<

မကွေးတိုင်း အစိုးရအဖွဲ့မှန နုတ်ထွက်သွားသည့် ၀န်ကြီးနှစ်ဦးနေရာတွင် အစားထိုးမည့်သူများသည် ပြည်သူလူထုနှင့် ထိတွေ့မှုရှိ၍ တာဝန်ကျေသူဖြစ်ဖို့များသည်ဟု တိုင်းဝန်ကြီးချုပ် ပြောကြား

မကွေးတိုင်း တိုင်းဝန်ကြီးချုပ် ဒေါက်တာအောင်မိုးညိုက ဇန်န၀ါရီ ၁၁ ရက် မွန်းလွဲပိုင်းတွင် ၎င်း၏ ရုံးခန်း၌ မီဒီယာများနှင့် တွေ့ဆုံစဉ်

မကွေးတိုင်းဒေသကြီး အစိုးရအဖွဲ့မှ နုတ်ထွက်သွားသည့် ၀န်ကြီးနှစ်ဦးနေရာတွင် အစားထိုးမည့်သူများသည် ပြည်သူလူထုနှင့် ထိတွေ့မှုရှိ၍ တာဝန်ကျေသူဖြစ်ဖို့များသည်ဟု တိုင်းဝန်ကြီးချုပ် ဒေါက်တာအောင်မိုးညိုက ဇန်န၀ါရီ ၁၁ ရက် မွန်းလွဲပိုင်းတွင် ၎င်း၏ ရုံးခန်း၌ မီဒီယာများနှင့်တွေ့ဆုံစဉ် The Daily Eleven ၏ မေးမြန်းမှုကို ဖြေကြားရာတွင် ထည့်သွင်းပြောကြားသည်။

ဇန်န၀ါရီ ၅ ရက်က မကွေးတိုင်းအစိုးရအဖွဲ့မှ လယ်ယာစိုက်ပျိုးရေး၊ မွေးမြူရေးနှင့် ဆည်မြောင်းဦးစီးဌာန၀န်ကြီး ဦးစိုးမြင့်နှင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာန၀န်ကြီး ဦးနေမျိုးကျော်တို့က တာဝန်မှအနားယူရန် နုတ်ထွက်စာတင်ခဲ့ကြောင်း သိရသည်။

ထိုသို့တင်ပြသည်ကို နိုင်ငံတော်သမ္မတက ၂၀၁၈ ခုနှစ် ဇန်န၀ါရီ ၁၀ ရက်တွင် နုတ်ထွက်ခွင့်ပြုကြောင်း အတည်ပြုခဲ့ပြီး မကွေးတိုင်းအစိုးရအဖွဲ့ထံ ဇန်န၀ါရီ ၁၁ ရက်တွင် စာပေးပို့ခဲ့ကြောင်း သိရသည်။

လစ်လပ်သွားမည့် ၀န်ကြီးနှစ်ဦးနေရာတွင် အစားထိုးမည့်သူများနှင့် ပတ်သက်၍ မကွေးတိုင်းအတွင်း ပြည်သူများနှင့် တိုင်းလွှတ်တော်ကိုယ်စားလှယ်အချို့အား The Daily Eleven သတင်းစာက မေးမြန်းရာ သက်ဆိုင်ရာဌာန၏ လုပ်ငန်းခွင်များနှင့် နီးစပ်ကျွမ်းကျင်သည့် ပညာရှင်များ သို့မဟုတ် လွှတ်တော်ကိုယ်စားလှယ်များကို တာဝန်ပေးရန် မျှော်လင့်ကြောင်း ဖြေကြားခဲ့ကြသည်။

ထိုအခြေအနေများနှင့် ပတ်သက်၍ ၀န်ကြီးချုပ် ဒေါက်တာအောင်မိုးညိုနှင့် မီဒီယာများ တွေ့ဆုံစဉ် The Daily Eleven သတင်းစာက မေးမြန်းရာ “များသောအားဖြင့်ကတော့ လွှတ်တော်ကိုယ်စားလှယ်ထဲက ရွေးသည်ဖြစ်စေ၊ လွှတ်တော်ကိုယ်စားလှယ်အပြင်က တိုင်းအလုပ်အမှုဆောင်ထဲကပဲဖြစ်ဖြစ်၊ မြို့နယ်ထဲကပဲဖြစ်ဖြစ်၊ ဘယ်ကဖြစ်ဖြစ် ရွေးသည်ဖြစ်စေ ပြည်သူလူထုနဲ့ ထိတွေ့မှုရှိပြီးတော့ တာဝန်ကျေတဲ့လူမျိုးပဲ ဖြစ်ဖို့များတယ်” ဟု ဖြေကြားသည်။

ပွင့်ဖြူမြို့နယ် ရှောက်တောကျေးရွာမှ ဦးလှထွန်းက “ကျွန်တော်တို့မြို့နယ်ထဲမှာတော့ လယ်သိမ်းယာသိမ်းကိစ္စတွေကို ပြီးပြတ်အောင် ဆောင်ရွက်မပေးနိုင်သေးဘူး။ ဒါကြောင့် အဲဒီလိုကိစ္စရပ်တွေကို ပြီးပြတ်အောင် ဆောင်ရွက်ပေးနိုင်မယ့် ၀န်ကြီးမျိုးကို လိုလားတယ်။ ပွင့်ဖြူဒေသဆိုတော့ မကွေးတိုင်းရဲ့ စပါးကျည်ပါ။ အဲဒီတော့ ရေပေးဝေတဲ့ကိစ္စ၊ စိုက်ပျိုးစရိတ်ချေးငွေကိစ္စတွေကို တောင်သူတွေနဲ့ ထဲထဲဝင်ဝင် ဆောင်ရွက်ပေးမယ့် ၀န်ကြီးမျိုးကို လိုလားတယ်။ အဓိကအားဖြင့်တော့ စိုက်ပျိုးရေးနဲ့ ပတ်သက်လို့ အကျွမ်းတ၀င်ရှိတဲ့ ၀န်ကြီးကို လိုလားတယ်” ဟု ပြောကြားသည်။

မင်းဘူးမြို့နယ် မဲဆန္ဒနယ်အမှတ် (၁) မှ တိုင်းလွှတ်တော်ကိုယ်စားလှယ် ဦးကျော်စွမ်းရည်က “၀န်ကြီးခန့်ထားရေးကတော့ တိုင်းဒေသကြီးဝန်ကြီးချုပ်ရဲ့ သဘောထားနဲ့ ခန့်ရမှာပါ။ ဒါပေမဲ့ ဖြစ်စေချင်တဲ့ဆန္ဒကတော့ နံပါတ် (၁) အချက်အနေနဲ့ မကွေးတိုင်းဒေသကြီး အစိုးရအဖွဲ့ကို အထောက်အပံ့ဖြစ်စေမယ့် ပုဂ္ဂိုလ်မျိုးပါ။ နံပါတ် (၂) အချက်ကတော့ သူကိုယ်တိုင်လည်း လုပ်နိုင်ကိုင်နိုင်တဲ့ ပုဂ္ဂိုလ်မျိုးလည်း ဖြစ်စေချင်ပါတယ်။ ဌာနဆိုင်ရာတွေရဲ့ ဥပဒေတွေ၊ လုပ်ထုံးလုပ်နည်းတွေကို ကျွန်တော်တို့က နိုင်ငံရေးကလာတဲ့ လွှတ်တော်ကိုယ်စားလှယ်တွေများတဲ့အတွက် အလုံးစုံတော့ သိရှိနိုင်ခြင်းမရှိပါဘူး။ ဒါပေမဲ့ သူ့ရဲ့ နယ်ပယ်အလိုက်၊ ဥပမာစိုက်ပျိုးမွေးမြူရေးနဲ့ ဆည်မြောင်းဝန်ကြီးဌာနဆိုလည်း အဲဒီဌာနနဲ့ အနီးစပ်ဆုံးပုဂ္ဂိုလ်မျိုး၊ နိုင်ငံရေးအရရော၊ လူမှုရေးအရရော၊ သူ့ရဲ့ပညာအရည်အချင်းအရရော အနည်းဆုံး တီးနိုင်ခေါက်နိုင်သူမျိုး ဖြစ်စေချင်ပါတယ်။ အဓိကတော့ ပြည်သူလူထုနဲ့ တိုင်းဒေသကြီးအစိုးရအဖွဲ့အတွက် အထောက်အပံ့ ဖြစ်စေနိုင်မယ့်ပုဂ္ဂိုလ်မျိုး ဖြစ်စေချင်ပါတယ်” ဟု The Daily Eleven သတင်းစာသို့ ပြောကြားသည်။

တိုင်းနှင့်ပြည်နယ်များမှ အစိုးရအဖွဲ့ ၀န်ကြီးချုပ်၊ ၀န်ကြီးများ နုတ်ထွက်မှုများ ရှိနေခြင်းသည် တိုက်ဆိုင်မှုတစ်ခုသို့မဟုတ် NLD အစိုးရ၏ မူလကတည်းက ချမှတ်ထားသည့် မူဝါဒတစ်ခု ဟုတ်မဟုတ် The Daily Eleven သတင်းစာက မေးမြန်းရာ ဒေါက်တာအောင်မိုးညိုက “ဒီကိစ္စနဲ့ပတ်သက်လို့က မကွေးတိုင်းကစတယ်။ မစဘူး။ ရှေ့ကသွားတယ်။ နောက်ကလိုက်တယ်။ ဘာမှမပြောလိုဘူး။ သတင်းစာထဲမှာ ဗဟိုအလုပ်အမှုဆောင်အဖွဲ့တွေ၊ အတွင်းရေးမှူးအဖွဲ့တွေ ပြောထားတာကတော့ ကျွန်တော်မှတ်မိသလောက်ဆိုရင် ဇန်န၀ါရီလကတည်းကဆိုရင် ဒါတွေဖြစ်နိုင်တယ်ဆိုပြီး ပြောထားတာတော့ ကျွန်တော်လည်း ဖတ်မိတယ်။ ဒါပဲ ဖြေနိုင်ပါတယ်” ဟု ပြောကြားသည်။

မကွေးတိုင်းဒေသကြီး အစိုးရအဖွဲ့ဝင် ၀န်ကြီးနှစ်ဦး နုတ်ထွက်ခြင်းနှင့် ပတ်သက်၍ သတင်းထောက်တစ်ဦးက မေးမြန်းရာ ၀န်ကြီးချုပ် ဒေါက်တာအောင် မိုးညိုက အခက်ခဲဆုံး ကာလများအတွင်းကတည်းက ညီအစ်ကိုကဲ့သို့ အတူတကွ လုပ်ကိုင်ခဲ့သူများဖြစ်သောကြောင့် အလွန်စိတ်မကောင်းဖြစ်မိကြောင်း ငိုလျက် ဖြေကြားသည်။

January 11, 2018














Copy Protected by Chetan's WP-Copyprotect.