<

မောင်တောဒေသအတွင်း ဘင်္ဂါလီများနှင့် ဟိန္ဒူဘာသာဝင်များကို NVC ကတ်ထုတ်ပေးမှု ဆက်လက်ဆောင်ရွက်လျက်ရှိပြီး လေးပတ်အတွင်း လူဦးရေ ခြောက်ရာကျော် လာရောက်ထုတ်ယူပြီးဖြစ်

နိုင်ငံသားစိစစ်ခံရမည့်သူ၏ သက်သေခံကတ်ပြား ထုတ်ပေးနိုင်ရေးလုပ်ငန်းများကို တာဝန်ရှိသူများ အောက်တိုဘာလအတွင်းက ဆောင်ရွက်စဉ် (Photo: Information Committee)

ARSA ဘင်္ဂါလီအစွန်းရောက် အကြမ်းဖက်သမားများ၏ တိုက်ခိုက်မှု ဖြစ်စဉ်ပြီးနောက် မောင်တောဒေသတွင် နိုင်ငံသားစိစစ်ခံရမည့်သူများ ကိုင်ဆောင်သည့်ကတ် NVC (National Verification Card) ထုတ်ပေးမှု ကွင်းဆင်းဆောင်ရွက်မှု ဆက်လက်ဆောင်ရွက်လျက်ရှိပြီး စတင်ဆောင်ရွက်သည့်နေ့မှ လေးပတ်အတွင်း လူဦးရေ ခြောက်ရာကျော် လာရောက်ထုတ်ယူခဲ့ကြောင်း သိရသည်။

မောင်တောမြို့နယ် ရွှေဇားကျေးရွာအုပ်စုတွင် အောက်တိုဘာ ၁၂ ရက်မှ စတင်၍ (National Verification Card) NVC များ စတင်လုပ်ဆောင်ပေးခဲ့ပြီး နိုဝင်ဘာ  ၈ ရက် နံနက်ပိုင်းအထိ ကတ်လုပ်ပြီးသူ စုစုပေါင်း ၆၁၅ ဦးရှိကြောင်း ပြည်နယ် လ၀ကမှ သိရသည်။

အဆိုပါ NVC (National Verification Card)  ထုတ်ပေးမှု ကွင်းဆင်းဆောင်ရွက်မှုကို လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာန၊ ရခိုင်ပြည်နယ်ဦးစီးမှူး၊ ညွှန်ကြားရေးမှူး ဦးအောင်မင်းကိုယ်တိုင် ကွင်းဆင်းဆောင်ရွက်နေခြင်းဖြစ်ပြီး မောင်တောမြို့အနီး ဘင်္ဂါလီအများစု နေထိုင်သည့် ရွှေဇားကျေးရွာအုပ်စုတွင် ဘင်္ဂါလီနှင့် ဟိန္ဒူဘာသာဝင်များကို ထုတ်ပေးနေခြင်းဖြစ်ကြောင်း နှင့် အောက်တိုဘာ ၁၂ ရက်မှ နိုဝင်ဘာ ၇ ရက် အထိ ၅၈၅ ဦးနှင့်  နိုဝင်ဘာ ၈ ရက် နံနက်ပိုင်းတွင် လူဦးရေ  ၃၀ အထိ ထုတ်ယူခဲ့ကြောင်း သိရသည်။

မောင်တောမြို့နှင့် တစ်မိုင်အကွာရှိ ရွှေဇားကျေးရွာအုပ်စု ရွာသုံးရွာတွင် အိမ်ထောင်စု ၄၅၀ မှ လူဦးရေ ၃၅၀၀ ကျော်အား NVC ကတ်များ ထုတ်ပေးနေခြင်းဖြစ်ပြီး မြန်မာနိုင်ငံတွင် နေထိုင်သူများအနေဖြင့် မြန်မာနိုင်ငံတွင် နေထိုင်ကြောင်း သက်သေခံ ကတ်ပြားတစ်ခုခု ကိုင်ဆောင်ရမည်ဖြစ်ရာ နိုင်ငံသားစိစစ်ရေးလုပ်ငန်းစဉ်အတွက် NVC ကတ်သည် ပထမဦးဆုံးအဆင့်ဖြစ်သည့်အတွက် NVC ကတ်ပြား ထုတ်ယူကိုင်ဆောင်ပြီးမှသာ နိုင်ငံသားစိစစ်ရေးလုပ်ငန်းများ ဆက်လက်ဆောင်ရွက်နိုင်မည်ဖြစ်ကြောင်းသိရသည်။

သို့အတွက် နိုင်ငံသားစိစစ်ခံရန်အတွက် NVC ကတ် ကိုင်ဆောင်ရန် လိုအပ်ကြောင်း၊ NVC ကတ် ကိုင်ဆောင်ခြင်းကြောင့် တစ်ဖက် နိုင်ငံသားဟု သတ်မှတ်သည်ဆိုသည်မှာ မဟုတ်ကြောင်း၊ NVC ကတ်သည် နိုင်ငံသား စိစစ်ရေးလုပ်ငန်းအတွက် ပထမကိုင်ဆောင်ရသည့် ကတ်သာဖြစ်ကြောင်း၊ ထို့ပြင် NVC ကတ် ထုတ်ပေးခြင်းသည် နိုင်ငံတော်၏ လုပ်ငန်းစဉ်

တစ်ခုဖြစ်ပြီး တစ်ဖက်နိုင်ငံမှ ခိုးဝင်သူနှင့် မြန်မာနိုင်ငံတွင် နေထိုင်သူ ခွဲခြားနိုင်ရန် လုပ်ငန်းစဉ် တစ်ခုဖြစ်ကြောင်း သိရသည်။

ထို့ပြင် NVC လာလုပ်သူများအား  BIOMATRIX SYSTEM ဖြင့် လက်ဗွေ၊ မျက်လုံးတို့ကို မှတ်တမ်းတင်ထားကြောင်း သိရသည်။ မောင်တောမြို့နယ် အလယ်သံကျော် ကျေးရွာတွင် NVC ကတ်များ တစ်အိမ်တက်ဆင်း ကွင်းဆင်းဆောင်ရွက်မှုကို ဖေဖော်ဝါရီအတွင်း ပြုလုပ်ခဲ့ကြောင်း သိရသည်။

ရခိုင်ပြည်နယ်တွင် နိုင်ငံသားစိစစ်ခံယူရမည့်သူ၏ သက်သေခံကတ်ပြား NVC ကတ်များ ထုတ်ပေးနိုင်ရေးအတွက် နယ်လှည့် ကွင်းဆင်းဆောင်ရွက်သွားမည့် ဦးဆောင်အဖွဲ့တစ်ဖွဲ့ကို နိုင်ငံတော်သမ္မတ ဦးထင်ကျော် အမိန့်ဖြင့် ဖေဖော်ဝါရီ ၈ ရက်တွင် ဖွဲ့စည်းခဲ့ပြီး  အဆိုပါအဖွဲ့တွင် အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန ပြည်ထောင်စုဝန်ကြီးက ဥက္ကဋ္ဌဖြစ်ပြီး ပြည်ထဲရေး၊ ကာကွယ်ရေး၊ လုံခြုံရေးနှင့် နယ်စပ်ရေးရာ ၀န်ကြီးဌာနများမှ ဒု-၀န်ကြီးများ အပါအ၀င်နိုင်ငံခြားရေးနှင့် အမျိုးသား မှတ်ပုံတင်နှင့်  နိုင်ငံသားဦးစီးဌာနမှ ညွှန်ကြားရေးမှူးချုပ် တစ်ဦးတို့ ပါဝင်ကြောင်း သိရသည်။

ရခိုင်ပြည်နယ်တွင် ၂၀၁၅ ခုနှစ် မေ ၃၁ ရက်က သက်တမ်းကုန်ဆုံးသွားသည့် ယခင်က ၀ှိုက်ကတ်ခေါ် ယာယီသက်သေခံ လက်မှတ်ပြန်လည်အပ်နှံထားသူ လေးသိန်းနီးပါးရှိခဲ့ပြီး နောက်ပိုင်း NVC ကတ်များ ထုတ်ပေးခဲ့ရာ ၂၀၁၇ ခုနှစ် ဇန်န၀ါရီအထိ ခြောက်ထောင်ကျော်ကိုသာ NVC ကတ် ထုတ်ပေးထားကြောင်း သိရသည်။

November 8, 2017














Copy Protected by Chetan's WP-Copyprotect.