<

မြန်မာနိုင်ငံ ရင်းနှီးမြှုပ်နှံမှုကော်မရှင်က သွင်းကုန်အစားထိုး လုပ်ငန်းများ ရင်းနှီးမြှုပ်နှံရန် ဖိတ်ခေါ်ခဲ့ပြီး လုပ်ငန်းဆောင်ရွက်ခွင့် ရရှိစေရေး၊ လုပ်ငန်းအတွက် မြေနေရာနှင့် လျှပ်စစ်မီးရရှိရေး ကူညီဆောင်ရွက်ပေးမည်

မြန်မာနိုင်ငံ ရင်းနှီးမြှုပ်နှံမှုကော်မရှင်က သွင်းကုန်အစားထိုးလုပ်ငန်းများ ရင်းနှီးမြှုပ်နှံရန် ဖိတ်ခေါ်ခဲ့ပြီး လုပ်ငန်းဆောင်ရွက်ခွင့်ရရှိရေး၊ လုပ်ငန်းအတွက် မြေနေရာနှင့် လျှပ်စစ်မီး ရရှိရေးတို့အတွက် ကူညီဆောင်ရွက်ပေးမည်ဟု ဒီဇင်ဘာ ၂၂ ရက်တွင် ထုတ်ပြန်ကြေညာခဲ့ကြောင်း သိရသည်။

မြန်မာနိုင်ငံရင်းနှီးမြှုပ်နှံမှုကော်မရှင် အနေဖြင့် သွင်းကုန်အစားထိုး ကုန်ပစ္စည်းများအဖြစ် လုပ်ငန်းအချို့ကို သတ်မှတ်ထားပြီး ယင်းကုန်ပစ္စည်းထုတ်လုပ်မှုများတွင် ရင်းနှီး မြှုပ်နှံမှုဆောင်ရွက်ပါက မြန်မာနိုင်ငံ ရင်းနှီး မြှုပ်နှံမှုဥပဒေနှင့်အညီ ခွင့်ပြုမိန့်၊ အတည်ပြုမိန့်များ ဆောလျင်စွာရရှိစေရေး၊ လုပ်ငန်းအ တွက် လိုအပ်သည့် မြေနေရာနှင့် လျှပ်စစ်မီး ရရှိရေးတို့အတွက် လိုအပ်သည်များ ကူညီ ဆောင်ရွက်ပေးမည်ဖြစ်ပါသဖြင့် လုပ်ငန်းရှင် များအနေဖြင့် အဆိုပြုလွှာ၊ အတည်ပြုလျှောက် ထားလွှာများ တင်ပြကြရန် ဖိတ်ခေါ်ထားခြင်း ဖြစ်သည်။
အဆိုပါ သွင်းကုန်အစားထိုးလုပ်ငန်း များအဖြစ် သတ်မှတ်ထားသောလုပ်ငန်းများ မှာ မော်တော်ယာဉ်နှင့် မော်တော်ယာဉ် ဆက် စပ်ပစ္စည်းထုတ်လုပ်ခြင်းလုပ်ငန်း၊ လယ်ထွန် စက်နှင့် လယ်ယာနောက်တွဲယာဉ်များ ထုတ် လုပ်ခြင်းလုပ်ငန်း၊ တယ်လီဖုန်းနှင့် ဆက်သွယ် ရေးပစ္စည်းကိရိယာများ ထုတ်လုပ်ခြင်းလုပ် ငန်း၊ စက်နှင့်စက်ပစ္စည်းများ ထုတ်လုပ်ခြင်း လုပ်ငန်း၊ လျှပ်စစ်ဓာတ်အားဖြန့်ဖြူးရေးနှင့် တပ်ဆင်ရေးပစ္စည်းများထုတ်လုပ်ခြင်းလုပ် ငန်း၊ သံနှင့် သံမဏိဆောက်လုပ်ရေးပစ္စည်း များထုတ်လုပ်ခြင်းလုပ်ငန်း၊ ဓာတ်မြေသြဇာ ထုတ်လုပ်ခြင်းလုပ်ငန်း၊ ပလတ်စတစ်ကုန် ကြမ်းပစ္စည်းများထုတ်လုပ်ခြင်းလုပ်ငန်း၊ စက္ကူ များထုတ်လုပ်ခြင်းလုပ်ငန်း၊ ဓာတုဗေဒချည် ခင်များထုတ်လုပ်ခြင်းလုပ်ငန်း၊ စားသုံးဆီထုတ် လုပ်ခြင်းလုပ်ငန်း၊ ဆေးဝါးပစ္စည်းများထုတ် လုပ်ခြင်းလုပ်ငန်းနှင့် အလှကုန်ပစ္စည်းများ ထုတ်လုပ်ခြင်းလုပ်ငန်းတို့ဖြစ်ပြီး ၎င်းင်းလုပ်ငန်း များမှာ မြန်မာနိုင်ငံအတွက် ပြည်ပမှ အဓိက သွင်းကုန်ပစ္စည်းများ ဖြစ်သည်။

ယင်းလုပ်ငန်းများနှင့်ပတ်သက်၍ မြန် မာနိုင်ငံရင်းနှီးမြှုပ်နှံမှုဥပဒေနှင့်အညီ အဆို ပြုချက်နှင့် အတည်ပြုလျှောက်ထားလွှာများ အား မြန်မာနိုင်ငံ ရင်းနှီးမြှုပ်နှံမှုကော်မရှင် သို့ တင်ပြလျှောက်ထားနိုင်ပါကြောင်း၊ အသေး စိတ်သိရှိလိုပါက အမှတ် (၁) သစ္စာလမ်း ရန်ကင်းမြို့နယ် ရန်ကုန်မြို့ရှိ မြန်မာနိုင်ငံရင်း နှီးမြှုပ်နှံမှုကော်မရှင်ထံ ဆက်သွယ်စုံစမ်းနိုင် ကြောင်း အသိပေးကြေညာထားသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၏ ကုန်သွယ်မှုစာရင်းများအရ ၂၀၁၇-၂၀၁၈ ဘဏ္ဍာနှစ် ဒီဇင်ဘာ ၁၅ ရက် အထိ မြန်မာနိုင်ငံ၏ ကုန်သွယ်မှုပမာဏ ဒေါ် လာ ၂၂၆၁၅ ဒသမ ၀၅၄ သန်း (ဒေါ်လာ ၂၂ ဒသမ ၆၁ ဘီလျံ) ရှိပြီး ပို့ကုန်ပမာဏ ဒေါ်လာ ၉၇၅၅ ဒသမ ၀၂၅ သန်း (ဒေါ်လာ ၉ ဒသမ ၇၅ ဘီလျံ)၊ သွင်းကုန်ပမာဏ ဒေါ်လာ ၁၂၈၆၀ ဒသမ ၀၂၉ သန်း (ဒေါ်လာ ၁၂ ဒသမ ၈၆ ဘီလျံ) ရှိသည်။ လက်ရှိဘဏ္ဍာနှစ်တွင် (ဒီဇင် ဘာ ၁၅ ရက်အထိ) ယခင်နှစ်ကာလတူထက် ကုန်သွယ်မှုပမာဏ ဒေါ်လာ ၃၇၈၄ ဒသမ ၀၅၁ သန်းပိုမိုခဲ့သော်လည်း ပို့ကုန်ထက် သွင်း ကုန်ပမာဏ သိသိသာမြင့်တက်နေခြင်းကြောင့် ကုန်သွယ်မှုလိုငွေ ဒေါ်လာ ၃၁၀၅ သန်းကျော် ဖြစ်ပေါ်နေကြောင်း သိရသည်။

December 23, 2017














Copy Protected by Chetan's WP-Copyprotect.