<

တစ်ဖက်နိုင်ငံသို့ ရောက်နေသူများ နှစ်နိုင်ငံ သဘောတူညီချက်အရ ရခိုင်ပြည်နယ်သို့ ပြန်လည်ဝင်ရောက်လာပါက ကျန်းမာရေးစစ်ဆေးမှုများကို အထူးစီမံချက်ဖြင့် လုပ်ဆောင်မည်

ဘင်္ဂလားဒေ့ရ်ှနိုင်ငံသို့ ထွက်ပြေးမည့် ဘင်္ဂါလီများကို မထွက်ခွာကြရန် မြန်မာအစိုးရ တာဝန်ရှိသူများ ပြောကြားနေစဉ် (ဓာတ်ပုံ-သတင်းထုတ်ပြန်ရေးကော်မတီ)

တစ်ဖက်နိုင်ငံသို့ ရောက်ရှိနေသူများအနေဖြင့် ရခိုင်ပြည်နယ်သို့ နှစ်နိုင်ငံသဘောတူညီချက်အရ ပြန်လည်ဝင်ရောက်လာပါက လိုအပ်သော ကျန်းမာရေးစစ်ဆေးမှုများနှင့် စောင့်ရှောက်မှုလုပ်ငန်းများကို ကျန်းမာရေးနှင့် အားကစားဝန်ကြီးဌာနက လုပ်ဆောင်မည်ဖြစ်ကြောင်း သိရသည်။

အဆိုပါကိစ္စကို အောက်တိုဘာ ၁ ရက်က ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီးနှင့် ကမ္ဘာ့ဘဏ်၏ အာရှ-ပစိဖိတ်ဆိုင်ရာ ဒုတိယဥက္ကဋ္ဌ Ms.Victoria Kwakwa နှင့်အဖွဲ့တို့တွေ့ဆုံစဉ် ပြည်ထောင်စုဝန်ကြီးက ပြောကြားခဲ့ခြင်းဖြစ်ပြီး ယင်းအဖွဲ့နှင့်တွေ့ဆုံစဉ် ကမ္ဘာ့ဘဏ်နှင့်ပူးပေါင်း၍ ကျန်းမာရေးစောင့်ရှောက်မှုလုပ်ငန်းများ ဆောင်ရွက်နေသည့် အခြေအနေ၊ အာဟာရဖွံ့ဖြိုးရေးလုပ်ငန်းများ ဆောင်ရွက်နေသည့် အခြေအနေနှင့် ရခိုင်ပြည်နယ်တွင် ကျန်းမာရေးစောင့်ရှောက်မှုများ ဆောင်ရွက်နေသည့် အခြေအနေများကို ဆွေးနွေးခဲ့ကြောင်း သိရသည်။

ကျန်းမာရေးနှင့် အားကစားဝန်ကြီးဌာနအနေဖြင့် ရခိုင်ပြည်နယ်တွင် နေထိုင်ကြသူများအတွက် ကျန်းမာရေးစောင့်ရှောက်မှု လုပ်ငန်းများကို၂၀၁၂ ခုနှစ် အကြမ်းဖက်ဖြစ်ရပ် နောက်ပိုင်းမှစ၍ ကော်မတီဖွဲ့၍ အထူးဦးစားပေး ဆောင်ရွက်ခဲ့ကြောင်း၊ တစ်ဖက်နိုင်ငံသို့ ရောက်ရှိနေသူများအနေဖြင့် နှစ်နိုင်ငံ သဘောတူညီချက်အရ ပြန်လည်ဝင်ရောက်လာပါက လိုအပ်သောကျန်းမာရေး စစ်ဆေးမှုများပေးခြင်း၊ အဏုအာဟာရဆေးဝါးများ ထောက်ပံ့ပေး၍ အာဟာရချို့တဲ့မှုမှ ကာကွယ်ကုသပေးခြင်း၊ ကလေးများ တွင် အဖြစ်များသော ကာကွယ်ဆေးထိုးခြင်းဖြင့် ကာကွယ်နိုင်သော ရောဂါများအတွက် ကာကွယ်ဆေးများထိုးနှံပေးခြင်း၊ ပြန်လည်အခြေချနေထိုင်မည့် နေရာများတွင် ပတ်ဝန်းကျင် သန့်ရှင်းရေးအတွက် ဆောင်ရွက်ပေးခြင်း၊ ကျေးလက်ကျန်းမာရေးဌာနခွဲများ၊ ကျေးလက်ကျန်းမာရေးဌာနများ ဖွင့်လှစ်ပေးခြင်း၊ လိုအပ်ပါက ၁၆ ကုတင်ဆံ့ ယာယီတိုက်နယ်ဆေးရုံများ ဖွင့်လှစ်ပေးခြင်းစသည်ဖြင့် ကျန်းမာရေးစောင့်ရှောက်မှု လုပ်ငန်းများကို ဆောင်ရွက်မည်ဖြစ်ကြောင်းနှင့် အဆိုပါလုပ်ငန်းများကို အထူးစီမံချက်အသွင် ဆောင်ရွက်ပေးသွားမည်ဖြစ်ပြီး ကမ္ဘာ့ဘဏ်မှ ပူးပေါင်းဆောင်ရွက်နိုင်သည်ဖြစ်ကြောင်း ကမ္ဘာ့ဘဏ်အဖွဲ့နှင့် တွေ့ဆုံစဉ် ပြောကြားခဲ့သည်။

သြဂုတ် ၂၅ ရက်တွင် ဘင်္ဂါလီ အစွန်းရောက် အကြမ်းဖက်သမားများက ရခိုင်ပြည်နယ် မောင်တောမြို့နှင့် မောင်တောမြို့ပတ်ဝန်းကျင်ရှိ ရဲကင်းစခန်း ၃၀ အား တစ်ပြိုင်နက်တည်း ၀င်ရောက်တိုက်ခိုက်မှု ဖြစ်စဉ်အပြီးတွင် ဘင်္ဂါလီများမှာ ဘင်္ဂလားဒေ့ရ်ှနိုင်ငံသို့ ထွက်ပြေးလျက်ရှိကြောင်း သိရသည်။

ကုလသမဂ္ဂမှ ထုတ်ပြန်ထားသည့် အချက်အလက်များအရ လက်ရှိအချိန်အထိ ဘင်္ဂလားဒေ့ရ်ှနိုင်ငံသို့ ထွက်ပြေးသူ ဘင်္ဂါလီဒုက္ခသည် ငါးသိန်းနီးပါးခန့်ရှိကြောင်း သိရသည်။

ထွက်ပြေးသူများကို ပြန်လည်လက်ခံနိုင်ရန်အတွက် မြန်မာနှင့် ဘင်္ဂလားဒေ့ရှ် နှစ်နိုင်ငံအကြား ညှိနှိုင်းလျက်ရှိပြီး ၁၉၉၃ ခုနှစ်ဥပဒေအရ ပြန်လည်လက်ခံမည်ဖြစ်ကြောင်း မြန်မာအစိုးရက ကြေညာထားသည်။

October 3, 2017














Copy Protected by Chetan's WP-Copyprotect.