<

အများပြည်သူ သယ်ယူပို့ဆောင်ရေးအတွက် ရန်ကုန်တိုင်းဒေသကြီးအစိုးရက ရင်းနှီးမြှုပ်နှံထားသည့် ကျပ်ဘီလျံ ၇၀ အား ကုမ္ပဏီနှစ်ခုတွင် ထည့်ဝင်ထားပြီး ရရှိလာမည့် အမြတ်များကို သာမန်ရငွေအဖြစ် စာရင်းတင် ဆောင်ရွက်မည်ဟု သိရ

အများပြည်သူ သယ်ယူပို့ဆောင်ရေးအတွက် ရန်ကုန်တိုင်းဒေသကြီး အစိုးရအဖွဲ့က ရင်းနှီးမြှုပ်နှံထားသည့် ကျပ်ဘီလျံ ၇၀ အား ကုမ္ပဏီနှစ်ခုတွင် ထည့်ဝင်ထားပြီး ရရှိလာမည့် အမြတ်များကို သာမန်ရငွေအဖြစ် စာရင်းတင် ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ဒီဇင်ဘာ ၁၅ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ပဉ္စမပုံမှန်အစည်းအဝေး ၂၄ ရက်မြောက်နေ့တွင် ပြောကြားခဲ့ခြင်း ဖြစ်သည်။

အဆိုပါကိစ္စအား ဒဂုံမြို့နယ် မဲဆန္ဒနယ်အမှတ် (၂) မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ရန်ကုန်တိုင်းဒေသကြီး အစိုးရအဖွဲ့အနေဖြင့် ၂၀၁၆- ၂၀၁၇ ခု ဘဏ္ဍာနှစ်တွင် ခွင့်ပြုခဲ့သည့် နောက်ထပ်ဖြည့်စွက် ရန်ပုံငွေ ကျပ် ဘီလျံ ၇၀ ရင်းနှီးမြှုပ်နှံမှုကို အများပြည်သူ သယ်ယူပို့ဆောင်ရေးအတွက် မည်သည့် အများပိုင်ကုမ္ပဏီများတွင် မည်ကဲ့သို့သော သဘောတူညီမှုများဖြင့် ရင်းနှီးမြှုပ်နှံခဲ့သည်ကို အသေးစိတ်သိရှိလိုကြောင်း၊ ရန်ကုန်တိုင်းဒေသကြီးအတွင်းရှိ မော်တော်ယာဉ်လိုင်းပေါင်းစုံ ထိန်းသိမ်းရေး အဖွဲ့ (မထသ) မှ ယခု ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ (YART) သို့ လွှဲပြောင်းယူခဲ့သည့် ရန်ပုံငွေတန်ဖိုးနှင့် ပုံသေပိုင်ပစ္စည်းများ၏ အမျိုးအစားအလိုက် စုစုပေါင်းတန်ဖိုး မည်မျှရှိသည်ကို သိရှိလိုပါကြောင်း၊ ရန်ကုန်တိုင်းဒေသကြီး အစိုးရအဖွဲ့မှ ကြီးကြပ်ဝယ်ယူခဲ့သည့် (School Bus) အစီး ၂၀၀ ကို မည်သည့် ဘဏ္ဍာငွေမှ ထုတ်နုတ် သုံးစွဲဝယ်ယူခဲ့သည်ကို တိကျစွာ သိရှိလိုကြောင်း မေးခွန်းနှင့်ပတ်သက်ပြီး ၀န်ကြီးဒေါ်နီလာကျော်က ပြန်လည်ဖြေကြားရာတွင် ထည့်သွင်းပြောကြားခဲ့ခြင်း ဖြစ်သည်။

ရန်ကုန်တိုင်းအစိုးရက သယ်ယူပို့ဆောင်ရေးအတွက် ရင်းနှီးမြှုပ်နှံထားသည့် ကျပ်ဘီလျံ ၇၀ သည် ရန်ကုန်ဘတ်စ်ကား အများနှင့်သက်ဆိုင်သောကုမ္ပဏီလီမိတက် (YBPC) နှင့် ရန်ကုန်မြို့ပြ အများပြည်သူသယ်ယူပို့ဆောင်ရေး အများနှင့်သက်ဆိုင်သော ကုမ္ပဏီလီမိတက် (YUPT) တို့တွင် ထည့်ဝင်ထားခြင်းဖြစ်ပြီး YBPC ကုမ္ပဏီသည် ယခင် BRT ဘတ်စ်ကားများ ပြေးဆွဲခဲ့သော ကုမ္ပဏီဖြစ်ပြီး YUPT ကုမ္ပဏီသည် မ.ထ.သ မှ အများပိုင်ကုမ္ပဏီအဖြစ် ဖွဲ့စည်းထားခြင်းဖြစ်ကြောင်း သိရသည်။

“ရန်ကုန်တိုင်းဒေသကြီး အစိုးရအဖွဲ့မှ အစုရှယ်ယာ အများစုပိုင်ဆိုင်သော ရန်ကုန်ဘတ်စ်ကား အများနဲ့သက်ဆိုင်သော ကုမ္ပဏီလီမိတက်၊ မော်တော်ယာဉ် ထုတ်လုပ်တဲ့ကုမ္ပဏီများဖြစ်သော အန်းခိုင်ကုမ္ပဏီနှင့် မော်တော်ယာဉ်အစီး ၅၀၀ ၀ယ်ယူခြင်းအတွက် လည်းကောင်း၊ ယူတုန်းကုမ္ပဏီနှင့် မော်တော်ယာဉ် အစီး ၅၀၀ ၀ယ်ယူခြင်းအတွက် လည်းကောင်း ၀ယ်ယူရေးစာချုပ်များကို ၂၀၁၇ ခုနှစ် ဧပြီ ၁၁ ရက်မှာ လက်မှတ်ရေးထိုးခဲ့ပါတယ်။ ၂၀၁၇ ခုနှစ် ဇွန် ၁၀ ရက်မှာ ရန်ကုန်မြို့သို့ ရောက်ရှိလာတဲ့ ဘတ်စ်ကားအစီး ၁၀၀၀ ကို အခမ်းအနားနဲ့ လွှဲပြောင်းပြီးစီးပြီး ၂၀၁၇ ဇူလိုင် ၁၃ ရက်မှာ ပြုလုပ်တဲ့ ရန်ကုန်တိုင်းဒေသကြီးအစိုးရအဖွဲ့ အစည်းအဝေးဆုံးဖြတ်ချက်အရ ရန်ကုန်ဘတ်စ်ကား အများနှင့်သက်ဆိုင်သောကုမ္ပဏီလီမိတက် အများပြည်သူ သယ်ယူပို့ဆောင်ရေးတွင် စုစုပေါင်း ရင်းနှီးမြှုပ်နှံငွေ ကျပ် ၇၀ ဘီလျံအနက်မှ ကျပ် ၃၅ ဘီလျံအား လည်းကောင်း၊ ရန်ကုန်မြို့ပြ အများပြည်သူ သယ်ယူပို့ဆောင်ရေး အများနှင့်သက်ဆိုင်သော ကုမ္ပဏီလီမိတက် (YUPT) တွင် ကျပ် ၃၅ ဘီလျံအား လည်းကောင်း ထည့်ဝင်ရင်းနှီးခဲ့ပြီး ဖြစ်ပါတယ်။ ၂၀၁၆-၂၀၁၇ ဘဏ္ဍာနှစ်တွင် ခွင့်ပြုခဲ့သည့် နောက်ထပ်ခွင့်ပြုခဲ့သည့် ဖြည့်စွက်ရန်ပုံငွေ ကျပ်သန်း ၇၀ ဘီလျံကို ကုမ္ပဏီနှစ်ခုတွင် မတည်ရင်းနှီးငွေအဖြစ် ထည့်ဝင်ထားခဲ့ပြီး နှစ်စဉ်ရရှိလာမည့် ကုမ္ပဏီအမြတ်ဝေစုများကို ရန်ကုန်တိုင်းဒေသကြီး အစိုးရအဖွဲ့၏ ဘတ်ဂျက်သာမန်ငွေစာရင်း ခေါင်းစဉ်တွင် သာမန်ရငွေအဖြစ် စာရင်းတင် ဆောင်ရွက်သွားမှာ ဖြစ်ပါတယ်” ဟု ၀န်ကြီးဒေါ်နီလာကျော်က ပြောကြားသည်။

ထို့ပြင် ၂၀၁၆-၂၀၁၇ ဘဏ္ဍာနှစ် ရန်ကုန်တိုင်းဒေသကြီး နောက်ထပ် ဘဏ္ဍာခွဲဝေသုံးစွဲရေး ဥပဒေတွင် ရန်ကုန်တိုင်းဒေသကြီးအတွင်း အများပြည်သူသွားလာမှု အဆင်ပြေချောမွေ့စေရေးအတွက် ခရီးသည်တင် မော်တော်ယာဉ် Brand new City Bus များ ပြေးဆွဲရန် အများပိုင်ကုမ္ပဏီများတွင် ထည့်ဝင်ရင်းနှီးရန်အတွက် ကျပ် ဘီလျံ ၇၀ ကို ကြွေးမြီအသုံးစရိတ်ခေါင်းစဉ်မှာ အဖွဲ့အစည်းများ ရင်းနှီးငွေတွင် လျာထားခဲ့ကြောင်း၊ ရန်ကုန်တိုင်းဒေသကြီး အစိုးရအဖွဲ့မှ တရုတ်ပြည်သူ့သမ္မတနိုင်ငံ မော်တော်ယာဉ်အစီးရေ ၁၀၀၀ ကို တစ်စီးလျှင် အမေရိကန်ဒေါ်လာ ၅၆၀၀၀ နှုန်းဖြင့် ၀ယ်ယူနိုင်ရေး၊ G to G ၀ယ်ယူနိုင်ရေး၊ ဈေးနှုန်းများ မှန်ကန်စေရေး၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီးနှင့် ဆွေးနွေးခဲ့ကြောင်း ၎င်းက ဆက်လက်ပြောကြားသည်။

ရန်ကုန်တိုင်းဒေသကြီး ယခင် မော်တော်ယာဉ်လိုင်းပေါင်းစုံ ထိန်းသိမ်းရေးအဖွဲ့ (မထသ) ၏ ရန်ပုံငွေ ငွေသားများကို YRTA မှ လွှဲပြောင်းရယူရာတွင် ရန်ကုန်တိုင်းဒေသကြီး အစိုးရအဖွဲ့အတွင်းရေးမှူး ဦးဆောင်သော အဖွဲ့ဖြင့် လွှဲပြောင်းရယူခဲ့ကြောင်း၊ ကျပ်သိန်းပေါင်း ခြောက်သောင်း ရရှိခဲ့ကြောင်း ၎င်းက ဆက်လက်ပြောကြားသည်။

December 16, 2017














Copy Protected by Chetan's WP-Copyprotect.