w ၂၀၁၇ ခုနှစ်အတွင်း ရန်ကုန်စတော့အိတ်ချိန်း အရောင်းအ၀ယ်ဖြစ်မှု ရာခိုင်နှုန်း ၇၀ ကျော်ကျဆင်းခဲ့သော်လည်း Block Trading အရောင်းအ၀ယ်ဖြစ်မှု ကျပ်ခုနစ်ဘီလျံကျော်ဖြစ်ပေါ်ကာ ယမန်နှစ်ထက် ရာခိုင်နှုန်း ၇၀ ကျော်မြင့်တက် - Eleven Media Group <

၂၀၁၇ ခုနှစ်အတွင်း ရန်ကုန်စတော့အိတ်ချိန်း အရောင်းအ၀ယ်ဖြစ်မှု ရာခိုင်နှုန်း ၇၀ ကျော်ကျဆင်းခဲ့သော်လည်း Block Trading အရောင်းအ၀ယ်ဖြစ်မှု ကျပ်ခုနစ်ဘီလျံကျော်ဖြစ်ပေါ်ကာ ယမန်နှစ်ထက် ရာခိုင်နှုန်း ၇၀ ကျော်မြင့်တက်

ရန်ကုန်မြို့ ဆူးလေဘုရားလမ်းနှင့် ဘဏ်လမ်းထောင့်တွင်တည်ရှိသည့် ရန်ကုန်စတော့အိတ်ချိန်းကို တွေ့ရစဉ် (ဓာတ်ပုံ-ဖြိုးဝေ)

၂၀၁၇ ခုနှစ်အတွင်း ရန်ကုန်စတော့အိတ်ချိန်း၏ အရောင်းအ၀ယ်ဖြစ်မှု ၂၀၁၆ ခုနှစ်ကထက် ရာခိုင်နှုန်း ၇၀ ကျော်ကျဆင်းခဲ့သော်လည်း Block Trading (ရှယ်ယာအရေအတွက် အမြောက်အများအရောင်းအ၀ယ်ဖြစ်မှု) အရောင်းအ၀ယ်ဖြစ်မှုတွင်မူ ကျပ်ခုနစ်ဘီလျံကျော်ဖြစ်ပေါ်ကာ ယမန်နှစ်ထက် ရာခိုင်နှုန်း ၇၀ ကျော်မြင့်တက်ခဲ့ကြောင်း ရန်ကုန်စတော့အိတ်ချိန်း၏ ထုတ်ပြန်ချက်အရ သိရသည်။

ရန်ကုန်စတော့အိတ်ချိန်း၏ အရောင်းအ၀ယ်ဖြစ်ပေါ်မှုမှာ ၂၀၁၆ ခုနှစ်အတွင်း ကျပ် ၇၀ ဒသမ ၇၄ ဘီလျံကျော်ဖိုး အရောင်းအ၀ယ်ဖြစ်ခဲ့သော်လည်း ၂၀၁၇ ခုနှစ်အတွင်း ကျပ် ၂၂ ဒသမ ၁၃ ဘီလျံကျော်သာ အရောင်းအ၀ယ်ဖြစ်ပေါ်ထားပြီး ယမန်နှစ်ကထက် အရောင်းအ၀ယ်ဖြစ်မှု ရာခိုင်နှုန်း ၇၀ ကျော်ကျဆင်းခဲ့သည်။ ထိုသို့ကျဆင်းခဲ့သော်လည်း အနည်းဆုံးရှယ်ယာ ၁၀၀၀၀ မှ စတင်အရောင်းအ၀ယ်ဖြစ်မှုဟု သတ်မှတ်ထားသည့် Block Trading အရောင်းအ၀ယ်ဖြစ်မှုမှာမူ ၂၀၁၆ ခုနှစ်တွင် FMI, MTSH, MCB ကုမ္ပဏီသုံးခုမှ ကျပ် ၂ ဒသမ ၂၅ ဘီလျံကျော်ဖိုးသာ အရောင်းအ၀ယ်ဖြစ်ခဲ့သော်လည်း ၂၀၁၇ ခုနစ်တွင်မူ FMI, MTSH, FTP, MCB ကုမ္ပဏီလေးခုမှ ကျပ် ၇ ဒသမ ၂၂ ဘီလျံကျော်ဖိုးအထိ အရောင်းအ၀ယ်ဖြစ်ပေါ်ခဲ့ကြောင်း ရန်ကုန်စတော့အိတ်ချိန်း၏ အရောင်းအ၀ယ်ဖြစ်မှုစာရင်းများအရ သိရသည်။

၂၀၁၆ ခုနှစ်အတွင်း အစုရှယ်ယာအရောင်းအ၀ယ်ဖြစ်မှုများ၌ FMI မှ ကျပ် ၄၄ ဒသမ ၅၇ ဘီလျံကျော်တွင် Block Trading ဖြစ်မှု ကျပ်သိန်း ၉၁၅၀၊ MTSH မှ ကျပ် ၂၄ ဒသမ ၉၆ ဘီလျံကျော်တွင် Block Trading ဖြစ်မှု ကျပ် ၁ ဒသမ ၂၄ ဘီလျံကျော်နှင့် MCB မှ ကျပ် ၁ ဒသမ ၂ ဘီလျံကျော်တွင် Block Trading ဖြစ်မှု ကျပ်သိန်း ၈၈၀ အထိပါဝင်ကာ အစုရှယ်ယာပေါင်း ၇၀၀၀၀ မှ ကျပ် ၂ ဒသမ ၂၅ ဘီလျံကျော် အရောင်းအ၀ယ်ဖြစ်ခဲ့ခြင်းဖြစ်သည်။

ထူးခြားမှုအနေဖြင့် ၂၀၁၇ ခုနှစ်အတွင်း FMI ရှယ်ယာများ Block Trading အရောင်းအ၀ယ်မရှိခဲ့ဘဲ MTSH မှ ကျပ် ၇ ဒသမ ၄ ဘီလျံကျော်တွင် Block Trading ဖြစ်မှု ကျပ် ၆ ဒသမ ၁၂ ဘီလျံကျော်နှင့် အများဆုံး Block Trading အရောင်းအ၀ယ်ဖြစ်ခဲ့ကြောင်း သိရသည်။ ထို့ပြင် MCB မှ စုစုပေါင်း အရောင်းအ၀ယ်ဖြစ်မှု ကျပ် ၆၄၄၂ သိန်းကျော်တွင် Block Trading ဖြစ်မှု ကျပ် ၃၃၄၉ သိန်းကျော်နှင့် FPB မှ ၇ ဒသမ ၂၅ ဘီလျံကျော်တွင် ၇၆၀၈ သိန်းကျော်ဖိုးအထိ Block Trading ဖြစ်ခဲ့ပြီး အစုရှယ်ယာပေါင်း ၁၆ သိန်းကျော် အရောင်းအ၀ယ်ဖြစ်ခဲ့သည်။

ထို့ပြင် ၂၀၁၆ ခုနှစ်အတွင်း အရောင်းအ၀ယ်ဖြစ်ပေါ်ရာ၌ ကျပ် ၇၀ ဒသမ ၇ ဘီလျံ အရောင်းအ၀ယ်ဖြစ်ပေါ်ရာတွင် ၂၀၁၆ ခုနှစ်မတ်လမှ ဒီဇင်ဘာလအတွင်း ၁၀ လဖြင့် ဖြစ်ပေါ်ခဲ့ခြင်းဖြစ်ပြီး ၂၀၁၇ ခုနှစ်မှာ ၁၂ လတာ အရောင်းအ၀ယ်ပြုလုပ်ခဲ့သော်လည်း ကျပ် ၂၂ ဒသမ ၁၃ ဘီလျံကျော်သာ အရောင်းအ၀ယ်ဖြစ်ပေါ်ခဲ့ခြင်းဖြစ်သည်။

ရန်ကုန်စတော့အိတ်ချိန်းတွင် ၂၀၁၇ ခုနှစ်အတွင်း အရောင်းအ၀ယ်ကျဆင်းမှု ဖြစ်ပေါ်နေသော်လည်း ၂၀၁၈ ခုနှစ်အတွင်း ထပ်မံဝင်ရောက်လာမည့်ကုမ္ပဏီများ၊ နိုင်ငံခြားသားများကို ရာခိုင်နှုန်း ၃၀ အထိ အရောင်းအ၀ယ်ပြုခွင့်နှင့် ပါဝင်ခွင့်ပေးအပ်ထားသည့် မြန်မာနိုင်ငံကုမ္ပဏီများဥပဒေနှင့် ရန်ကုန်စတော့အိတ်ချိန်းတွင် စတော့ရှယ်ယာ အရောင်းအ၀ယ်ပြုလုပ်ရာ၌ မြန်ဆန်သွက်လက်စေရန် အွန်လိုင်းမှ အရောင်းအ၀ယ်ပြုလုပ်ခွင့်ကို MSEC, KBZSC, CBSC နှင့် Aya Trust စသည့် ငွေချေးသက်သေခံလက်မှတ်ကုမ္ပဏီလေးခုအား Online Trading စတင်ခွင့်ပြုလိုက်မှုများကြောင့် ၂၀၁၈ ခုနှစ်တွင် အရောင်းအ၀ယ်ဖြစ်မှု ပြန်လည်ကောင်းမွန်လာနိုင်မည်ဖြစ်ကြောင်း ငွေချေးသက်သေခံလက်မှတ် လုပ်ငန်းကြီးကြပ်ရေးကော်မရှင်အဖွဲ့ဝင် ဦးဌေးချွန်က ပြောကြားသည်။

လက်ရှိရန်ကုန်စတော့အိတ်ချိန်းတွင် FMI, MTSH, FTP, MCB ကုမ္ပဏီလေးခုမှ စာရင်းဝင်ရှယ်ယာ ၇၇၆ သိန်းကျော်ဖြင့် အရောင်းအ၀ယ်ပြုလုပ်နေပြီး ၂၀၁၈ ခုနှစ် ဇန်န၀ါရီတွင် TMH တယ်လီကွန်း၏ အစုရှယ်ယာ ၁၂၂ သိန်းကျော်မှာ စာရင်းဝင်ရှယ်ယာဖြစ်လာမည်ဖြစ်သည်။

January 3, 2018














Copy Protected by Chetan's WP-Copyprotect.