်းကို ၁၁ ရာခိုင်နှုန်းသို့ လျှော့ချသတ်မှတ်နိုင်ရန် လိုအပ်
Published 26 January 2018

မြန်မာနိုင်ငံ၏ လက်ရှိရင်ဆိုင်နေရသည့် စီးပွားရေးတုံ့ဆိုင်းနေခြင်းကို တစ်ဖက်တစ်လမ်းမှကုစားရန် ဘဏ်အပ်ငွေအတိုးနှုန်းကို ခုနစ်ရာခိုင်နှုန်းနှင့် ဘဏ်ချေးငွေအတိုးနှုန်းကို ၁၁ ရာခိုင်နှုန်းသို့ လျှော့ချသတ်မှတ်နိုင်ရန် လိုအပ်မည်ဖြစ်ကြောင်း ဒုတိယအကြိမ် ပြည် ထောင်စုလွှတ်တော် သတ္တမပုံမှန်အစည်းအဝေး ပဉ္စမနေ့တွင် ဒဂုံမဲဆန္ဒနယ်မှ ဒေါက်တာသက်သက်ခိုင်က ဆွေးနွေးသည်။

ပြည်တွင်းချေးငွေများအတွက် ယခင်က မြန်မာနိုင်ငံတော်ဗဟိုဘဏ်ကိုသာ အားထားခဲ့ရပြီး ယခုအချိန်တွင် ဗဟိုဘဏ်အပြင် အစိုးရ ငွေတိုက်စာချုပ်နှင့် ငွေတိုက်လက်မှတ်များကို ဈေးပြိုင်လေလံစနစ်နှင့် ရောင်းချခြင်းဖြင့် ဘတ်ဂျက်လိုငွေများ ဖြည့်ဆည်းနေသည်ကို တွေ့ရှိနေရပြီး ယခုကဲ့သို့ ဘတ်ဂျက်လိုငွေ ဖြည့်ဆည်းရန် အစိုးရငွေတိုက်လက်မှတ်နှင့် ငွေတိုက်စာချုပ် လေလံတင်ရောင်းချခြင်းမှာ ဗဟိုဘဏ်က ဖော်ဆောင်နေသည့် ဈေးကွက် ကပြဋ္ဌာန်းသည့် အတိုးနှုန်းဖြစ်ပေါ်စေရန် အထောက်အကူဖြစ်ကြောင်းနှင့် တစ်ဖက်တွင်လည်း ဗဟိုဘဏ်မှ ဘဏ်၌လာရောက်အပ်နှံငွေများအတွက် ရှစ်ရာခိုင်နှုန်းထက် မနည်းသော ဘဏ်ထုတ်ချေးငွေများကို ၁၃ ရာခိုင်နှုန်းထက်မပိုသော အတိုးနှုန်းများဖြင့် ထုတ်ချေးရန် သတ်မှတ်ထားသည့်အတွက် အစိုးရငွေတိုက်စာချုပ်နှင့် ငွေတိုက်လက်မှတ်များ ရောင်းချရသည့်ကူပွန်နှုန်းသည် အစီရင်ခံစာအရ အစိုးရငွေတိုက်စာချုပ်များအတွက် ကူပွန်နှုန်း ကိုးရာခိုင်နှုန်း၊ ၉ ဒသမ ၂၅ ရာခိုင် နှုန်းနှင့် ၉ ဒသမ ၅ ရာခိုင်နှုန်းတို့အထိ အတိုး နှုန်းမြင့်မားနေခြင်းဖြစ်ကြောင်း ဒေါက်တာသက်သက်ခိုင်က ပြောကြားသည်။

ယခုအခြေအနေတွင် အစိုးရအနေဖြင့် ဘဏ်တိုးနှုန်းများ လျှော့ချပေးရမည်ဖြစ်ပြီး  မြန်မာနိုင်ငံတော်ဗဟိုဘဏ်မှ ဘဏ်တွင်အပ်နှံသည့် အတိုးနှုန်းကို ရှစ်ရာခိုင်နှုန်းမှ ခုနစ်ရာခိုင်နှုန်းသို့ လည်းကောင်း၊ ဘဏ်မှချေးယူငွေများအတွက် အတိုးနှုန်းကို ၁၃ ရာခိုင်နှုန်း မှ ၁၁ ရာခိုင်နှုန်းသို့လည်းကောင်း ပြောင်းလဲသတ်မှတ်ပေးပါက ဘဏ်၌ငွေစုသူများအား မထိခိုက်ဘဲ နိုင်ငံတော်၏ အတိုးနှုန်းကုန်ကျစရိတ်ကို လျှော့ချနိုင်မည်ဖြစ်ကြောင်း ဒေါက်တာသက်သက်ခိုင်က သုံးသပ်သည်။

ထိုကဲ့သို့ အတိုးနှုန်းအား ရှစ်ရာခိုင်နှုန်း နှင့် ၁၃ ရာခိုင်နှုန်းအစား ခုနစ်ရာခိုင်နှုန်းနှင့် ၁၁ ရာခိုင်နှုန်းသို့ ပြောင်းလဲ သတ်မှတ်ခြင်းဖြင့် လက်ရှိရင်ဆိုင်နေရသည့် မြန်မာနိုင်ငံ၏ စီးပွားရေး တုံ့ဆိုင်းနေခြင်းကို တစ်ဖက်တစ်လမ်းက ကုစားပေးနိုင်သည့်အပြင် စီးပွားရေးလုပ်ငန်းများ၏ မတည်ရင်းနှီးမှုအတွက် ကုန်ကျစရိတ်ကိုလည်း လျှော့ချနိုင်မည်ဖြစ်ကြောင်း နှင့် စီးပွားရေး ဖွံ့ဖြိုးတိုးတက်မှုကို အားပေးပြီး အလုပ်အကိုင်အခွင့်အလမ်းများ ပိုမိုတိုးတက်လာမည်ဖြစ်ကြောင်း အကြံပြုဆွေးနွေးသည်။

ပုဂ္ဂလိကကဏ္ဍတွင် ဖြစ်ပေါ်နေသော လက်ရှိအခက်အခဲများကိုဖြေရှင်းနိုင်ရန်အတွက် ချေးငွေအပေါ် အတိုးနှုန်းလျှော့ချပေးရန် (Maximum Bank Lending Rate) ကို လက်ရှိ ၁၃ ရာခိုင်နှုန်းမှ ၁၀ ရာခိုင်နှုန်းသို့ လျှော့ချပေးရန်နှင့် ဘဏ်အပ် ငွေအပေါ်အတိုးနှုန်း Maximum ကိုလက်ရှိ ရှစ်ရာခိုင်နှုန်းမှ ငါးရာခိုင်နှုန်းသို့ လျှော့ချပေးရန် လုပ်ငန်းရှင်များမှ တင်ပြမှုအပေါ် ကုန်သည်စက်မှုအသင်းချုပ်မှ အထွေထွေအတွင်းရေးမှူးချုပ် ဦးအောင်ကြည်စိုးက ပုဂ္ဂလိကကဏ္ဍဖွံ့ဖြိုးတိုးတက်ရေး ကော်မတီနှင့် မြန်မာ့စီးပွားရေးလုပ်ငန်းရှင်များ ပုံမှန်တွေ့ဆုံဆွေးနွေးပွဲ (၁၃ ကြိမ်မြောက်) တွင် ဒုတိယသမ္မတဦးမြင့်ဆွေ နှင့် ဗဟိုဘဏ်ဒုတိယဥက္ကဋ္ဌ ဦစိုးသိန်းသို့ တင်ပြထားသည်။

 

 

Most Read

Most Recent