<

၂၀၁၇-၂၀၁၈ ဘဏ္ဍာနှစ် နိုဝင်ဘာအထိ နိုင်ငံသားရင်းနှီးမြှုပ်နှံမှုပမာဏ ဒေါ်လာ ၈၀၃ သန်းကျော်အပါအ၀င် ကျပ် ၂ ဒသမ ၈ ထရီလျံကျော် မြှုပ်နှံထား

ရန်ကုန်တိုင်းဒေသကြီးအတွင်း နိုင်ငံသားရင်းနှီးမြှုပ်နှံမှုဖြင့် ဆောင်ရွက်သည့် ဆောက်လုပ်ရေးလုပ်ငန်းခွင်အား တွေ့ရစဉ်

၂၀၁၇-၂၀၁၈ ဘဏ္ဍာနှစ် နိုဝင်ဘာလအထိ မြန်မာနိုင်ငံသား ရင်းနှီးမြှုပ်နှံမှုပမာဏ ဒေါ်လာ ၈၀၃ သန်းကျော်အပါအ၀င် ကျပ် ၂ ဒသမ ၈ ထရီလျံကျော်အထိ မြှုပ်နှံထားကြကြောင်း မြန်မာနိုင်ငံရင်းနှီးမြှုပ်နှံမှုကော်မရှင် သတင်းထုတ်ပြန်ချက် အမှတ်စဉ် (၁၃/ ၂၀၁၇) အရ သိရသည်။

၂၀၁၇-၂၀၁၈ ဘဏ္ဍာနှစ်အတွင်း မြန်မာနိုင်ငံသား ရင်းနှီးမြှုပ်နှံမှုခွင့်ပြုပေးခဲ့မှုမှာ ၂၀၁၇ ခုနှစ် နိုဝင်ဘာလအထိ မြန်မာနိုင်ငံသား ရင်းနှီးမြှုပ်နှံမှုလုပ်ငန်း ၇၂ ခု၊ ဒေါ်လာ ၇၃၆ ဒသမ ၀၅၄ သန်းအပါအ၀င် ကျပ် ၂၇၀၁၃၈၆ ဒသမ ၃၆၃ သန်းဖြစ်ကြောင်း၊ ရင်းနှီးမြှုပ်နှံမှု တိုးမြှင့်ခြင်းအပါအ၀င် စုစုပေါင်း ရင်းနှီးမြှုပ်နှံမှုပမာဏ ဒေါ်လာ ၈၀၃ ဒသမ ၀၁၃ သန်းအပါအ၀င် ကျပ် ၂၈၉၃၂၀၇ ဒသမ ၆၃၀ သန်း ခွင့်ပြုပြီးဖြစ်ကြောင်း  သိရသည်။

မြန်မာနိုင်ငံ ရင်းနှီးမြှုပ်နှံမှုကော်မရှင်၏ အစည်းအဝေးအမှတ်စဉ် (၁၆/၂၀၁၇) ကို ၂၀၁၇ ခုနှစ် နိုဝင်ဘာ ၃၀ ရက်က ရန်ကုန်မြို့ သစ္စာလမ်းရှိ ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနတွင် ကျင်းပခဲ့ကြောင်း သိရသည်။

အဆိုပါအစည်းအဝေး အမှတ် (၁၆/  ၂၀၁၇) တွင် မြန်မာနိုင်ငံသား ရင်းနှီးမြှုပ်နှံမှု လုပ်ငန်းငါးခုခွင့်ပြုခဲ့ပြီး လုပ်ငန်းတစ်ခုကို အတည်ပြုခဲ့ကြောင်း၊ ကချင်ပြည်နယ်၊ တနင်္သာရီတိုင်းဒေသကြီး၊ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီး ရင်းနှီးမြှုပ်နှံမှုကော်မတီများက အတည်ပြုပေးခဲ့သည့် လုပ်ငန်းရှစ်ခုရှိသဖြင့် စုစုပေါင်းလုပ်ငန်း ၁၄ ခုမှ ရင်းနှီးမြှုပ်နှံမှုပမာဏ ဒေါ်လာ ၂၄၁ ဒသမ ၄၈၇ သန်းအပါအ၀င် ကျပ်သန်း ၁၄၀၂၈၄၄ ဒသမ ၆၃၀ ခွင့်ပြု/ အတည်ပြုပေးခဲ့ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်က သတင်းထုတ်ပြန်ချက်အမှတ်စဉ် (၁၃/ ၂၀၁၇) အရ သိရသည်။

အဆိုပါလုပ်ငန်းများမှ ပြည်တွင်းလုပ်သားများအတွက် အလုပ်အကိုင်အခွင့်အလမ်းပေါင်း ၂၃၃၆ ခုကို ဖန်တီးပေးမည်ဖြစ်ကြောင်း၊ ခွင့်ပြု/ အတည်ပြုလုပ်ငန်း ၁၄ ခုမှာ စိုက်ပျိုးရေးကဏ္ဍသုံးခု၊ အိမ်ရာအဆောက် အအုံကဏ္ဍတစ်ခု၊ စက်မှုကဏ္ဍငါးခု၊ လျှပ်စစ်ကဏ္ဍတစ်ခု၊ ဟိုတယ်နှင့်ခရီးသွားကဏ္ဍသုံးခု၊ အခြားဝန်ဆောင်မှု ကဏ္ဍတစ်ခုတို့ဖြစ်ကြောင်း သိရသည်။

ပြည်နယ်နှင့် တိုင်းဒေသကြီးများတွင် ရင်းနှီးမြှုပ်နှံမှုခွင့်ပြုပေးခဲ့မှု အပါအ၀င် ၂၀၁၇- ၂၀၁၈ ဘဏ္ဍာနှစ် နိုဝင်ဘာလအထိ ပြည်တွင်းသို့ နိုင်ငံခြားရင်းနှီးမြှုပ်နှံမှုပမာဏ  ဒေါ်လာ ၄ ဒသမ ၇ ဘီလျံကျော်အထိ ၀င်ရောက်မြှုပ်နှံထားကြောင်း မြန်မာနိုင်ငံရင်းနှီးမြှုပ်နှံမှုကော်မရှင် သတင်းထုတ်ပြန်ချက်အမှတ်စဉ် (၁၃/ ၂၀၁၇) အရ သိရသည်။

 

December 7, 2017














Copy Protected by Chetan's WP-Copyprotect.