မြန်မာနိုင်ငံနှင့် ဘင်္ဂလားဒေ့ရှ်သို့ သွားရောက်ရန် လုံခြုံရေးကောင်စီကို ကုလသမဂ္ဂ အထူးကိုယ်စားလှယ် တိုက်တွန်း

မြန်မာနိုင်ငံနှင့် ဘင်္ဂလားဒေ့ရှ်သို့ သွားရောက်ရန် လုံခြုံရေးကောင်စီကို ကုလသမဂ္ဂ အထူးကိုယ်စားလှယ် တိုက်တွန်း
Published 13 December 2017

နိုဝင်ဘာ ၂၉ ရက်က ဘင်္ဂလားဒေ့ရှ်နိုင်ငံ ကော့ဘဇားရှိ ဘာလူခါလီဒုက္ခသည်စခန်းအား ရိုက်ကူးထားသော ဓာတ်ပုံ (Photo - AFP)

လုံခြုံရေးကောင်စီသည် မြန်မာနိုင်ငံနှင့် ဘင်္ဂလားဒေ့ရှ်သို့ သွားရောက်သင့်ကြောင်း ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ်က ဒီဇင်ဘာ ၁၂ ရက်တွင် လုံခြုံရေးကောင်စီကို တိုက်တွန်းခဲ့သည်။

ဘင်္ဂါလီမွတ်စလင် (မူရင်းတွင် ရိုဟင်ဂျာဟုဖော်ပြ) အမျိုးသမီးများအား မြန်မာစစ်သားများက လိင်ပိုင်းဆိုင်ရာ တိုက်ခိုက်မှုများ အကြောင်းကို လုံခြုံရေးကောင်စီတွင် ပြောပြခဲ့သော အထူးကိုယ်စားလှယ် ပရဂမီလာပတ်တင်က အရပ်သားများအား တိုက်ခိုက်မှုများ အဆုံးသတ်ရန်လည်း တိုက်တွန်းပြောကြားခဲ့သည်။

ကုလသမဂ္ဂ အတွင်းရေးမှူးချုပ် အန်တိုနီယို ဂူတာရက်စ်၏ အထူးကိုယ်စားလှယ်ဖြစ်သော ပတ်တင်က အဖွဲ့ဝင် ၁၅ နိုင်ငံပါ လုံခြုံရေးကောင်စီသည် မြန်မာနိုင်ငံနှင့် ဘင်္ဂလားဒေ့ရှ်ရှိ ကော့ဘဇားသို့ သွားရောက်သင့်ကြောင်း ပြောကြားခဲ့ပြီး ရခိုင်ပြည်နယ်တွင် အရပ်သားများအား အကြမ်းဖက်မှုများ ချက်ချင်းရပ်တန့်ရေးအတွက် တောင်းဆိုသည့် လုံခြုံရေးကောင်စီ ဆုံးဖြတ်ချက်နှင့် တိုက်ခိုက်မှု ကျူးလွန်သူများအား အရေးယူရန်အတွက် လုပ်ဆောင်ချက်များ ချမှတ်မှုသည် အရေးကြီးသော အချက်ပြမှုပေးခြင်း ဖြစ်မည်ဟု ၎င်းက ပြောကြားသည်။

လုံခြုံရေး တပ်ဖွဲများက မုဒိမ်းကျင့်မှုများနှင့် သတ်ဖြတ်မှုများ ဆောင်ရွက်ခဲ့သည်ဟူသော စွပ်စွဲချက်အားလုံးကို မြန်မာတပ်မတော်က မဟုတ်မှန်ကြောင်း ငြင်းဆိုထားသည်။

“ဒါက လက်မခံနိုင်စရာပါပဲ။ ဘာဖြစ်ခဲ့သလဲဆိုတာ စုံစမ်းဖို့ လွတ်လပ်ပြီး ပွင့်လင်းမြင်သာမှုရှိတဲ့၊ ယုံကြည်စိတ်ချရတဲ့ စုံစမ်းစစ်ဆေးမှုကို (မြန်မာနိုင်ငံက) ခွင့်ပြုရမယ်” ဟု ကုလသမဂ္ဂဆိုင်ရာ အမေရိကန်သံအမတ်ကြီး နစ်ကီဟာလေက ပြောကြားခဲ့သည်။

မြန်မာအစိုးရထံမှ ကတိများ ကြားထားရသော်လည်း အရေးယူ ဆောင်ရွက်ချက်ကို မြင်တွေ့ရရန် လိုအပ်ကြောင်း ဟာလေက ပြောကြားခဲ့သည်။

ရခိုင်ပြည်နယ်တွင် စစ်အင်အား အလွန်အကျွံသုံးမှု ထပ်မံမဖြစ်စေရေးအတွက် အသေအချာ ဆောင်ရွက်ရန် လုံခြုံရေးကောင်စီက မြန်မာအစိုးရကို တိုက်တွန်းထားသည်။

ကုလသမဂ္ဂဆိုင်ရာ တရုတ်သံအမတ်ကြီး၏ လက်ထောက် ဝူဟိုင်ထောင်က ရခိုင်အကျပ်အတည်းကို မြန်မာနှင့် ဘင်္ဂလားဒေ့ရှ် နှစ်နိုင်ငံကြား သဘောတူညီချက်မှ တစ်ဆင့် ဖြေရှင်းရမည်ဖြစ်ကြောင်း ပြောကြားခဲ့ပြီး ပြင်ပမှ ပြင်းထန်သည့် ဖိအားကြောင့် ရရှိသော မည်သည့်ဆုံးဖြတ်ချက်မဆို အခြေအနေကို ယာယီသာ ပြေလည်စေဖွယ်ရှိပြီး ဆန့်ကျင်ဘက် သက်ရောက်မှုများ ဖြစ်စေမည်ဟု သတိပေးခဲ့သည်။

Most Read

Most Recent