ဘဏ်များတွင် ပြည်သူများ၏ စုဆောင်းမှုအပ်ငွေမှာ ၂၀၁၅-၂၀၁၆ ဘဏ္ဍာနှစ်တွင် ကျပ် ၂၁၂၂၁ ဘီလျံကျော်ရှိပြီး ၂၀၁၆-၂၀၁၇ ဘဏ္ဍာနှစ်တွင် ကျပ် ၂၅၁၀၆ ဘီလျံကျော်အထိရှိလာပြီး ၃၈၈၅ ဘီလျံကျော် မြင့်တက်

ဘဏ်များတွင် ပြည်သူများ၏ စုဆောင်းမှုအပ်ငွေမှာ ၂၀၁၅-၂၀၁၆ ဘဏ္ဍာနှစ်တွင် ကျပ် ၂၁၂၂၁ ဘီလျံကျော်ရှိပြီး ၂၀၁၆-၂၀၁၇ ဘဏ္ဍာနှစ်တွင် ကျပ် ၂၅၁၀၆ ဘီလျံကျော်အထိရှိလာပြီး ၃၈၈၅ ဘီလျံကျော် မြင့်တက်
Published 2 January 2018

ဘဏ်များတွင် ပြည်သူများ၏ စုဆောင်းမှုအပ်ငွေပမာဏမှာ ၂၀၁၅-၂၀၁၆ ဘဏ္ဍာ နှစ်တွင် ကျပ် ၂၁၂၂၁ ဘီလျံကျော်အထိ ရှိ နေပြီး ၂၀၁၆ -၂၀၁၇ ဘဏ္ဍာနှစ်တွင် ကျပ် ၂၅၁၀၆ ဘီလျံကျော်အထိ ရှိလာကာ ကျပ် ၃၈၈၅ ဘီလျံကျော် မြင့်တက်ခဲ့ကြောင်း မြန်မာနိုင်ငံတော် ဗဟိုဘဏ်၏ စာရင်းများအရ စီမံကိန်းနှင့် ဘဏ္ဍာရေးဝန်ကြီးဌာနမှ သိရသည်။

၂၀၁၅-၂၀၁၆ ဘဏ္ဍာနှစ်တွင် ဘဏ်များ၌ ပြည်သူများ၏ စုဆောင်းမှုအပ်ငွေမှာ ကျပ် ၂၁,၂၂၁,၀၇၄ သန်းအထိ ရှိနေခဲ့ပြီး ၂၀၁၆-၂၀၁၇ ဘဏ္ဍာနှစ် ဒီဇင်ဘာလကုန်အထိ ဘဏ်များတွင် ပြည်သူများ၏ အပ်ငွေ ကျပ် ၂၅,၁၀၆,၅၂၄ သန်းအထိ စုဆောင်းကာ ကျပ် ၃၈၈၅ ဘီလျံကျော်အထိ တိုးမြှင့် စုဆောင်းလာခြင်းဖြစ်သည်။

ထို့ပြင် မြန်မာနိုင်ငံတော်ဗဟိုဘဏ်မှ ထုတ်ပြန်သည့် စာရင်းများအရ ၂၀၁၆ ခုနှစ် မတ်လကုန်(၂၀၁၅-၂၀၁၆ ဘဏ္ဍာနှစ်ကုန်)အထိ ပြည်တွင်းလှည့်လည်သုံးစွဲငွေပေါင်း ၁၀၁၅၇ ဘီလျံကျော်အထိ ရှိခဲ့ပြီး စုဆောင်းမှုအပ်ငွေအပါအဝင် ဘဏ်စာရင်းရှင်အပ် ငွေကျပ် ၄၆၆၂ ဘီလျံနှင့် စုဆောင်းမှုအပ်ငွေ ကျပ် ၂၁၂၂၁ ဘီလျံကျော်ရှိသဖြင့် စုစုပေါင်း ကျပ် ၂၅၈၈၃ ဘီလျံကျော်ရှိခဲ့ကြောင်း မြန်မာနိုင်ငံတော်ဗဟိုဘဏ်၏ ငွေကြေးမူဝါဒ အကောင်အထည်ဖော်ဆောင်ရွက်ချက် အစီရင်ခံစာ(၂၀၁၅-၂၀၁၆)တွင် ဖော်ပြထားမှုအရ သိရသည်။

၂၀၁၃ ခုနှစ်မှ ၂၀၁၆ ခုနှစ်အတွင်း ထုတ်ပြန်ခဲ့မှုများအရ ပုဂ္ဂလိကဘဏ်များ၏ အပ်ငွေများ၊ချေးငွေနှင့် ကြိုတင်ချေးငွေများ၏ နှစ်စဉ်ဖွံ့ဖြိုးတိုးတက်မှုနှုန်းသည် ၃၈ ရာခိုင်နှုန်းနှင့် ၄၄ ရာခိုင်နှုန်းအထိ ရှိနေသည်။

ထို့ပြင် ၂၀၁၄ ခုနှစ်မှ ၂၀၁၇ ခုနှစ်တွင် အပ်နှံငွေများသည်လည်းကောင်း၊ ချေးငွေ နှင့်ကြိုတင်ချေးငွေ နှစ်မျိုးလုံး၏ဖွံ့ဖြိုးတိုးတက်နှုန်းသည် ၈၄ ရာခိုင်နှုန်းရှိခဲ့ကြောင်း နှင့် ၂၀၁၆-၂၀၁၇ ဘဏ္ဍာနှစ်တွင် ဧရာဝတီ ဘဏ်သည် အတိုးတက်ဆုံးဘဏ်ဖြစ်ပြီး အပ်ငွေများ၏ ဖွံ့ဖြိုးတိုးတက်နှုန်း ၄၄ ရာခိုင်နှုန်း နှင့် ချေးငွေနှင့်ကြိုတင်ချေးငွေများ ဖွံ့ဖြိုးတိုးတက်မှုနှုန်းသည် ၃၉ ရာခိုင်နှုန်း အသီးသီး ရှိနေကြောင်း သိရသည်။

GIZ ၏ ၂၀၁၆ ခုနှစ်အတွင်း ထုတ်ပြန်ခဲ့သည့် စစ်တမ်းအရ  ပြည်တွင်းဘဏ်များတွင် ကမ္ဘောဇဘဏ်သည်  Total Assets ၌ ကျပ် ၈၆၉၃ ဘီလျံဖြင့် အကြီးဆုံးဖြစ်နေပြီး ဧရာဝတီဘဏ်သည် ကျပ် ၂၉၁၃ ဘီ လျံနှင့် ဒုတိယအကြီးဆုံးဖြစ်နေကြောင်း ဖော်ပြထားသည်။

ဘဏ်လုပ်ငန်းဝန်ဆောင်မှုများ လုပ်ဆောင်နိုင်ရန် ၂၀၁၆-၂၀၁၇ ဘဏ္ဍာနှစ်အထိ ပုဂ္ဂလိကဘဏ်များမှ ဘဏ်ခွဲပေါင်း ၁၄၈၁ ဘဏ် ဖွင့်လှစ်ထားပြီး နိုင်ငံခြားဘဏ် ၁၃ ခု၊ ပြည်တွင်းငွေရေးကြေးရေးကုမ္ပဏီ ၁၆ ခု၊ နိုင်ငံခြားဘဏ် ကိုယ်စားလှယ်ရုံးခွဲပေါင်း ၄၆ ခု၊ နိုင်ငံခြားငွေရေးကြေးရေးကုမ္ပဏီ နှစ်ခု၊  ပုဂ္ဂလိကဘဏ်များမှ ငွေလဲကောင်တာ ၈၈၇ ခု၊ ပုဂ္ဂလိကကုမ္ပဏီများမှ ငွေလဲကောင်တာ ၄၈၂ ခုအား ဖွင့်လှစ်ထားသည့်အပြင် မိုဘိုင်းဘဏ်လုပ်ငန်းသုံးခုကို လက်ရှိကာလတွင် ဖွင့်လှစ်ဆောင်ရွက်ခွင့် ပေးအပ်ထားကြောင်း သိရသည်။

Most Read

Most Recent