<

တရားမ၀င်ဆေးဝါး၊ ဆေးဝါးအတုနှင့် စံမမီဆေးဝါးများ တိုက်ဖျက်သည့် Operation Pangea အစီအစဉ် ဆက်လက်လုပ်ဆောင်မည်

ဆေးဝါးစက်ရုံ (အင်းစိန်) မှ ထုတ်လုပ်သော ဆေးဝါးအစစ်များနှင့် ဈေးကွက်အတွင်း ဖမ်းဆီးရမိထားသော ဆေးဝါးအတုများကို ခွဲခြားပြသထားစဉ် (ဓာတ်ပုံ-အိသဉ္ဇာကျော်)

တရားမ၀င်ဆေးဝါးများ၊ ဆေးဝါးအတု နှင့် စံမမီဆေးဝါးများကို တိုက်ဖျက်သည့် Operation Pangea အစီအစဉ်ကို ယခုနှစ်အတွင်း ဒေသအချို့တွင် ဆက်လက်လုပ်ဆောင်သွားရန်ရှိကြောင်း သိရသည်။

Operation Pangea အစီအစဉ်ကို ၂၀၁၆ ခုနှစ်အတွင်းက ပြည်နယ်နှင့် တိုင်းဒေသကြီးအားလုံးတွင် လုပ်ဆောင်ခဲ့ပြီး တရားမ၀င် ဆေးဝါးအတုများအပါအ၀င် ဆေးဆိုင်များ၌ တရားမ၀င်မှတ်ပုံတင်ထားခြင်း မရှိသော ဆေးဝါးများကို အများဆုံးတွေ့ရှိခဲ့ကြောင်း၊ ၂၀၁၆ ခုနှစ်အတွင်းက ပြုလုပ်ခဲ့သည့် Operation Pangea အစီအစဉ်မှာ (၉)ကြိမ်မြောက် Interpol Operation တစ်ခုဖြစ်ပြီး အဆိုပါ Operation တွင် Interpol အဖွဲ့ဝင်နိုင်ငံပေါင်း ၁၅၂ နိုင်ငံပါဝင်ကြောင်း၊ မြန်မာနိုင်ငံရဲတပ်ဖွဲ့၊ မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဦးစီးဌာန၊  အကောက်ခွန်ဦးစီးဌာန၊ အထွေထွေအုပ်ချုပ် ရေးဦးစီးဌာနစသည့် အဖွဲ့အစည်းများ ပူးပေါင်းလုပ်ဆောင်ခြင်းဖြစ်ပြီး နေပြည်တော် အပါအ၀င် တိုင်းဒေသကြီးနှင့် ပြည်နယ် ၁၅ ခုတွင် လုပ်ဆောင်ခဲ့ကြောင်းနှင့် ရန်ကုန်မြို့ရှိ ဆေးဆိုင် ၄၄ ဆိုင်ကို စစ်ဆေးရာ ၄၄ ဆိုင်စလုံးတွင် မှတ်ပုံမတင်ထားသည့် ဆေးဝါးများ တွေ့ရှိခဲ့ပြီး မန္တလေးမြို့ရှိ ဆေးဆိုင် ၉၂ ဆိုင်ကို စစ်ဆေးရာ ဆိုင်ပေါင်း ၉၀ တွင် မှတ်ပုံတင်ထားခြင်းမရှိသည့် ဆေးများ တွေ့ရှိခဲ့ကြောင်း သိရသည်။

မြန်မာနိုင်ငံ အစားအသောက်နှင့် ဆေးဝါးဦးစီးဌာန၊ ဆေးဝါးဌာနခွဲမှ ဆေးဝါးမှတ်ပုံတင်စိစစ်ခြင်း၊ မှတ်ပုံတင်ထုတ်ပေးခြင်း (အသစ်)၊ မှတ်ပုံတင်ထုတ်ပေးခြင်း (သက်တမ်းတိုး)၊ မှတ်ပုံတင်ထုတ်ပေးခြင်း (အချက်အလက်ပြောင်း)၊ ကွင်းဆင်းစစ်ဆေးခြင်း၊ ဆေးဝါးတင်သွင်းခြင်း လုပ်ငန်းလုပ်ကိုင်ခွင့်လက်မှတ် ထုတ်ပေးခြင်း၊ ဆေးဝါးကြော်ငြာခြင်း၊ ဌာနဆိုင်ရာများနှင့် ပူးပေါင်းဆောင်ရွက်ခြင်း၊ အမျိုးသားဆေးဝါးဥပဒေအရ တရားစွဲဆိုခြင်းနှင့် ဈေးကွက်အတွင်းရှိ ဆေးဝါးများ စစ်ဆေးခြင်းများ လုပ်ဆောင်ပေးလျက်ရှိကြောင်း သိရသည်။

လက်ရှိ ဈေးကွက်အတွင်း မှတ်ပုံတင်ထားခြင်းမရှိသည့် ဆေးဝါးများနှင့် စပ်ဆေးပျံ့နှံ့ရောင်းချမှုနှုန်း အလွန်များပြားနေကြောင်း၊ နောက်ပိုင်းတွင် ရှောင်တခင်စစ်ဆေးမှုများကို ဆက်လက်ပြုလုပ်သွားမည်ဖြစ်ပြီး စစ်ဆေးတွေ့ရှိပါက အရေးယူသွားမည်ဖြစ်ကြောင်းနှင့် ဆေးဝါးများ၏ အရည်အသွေးနှင့် ပတ်သက်၍ လက်လီလက်ကားရောင်းချနေသည့် ဆေးဆိုင်များအပါအ၀င် ပြည်သူ့ဆေးရုံများနှင့် ပုဂ္ဂလိကဆေးရုံဆေးခန်းများရှိ ဆေးဆိုင်များကိုပါ ရှောင်တခင်စစ်ဆေးလျက်ရှိကြောင်း သိရသည်။

ထို့ပြင် တရားမ၀င်တင်သွင်းဆေးဝါးများလည်း ဈေးကွက်အတွင်း များစွာတွေ့ရှိနေရပြီး သုံးစွဲနေသည့်ဆေးဝါးများတွင် မြန်မာနိုင်ငံ ဆေးဝါးမှတ်ပုံတင်အမှတ် မပါရှိလျှင်သော်လည်းကောင်း၊ သုံးစွဲနေကျဆေးဝါးများ၏ အရည်အသွေးကို သံသယဖြစ်လျှင်သော်လည်းကောင်း၊ ဆေးဝါးအတုဟု သံသယဖြစ်ဖွယ်ဆေးဝါးများ တွေ့ရှိပါက တိုင်းဒေသကြီးနှင့် ပြည်နယ်များရှိ အစားအသောက်နှင့် ဆေးဝါးကွပ်ကဲရေးဦးစီးဌာနများသို့ ဆက်သွယ်အကြောင်းကြားပါရန် နှိုးဆော်ထားကြောင်း သိရသည်။

အမျိုးသားဆေးဝါးဥပဒေအရ မှတ်ပုံတင်ထားခြင်းမရှိသော ဆေးဝါး၊ မှတ်ပုံတင် ခေတ္တရုပ်သိမ်းခြင်း၊ ပယ်ဖျက်ခြင်းပြုလုပ်ထားသောဆေးဝါး၊ ဆေးဝါးအတု၊ စံမညီဆေးဝါး၊ ပျက်စီးဆေးဝါး၊ ရောနှောဆေးဝါးများ၊ ဘေးဥပဒ်ဖြစ်စေနိုင်သည့် ပစ္စည်းများဖြင့် ဖော်စပ်ထုတ်လုပ်ထားသောဆေးဝါး၊ ကျန်းမာရေးဝန်ကြီးဌာနက သုံးစွဲရန်မသင့်ဟု အမိန့်ကြေညာစာထုတ်ပြန်၍ သတ်မှတ်ထားသော ဘေးအန္တရာယ်ရှိသည့် ဆေးဝါးများကို ထုတ်လုပ်ခြင်း၊ ပြည်တွင်းသို့ တင်သွင်းခြင်း၊ ပြည်ပသို့ တင်ပို့ခြင်း၊ သိုလှောင်ဖြန့်ဖြူးရောင်းချခြင်းများ ပြုလုပ်ခဲ့ပါက ယင်းဥပဒေဖြင့် အရေးယူနိုင်ကြောင်း သိရသည်။

January 6, 2018














Copy Protected by Chetan's WP-Copyprotect.