လုံးခင်း၊ ဖားကန့်၊ မိုးညှင်း၊ မိုးကုတ်၊ နန့် ယားဆိပ်နှင့် မိုင်းရှူးရတနာနယ်မြေများရှိ ကျောက်မျက်တူးဖော်ရေးလုပ်ကွက် ၃၀၀ မှာ ၂၀၁၈ ခုနှစ် ဇန်နဝါရီလတွင် သက်တမ်း ကုန်ဆုံးမည်ဖြစ်ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ သတင်းထုတ်ပြန်သည်။
ဇန်နဝါရီတွင် လုံးခင်း၊ ဖားကန့်ရတနာနယ်မြေ၌ သက်တမ်းကုန်ဆုံးမည့်လုပ်ကွက် ၁၄၄ ခု၊ မိုင်းရှူးရတနာနယ်မြေတွင် လုပ်ကွက် ၇၄ ခု၊ မိုးကုတ်ရတနာနယ်မြေတွင် လုပ်ကွက် ၂၀ ခု၊ နန့်ယားဆိပ်ရတနာနယ်မြေတွင် လုပ်ကွက်နှစ်ခု၊ မိုးညှင်းရတနာနယ်မြေရှိ လုပ်ကွက် ၆၀ တို့မှာသက်တမ်းကုန်ဆုံးမည်ဖြစ်ကြောင်း ထုတ်ပြန်ခဲ့ခြင်းဖြစ်သည်။
မိုင်းရှူးရတနာနယ်မြေရှိ လုပ်ကွက် ၇၄ ခုမှာ ၂၀၁၅ ခုနှစ်က လုပ်ကိုင်ခွင့်ပြုခဲ့ခြင်းဖြစ်ပြီး မိုးကုတ်ရတနာနယ်မြေရှိလုပ်ကွက် ၂၀ မှာ ၂၀၁၅ ခုနှစ်က လုပ်ကိုင်ခွင့်ပြုခဲ့ခြင်း ဖြစ်ကြောင်း သိရသည်။ လုံးခင်း၊ ဖားကန့် ရတနာနယ်မြေရှိ လုပ်ကွက် ၁၄၄ ခုမှာ ၂၀၁၀ ပြည့်နှစ်နှင့် ၂၀၁၅ ခုနှစ် တို့တွင်လုပ်ကိုင်ခွင့်ပေးခဲ့ခြင်းဖြစ်သည်။ မိုးညှင်းရတနာနယ်မြေရှိ လုပ်ကွက် ၆၀ ကို ၂၀၁၅ ခုနှစ်တွင် လုပ်ကိုင်ခွင့်ပေးခဲ့ခြင်းဖြစ်ပြီး နန့်ယားဆိပ်ရတနာနယ်မြေရှိ လုပ်ကွက်နှစ်ခုမှာလည်း ၂၀၁၅ ခုနှစ် က လုပ်ကိုင်ခွင့်ပေးခဲ့ခြင်းဖြစ်သည်။
လုံးခင်း၊ ဖားကန့်၊ ခန္တီး၊ မိုးကုတ်နှင့်မိုးညှင်း ရတနာနယ်မြေများရှိ ကျောက်မျက်တူးဖော်ရေး လုပ်ကွက်များ သက်တမ်းကုန်ဆုံးမှုများအဖြစ် ၂၀၁၇ ခုနှစ်ဧပြီလတွင် ၄၂၇ ကွက်၊ မေလတွင် ၆၀၉ ကွက်၊ ဇွန်လတွင် ၂၉၁ ကွက်၊ ဇူလိုင်လတွင် လုပ်ကွက် ၉၀၀ ကျော်၊ သြဂုတ်လတွင် လုပ်ကွက် ၂၅၀၀ ကျော်နှင့် လုပ်ကွက် ၃၁၁ ခုမှာ ၂၀၁၇ ခုနှစ် စက်တင်ဘာလတွင် သက်တမ်းကုန်ဆုံးခဲ့ကြောင်း သိရသည်။