<

ရခိုင်ပြည်နယ်တွင် အကြမ်းဖက်မှုများ ဆက်လက်ဖြစ်ပွားနေပါက IS အဖွဲ့အနေဖြင့် အရှေ့တောင်အာရှတွင် ခြေကုပ်စခန်း ရရှိသွားနိုင်သည်ဟု သြစတြေးလျ နိုင်ငံခြားရေးဝန်ကြီး ပြောကြား

စက်တင်ဘာ ၂၂ ရက်က ကုလသမဂ္ဂဌာနချုပ်၌ ပြုလုပ်သော အထွေထွေညီလာခံတွင် သြစတြေးလျ နိုင်ငံခြားရေးဝန်ကြီး ဂျူလီဘစ်ရှော့ မိန့်ခွန်းပြောကြားနေစဉ် (Photo : AP)

ရခိုင်ပြည်နယ်တွင် လူနည်းစု တိုင်းရင်းသားများအပေါ် အကြမ်းဖက်မှုများ ဆက်လက်ဖြစ်ပွားနေပါက IS ကဲ့သို့သော အကြမ်းဖက်အဖွဲ့များ အနေဖြင့် အရှေ့တောင်အာရှတွင် ခြေကုပ်စခန်း ရရှိသွားနိုင်သည်ဟု သြစတြေးလျ နိုင်ငံခြားရေးဝန်ကြီး ဂျူလီဘစ်ရှော့က အောက်တိုဘာ ၁ ရက်တွင် သတိပေးခဲ့သည်။

မြန်မာနိုင်ငံ ရခိုင်ပြည်နယ်တွင် ဖြစ်ပွားသော အကြမ်းဖက်မှုများကြောင့် ဘင်္ဂါလီ မွတ်စလင် ၅၀၀,၀၀၀ ခန့်သည် အိမ်နီးချင်း ဘင်္ဂလားဒေ့ရ်ှနိုင်ငံသို့ ထွက်ပြေးပြီး ဖြစ်သည်ဟု ယူဆရသည်။

(မွတ်စလင်လူနည်းစု တိုင်းရင်းသား ဖြစ်သည်ဟု အချို့က ယူဆသော်လည်း နိုင်ငံမဲ့အဖြစ် သတ်မှတ်ခံရကာ ကူးပြောင်းရာ နိုင်ငံများ၌ ထိန်းသိမ်းခံရသည့်) မြန်မာနိုင်ငံမှ ဘင်္ဂါလီမွတ်စလင် ဒုက္ခသည်များ အရေးသည်  စိတ်ပျက်ဖွယ် အနေအထား၌ ရှိနေသည်ဟု ဆိုသည်။

ယင်းအနေအထားက နယ်စပ်မှနေ၍ တဖွဲဖွဲ ၀င်ရောက်လာသော ဒုက္ခသည်များကို လက်ခံထားသည့် အိမ်နီးချင်း ဘင်္ဂလားဒေ့ရ်ှနိုင်ငံ၌ လူသားချင်း စာနာထောက်ထားမှုဆိုင်ရာ အကျပ်အတည်းတစ်ရပ် ဖြစ်စေခဲ့သည်။

မစ္စဘစ်ရှော့က မြန်မာတပ်မတော်၏ စစ်ဆင်ရေး တစ်ရပ်ကြောင့် ဖြစ်ပွားဆဲ ဖြစ်သည်ဟု ယူဆသော အကြမ်းဖက်မှုများသည် ပိုမိုကျယ်ပြန့်သော ပြဿနာရပ်များဆီသို့ မြင့်တက်သွားနိုင်သည်ဟု အခိုင်အမာ ပြောကြားခဲ့သည်။

“ဘင်္ဂါလီ (မူရင်း၌ ရိုဟင်ဂျာဟုဖော်ပြ) မွတ်စလင် အုပ်စုတစ်စုအပေါ် နှိပ်ကွပ်မှုကို ISIS အဖွဲ့နဲ့ တခြားအကြမ်းဖက် အုပ်စုတွေက လက်နက်ကိုင်ဖို့နဲ့ အနောက်တိုင်းကို တိုက်ခိုက်ဖို့ သူတို့ရဲ့ဇာတ်လမ်း တစ်စိတ်တစ်ဒေသအဖြစ် အသုံးပြုသွားပါလိမ့်မယ်” ဟု ဂျူလီဘစ်ရှော့က Insiders ရုပ်သံအစီအစဉ်သို့ ပြောကြားခဲ့သည်။

“ဒါဟာ ဘာကြောင့် မြန်မာနိုင်ငံရဲ့ အနေအထားကို ဖြေရှင်းရမယ် ဆိုတာပါပဲ” ဟုလည်း ၎င်းက ပြောကြားခဲ့သည်။

မြန်မာနိုင်ငံ၏ အရပ်သား အစိုးရအဖွဲ့ခေါင်းဆောင် ဒေါ်အောင်ဆန်းစုကြည်သည် တစ်ချိန်က နိုင်ငံရေး တက်ကြွလှုပ်ရှားသူအဖြစ် ချီးကျူးဂုဏ်ပြုမှု ခံရသော်လည်း ယခုအနေအထားကို ကိုင်တွယ်ပုံနှင့် ပတ်သက်၍ ထိရောက်စွာ ဆောင်ရွက်မှု အားနည်းသောကြောင့် ပြင်းထန်သော ဝေဖန်မှုများကို ရင်ဆိုင်ခဲ့ရသည်။

ယခုသီတင်းပတ် အစောပိုင်းတွင် ဘင်္ဂလားဒေ့ရ်ှရဲတပ်ဖွဲ့က ရေယာဉ်တိမ်းမှောက်မှုကြောင့် မြန်မာနိုင်ငံမှ ဘင်္ဂါလီမွတ်စလင် ဒုက္ခသည် ၅၀ ကျော် ပျောက်ဆုံးနေပြီး ဒါဇင်နှင့်ချီလျက် သေဆုံးခဲ့ကြောင်း ပြောကြားခဲ့သည်။

 

သြစတြေးလျက မြန်မာနိုင်ငံအား လက်နက်တင်သွင်းခွင့် ပိတ်ပင်မှုကို ဆက်လက်ထိန်းသိမ်းမည်

ဂျူလီဘစ်ရှော့က Insiders သို့ ပြောကြားရာတွင် ကုလသမဂ္ဂက ဦးဆောင်သည့် စုံစမ်းစစ်ဆေးမှုကို ထောက်ခံခဲ့သည်ဟု ဆိုသည်။

“ကုလသမဂ္ဂက ဦးဆောင်တဲ့ စုံစမ်းစစ်ဆေးမှုအဖြစ် ဖြစ်ပွားတဲ့နေရာက အချက်အလက်တွေကို အတည်ပြုနိုင်ဖို့ လွတ်လပ်တဲ့ စုံစစ်ဆေးမှုတစ်ရပ်ကို သြစတြေးလျက ထောက်ခံထားပါတယ်” ဟု ဂျူလီဘစ်ရှော့က ပြောကြားခဲ့သည်။

“နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်ဆောင်ဆန်းစုကြည်က သူဟာ ဒီတနင်္လာနေ့မှာ ရခိုင်ပြည်နယ်ထဲကို ၀င်ကြည့်ဖို့ ကုလသမဂ္ဂ ကိုယ်စားလှယ်တွေနဲ့ အပြည်ပြည်ဆိုင်ရာ သံတမန်တွေကို ဖိတ်ခေါ်ပါမယ်လို့ အတည်ပြုပါတယ်။ အဲဒီခရီးစဉ်မှာ မြန်မာနိုင်ငံဆိုင်ရာ သြစတြေးလျ သံအမတ်ကြီးလည်း လိုက်ပါပါမယ်” ဟုလည်း ၎င်းက ပြောကြားခဲ့သည်။

ယခုသီတင်းပတ် အစောပိုင်းတွင် ကုလသမဂ္ဂဆိုင်ရာ အမေရိကန် သံအမတ်ကြီး နစ်ကီဟာလေးက ဘင်္ဂါလီ မွတ်စလင်များအပေါ် အကြမ်းဖက်မှုနှင့် ပတ်သက်၍ မြန်မာနိုင်ငံအား လက်နက်ထောက်ပံ့ပေးခြင်းကို ရပ်ဆိုင်းထားကြရန် နိုင်ငံများကို တောင်းဆိုခဲ့ သည်။

“ဖြစ်ပွားနေဆဲပဋိပက္ခ၊ လက်နက်ပြန့်ပွားမှုနဲ့ လူ့အခွင့်အရေးတွေနဲ့ ပတ်သက်ပြီး စိုးရိမ်တာကြောင့် သြစတြေးလျနိုင်ငံ အနေနဲ့ မြန်မာနိုင်ငံကို လက်နက်တင်သွင်းခွင့် ပိတ်ပင်ထားမှုကို ဆက်ပြီး ထိန်းသိမ်းထားပါတယ်” ဟု ကုန်သွယ်ရေးနှင့် နိုင်ငံခြားရေးရာဌာနမှ ပြောရေးဆိုခွင့်ရှိသူ တစ်ဦးက ABC သတင်းဌာနသို့ ပြောကြားခဲ့သည်။

“ဒါက လက်နက်နဲ့ ဆက်စပ်ပစ္စည်းတွေ၊ သက်ဆိုင်ရာ ၀န်ဆောင်မှုတွေကို မြန်မာနိုင်ငံကို တင်ပို့ဖို့ တားမြစ်ထားပါတယ်” ဟုလည်း ၎င်းက ပြောကြားခဲ့သည်။

Ref : ABC

October 1, 2017














Copy Protected by Chetan's WP-Copyprotect.