ပြည်ပမှဝင်ရောက်သည့် အမှတ်တံဆိပ် မပြည့်စုံသော အစားအသောက်များကို စစ်ဆေးနေပြီး တွေ့ရှိချက်ပေါ် မူတည်၍ တင်သွင်းထုတ်လုပ် ရောင်းချသူများအား အရေးယူမည်

စက်တင်ဘာ ၂၅ ရက်က ညောင်ပင်လေးဈေးရှိ စားသောက်ကုန်များနှင့် ဆေးဝါးများကို FDA က ရှောင်တခင် စစ်ဆေးနေစဉ်

ဈေးကွက်အတွင်း ရောင်းချနေသော ပြည်ပမှဝင်ရောက်သည့် အမှတ်တံဆိပ် မပြည့်စုံသော အစားအသောက်များကို အစားအသောက်နှင့် ဆေးဝါးကွပ်ကဲရေး ဦးစီးဌာနက ၀ယ်ယူစစ်ဆေးနေပြီး တွေ့ရှိချက်ပေါ်မူတည်၍ တင်သွင်းထုတ်လုပ် ရောင်းချသူများကို အရေးယူမည်ဖြစ်ကြောင်း မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာန (ရန်ကုန်ရုံးခွဲ) မှ သိရသည်။

စက်တင်ဘာ ၂၅ ရက်က အစားအသောက်နှင့် ဆေးဝါးကွပ်ကဲရေး ဦးစီးဌာန (ရန်ကုန်ရုံး) အဖွဲ့သည် လမ်းမတော်မြို့နယ်၊ အစားအသောက်နှင့် ဆေးဝါးကြီးကြပ်ကွပ်ကဲရေး အဖွဲ့ဝင်များဖြစ်သည့် မြို့နယ်ပြည်သူ့ကျန်းမာရေး ဦးစီးဌာန၊ ရန်ကုန်မြို့တော် စည်ပင်သာယာရေး ကော်မတီ၊ အထွေထွေ အုပ်ချုပ်ရေး ဦးစီးဌာန၊ မြန်မာနိုင်ငံရဲတပ်ဖွဲ့နှင့် စားသုံးသူရေးရာ ဦးစီးဌာနတို့ဖြင့် လမ်းမတော်မြို့နယ် ညောင်ပင်လေးဈေး၌ စားသောက်ကုန်ရောင်းချသော ဆိုင်များတွင် ဖော်မလင်ထည့်သွင်း အသုံးပြုနေသော အစားအသောက်များ (မုန့်ဖတ်၊ ပဲပြား၊ အမဲသွေး)၊ ရောနှောဆီများ၊ ငရုတ်သီးမှုန့်နှင့် ထောက်ခံချက်မရှိသော သောက်ရေသန့်များကို အဓိက စစ်ဆေးခဲ့ကြောင်း၊ ပြည်ပမှ င်ရောက်သည့် အမှတ်တံဆိပ် ပြည့်စုံမှုမရှိသော အစားအသောက်များကိုလည်း ၀ယ်ယူစစ်ဆေးမှုများ ပြုလုပ်လျက်ရှိကြောင်း သိရသည်။

ထို့ပြင် ညောင်ပင်လေးဈေးရှိ ဆေးဆိုင်များနှင့် လမ်းမတော်မြို့နယ်အတွင်းရှိ ဆေးဆိုင်ပေါင်း ရှစ်ဆိုင်တွင် မြန်မာနိုင်ငံဆေးဝါး မှတ်ပုံတင် အမှတ်မပါသော ဆေးဝါးများ ရောင်းချခြင်း ရှိ မရှိ၊ သက်တမ်းလွန် ဆေးဝါးများနှင့် စပ်ဆေးများ ရောင်းချမှု ရှိ မရှိကိုလည်း စစ်ဆေးခဲ့ကြောင်း သိရသည်။

လက်ရှိ ပြည်တွင်းထုတ် စားသောက်ကုန် အမှတ်တံဆိပ်ပေါင်း တစ်သိန်းကျော်ရှိပြီး စားသောက်ကုန်များ၏ အမှတ်တံဆိပ် ဖော်ပြချက်တွင် သတ်မှတ်အချက်အလက်များ ထည့်သွင်းခြင်း ရှိ မရှိကိုလည်း ဈေးကွက် ထောက်လှမ်း စစ်ဆေးလျက် ရှိကြောင်းနှင့်  အစားအသောက်များ၏ အမှတ်တံဆိပ် ဖော်ပြချက်တွင် လုပ်ငန်းတည်နေရာ လိပ်စာ၊ ဆက်သွယ်ရန် ဖုန်းနံပါတ်၊ ထုတ်လုပ်ရက်စွဲ၊ သက်တမ်းကုန်ရက်စွဲ၊ ထုတ်လုပ်အပတ်စဉ်အမှတ်၊ အစားအသောက်နှင့် ဆေးဝါးကွပ်ကဲရေး ဦးစီးဌာန၏ အစားအသောက် ထုတ်လုပ်ခြင်း ထောက်ခံချက် အမှတ်နှင့် လိုင်စင်အမှတ်များ ထည့်သွင်းဖော်ပြရန် လိုအပ်ကြောင်း၊ အစားအသောက် ထုတ်လုပ်သူများ အနေဖြင့် မိမိတို့ ထုတ်လုပ်သည့် အစားအသောက်များ၏ အမှတ်တံဆိပ် ဖော်ပြချက်တွင် အထက်ပါ အချက်အလက်များကို  ဇွန် ၃၀ ရက် နောက်ဆုံးထား၍ ထည့်သွင်းဖော်ပြရန် ညွှန်ကြားထားပြီးဖြစ်ကြောင်း၊ အမှတ်တံဆိပ်ဖော်ပြချက်တွင် သတ်မှတ်ထားသော အချက်အလက်များ ပြည့်စုံစွာ မပါရှိပါက ဇူလိုင် ၁ ရက်မှစ၍ ဥပဒေအရ စိစစ်အရေးယူမည်ဖြစ်ကြောင်း ကြေညာပြီးဖြစ်သည်။

အမျိုးသား အစားအသောက် ဥပဒေတွင် စားသုံးသူကို အဆိပ်သင့်စေနိုင်သော၊ ဘေးဥပဒ်အန္တရာယ် ဖြစ်စေနိုင်သော သို့မဟုတ် ကျန်းမာရေးကို ထိခိုက်စေနိုင်သော အစားအသောက်များ၊ အစားအသောက်၏ သဘာဝ၊ ဒြပ်ဝတ္ထု သို့မဟုတ် အရည်အသွေးကို ထိခိုက်စေပြီး ဘေးဥပဒ်အန္တရာယ် ဖြစ်စေရန် အရာဝတ္ထု တစ်ခုလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ အစားထိုးထားသော သို့မဟုတ် ရောစပ်ထားသော အစားအသောက်၊ အစားအသောက် ထပ်ဖြည့်ပစ္စည်းကို သတ်မှတ်ချက်ထက် ပိုမိုအသုံးပြုထားသော အစားအသောက်၊ သက်ဆိုင်ရာက သတ်မှတ်ထားသည့် စိုက်ပျိုးရေးဆိုင်ရာ ဓာတ်ပစ္စည်း အများဆုံး ပါနိုင်ခွင့်ရှိသော ပမာဏထက် ပိုမိုပါရှိသော အစားအသောက်၊ သက်ဆိုင်ရာက တားမြစ်ထားသည့် ပစ္စည်းဖြစ်စေ၊ ခွင့်မပြုသည့် ပစ္စည်းဖြစ်စေ ပါရှိသော အစားအသောက်၊ ပုပ်သိုးသော၊ ပျက်စီးသော သို့မဟုတ် လူတို့စားသုံးရန် မသင့်လျော်သော ပစ္စည်းပါရှိသည့် အစားအသောက်၊ စံမညီ အစားအသောက်၊ အစားအသောက်တွင် မပါဝင်သည့် ဂုဏ်သတ္တိကို အမှတ်တံဆိပ်ပေါ်တွင် လွှဲမှားဖော်ပြထားသော အစားအသောက်၊ လိုင်စင်ထုတ်ပေးပိုင်ခွင့်ရှိသော သက်ဆိုင်ရာ အစိုးရဌာန သို့မဟုတ် အဖွဲ့အစည်းက သတ်မှတ်သည့် ဖော်ပြရမည့် အချက်အလက်များ မပါရှိသော အစားအသောက်များကို ထုတ်လုပ်ခြင်း၊ ပြည်တွင်းသို့ တင်သွင်းခြင်း၊ ပြည်ပသို့တင်ပို့ခြင်း၊ သိုလှောင်ခြင်း၊ ဖြန့်ဖြူးခြင်း သို့မဟုတ် ရောင်းချခြင်းမပြုရန် တားမြစ်ထားကြောင်းနှင့် ဥပဒေအရ အစားအသောက်နှင့် သက်ဆိုင်သည့် ပြစ်မှုဖြစ်ပါက ထိုသူအား ထောင်ဒဏ်သုံးနှစ်အထိ ချမှတ်နိုင်ကြောင်း ဥပဒေတွင် ပြဋ္ဌာန်းထားပြီး ဖြစ်သည်။