နိုင်ငံရေးနယ်ပယ်မှ ထင်ရှားမှုအချို့

ဝေဖန်သံများထွက်ပေါ် စေခဲ့သည့် ဒုတိယ၀န်ကြီးအား တာဝန်မှရပ်စဲခြင်း

NLD အစိုးရသစ် လက်ထက် ပထမဆုံးအဖြစ် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဒေါက်တာထွန်းဝင်းအား တာဝန်မှရပ်စဲမှုအား ၂၀၁၆  ခုနှစ် ထင်ရှားကျော်ကြား ဖြစ်ရပ်တစ်ခုအဖြစ် ဖော်ပြအပ်ပါသည်။

ဒေါက်တာထွန်းဝင်းအား ဒုတိယ၀န်ကြီးအဖြစ် ၂၀၁၆ ခုနှစ် မေ ၂ ရက်တွင် စတင်ခန့်အပ်ခဲ့ခြင်းဖြစ်ပြီး ရာထူးသက်တမ်းမှာ ခြောက်လကျော်သာရှိသေးသည့်အချိန် နိုဝင်ဘာ ၁၈ ရက်တွင် တာဝန်မှရပ်စဲခဲ့ခြင်း ဖြစ်သည်။

နိုင်ငံရေး သမားများကို နှိပ်ကွပ်ခဲ့သည့် ဥပဒေအဖြစ် နာမည်ကြီးသည့် ပုဒ်မ ၅ (ည) ကို NLD အစိုးရ လက်ထက်တွင် အမြန်ဆုံး ရုပ်သိမ်းခြင်း

တပ်မတော် အစိုးရ လက်ထက် နိုင်ငံရေး သမားများနှင့် နိုင်ငံရေး လှုပ်ရှားသူများအား အရေးပေါ်စီမံမှု အက်ဥပဒေပုဒ်မ ၅ (ည)နှင့် ဖမ်းဆီးထောင်ချမှုများ ရှိခဲ့သည့် ၎င်းဥပဒေကို အမျိုးသားဒီမိုကရေစီ အဖွဲ့ချုပ် (NLD) ပါတီ လွှတ်တော်ကိုယ်စားလှယ် အများစုရှိသော ဒုတိယအကြိမ် ပြည်ထောင်စုလွှတ်တော်က ဒုတိယပုံမှန် အစည်းအဝေး ကာလအတွင်းတွင် ရုပ်သိမ်းလိုက်သည့်အတွက် ၂၀၁၆ ခုနှစ် ထင်ရှားကျော်ကြား ဖြစ်ရပ်တစ်ခုအဖြစ် ဖော်ပြအပ်ပါသည်။

အရေးပေါ် စီမံမှု အက်ဥပဒေသည် ၁၉၅၀ ပြည့်နှစ်က ပြဋ္ဌာန်းခဲ့သော ဥပဒေတစ်ရပ် ဖြစ်သည်။

အစိုးရ တာဝန်များဖြင့် သွားရောက်ခဲ့သည့် ဒေါ်အောင်ဆန်းစုကြည်၏ ပြည်ပ ခရီးစဉ်များ

အမျိုးသား ဒီမိုကရေစီ အဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည်သည် NLD ပါတီ ဦးဆောင်သည့် အစိုးရ တက်လာပြီးနောက် အစိုးရ အဖွဲ့တွင် နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေး ၀န်ကြီးနှင့် သမ္မတရုံးဝန်ကြီး ရာထူးနေရာများကို ရယူခဲ့သည်။

NLD အစိုးရသက်တမ်း ကိုးလတာ ကာလအတွင်း ဒေါ်အောင်ဆန်းစုကြည်သည် မေ ၆ ရက်က သွားရောက်ခဲ့သည့် လာအိုနိုင်ငံ ခရီးစဉ်မှ အစပြု၍ ၂၀၁၆ ခုနှစ်အတွင်း အစိုးရ တာဝန်များဖြင့် ပြည်ပခရီးစဉ်များ သွားရောက်ခဲ့ပြီး အဆိုပါ ခရီးစဉ်များသည် နိုင်ငံရေး၊ စီးပွားရေးအရ အရေးပါသည့် ခရီးစဉ်များ ဖြစ်ခြင်းကြောင့် ၂၀၁၆ ခုနှစ် ထင်ရှားကျော်ကြား ဖြစ်ရပ်တစ်ခုအဖြစ် ဖော်ပြအပ်ပါသည်။

အဂတိလိုက်စားမှု တိုက်ဖျက်ရေးနှင့် ဒေါ်အောင်ဆန်းစုကြည်၏ လက်ဆောင်ပစ္စည်း လက်ခံခြင်း လမ်းညွှန်ချက်

ရာထူးကြောင့် မဟုတ်သော လက်ဆောင်ပစ္စည်း ငွေကျပ် နှစ်သောင်းခွဲဖိုး (တစ်နှစ်လျှင် ကျပ်တစ်သိန်းထက် မပိုစေရ) ထက် ပိုမယူရန် ထုတ်ပြန်ခဲ့သည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လက်ဆောင်ပစ္စည်း လက်ခံခြင်း လမ်းညွှန်ချက်အား ၂၀၁၆ ခုနှစ် ထင်ရှားကျော်ကြား ဖြစ်ရပ်တစ်ခု အဖြစ် ဖော်ပြအပ်ပါသည်။

အကျင့်ပျက် ခြစားမှုနှင့် ပတ်သက်ပြီး NLD ပါတီ ဥက္ကဋ္ဌ ဒေါ်အောင်ဆန်းစုကြည်က NLD ပါတီ အစိုးရ ဖွဲ့နိုင်ပါက ခြစားမှု ကင်းစင်သည့် အစိုးရ ဖြစ်စေရမည်ဟု ၂၀၁၅ ခုနှစ် စက်တင်ဘာ ၁၉ ရက်က ရမည်းသင်းမြို့တွင် ပြုလုပ်သည့် ရွေးကောက်ပွဲ အောင်နိုင်ရေး ဟောပြောပွဲတွင် ကတိပေးခဲ့သည်။

အမျိုးသားအဆင့် နိုင်ငံရေး ဆွေးနွေးပွဲများ ပြုလုပ်ရန် စီစဉ်နေသည့် ကာလအတွင်း မြောက်ပိုင်း မဟာမိတ် အဖွဲ့များ၏ ရှမ်းပြည်နယ် အရှေ့မြောက်ပိုင်း ဒေသသို့ ထိုးစစ်ဆင်မှုများ

အစိုးရ၏ ငြိမ်းချမ်းရေး လုပ်ငန်းစဉ်အရ ပြည်ထောင်စု ငြိမ်းချမ်းရေး ညီလာခံ-၂၁ ရာစု ပင်လုံ ပထမအကြိမ် အစည်းအဝေး စက်တင်ဘာ လဆန်းက ကျင်းပ ပြီးစီးခဲ့ရာ ၂၀၁၇ ခုနှစ် ဖေဖော်ဝါရီတွင် ပြုလုပ်မည့် ဒုတိယအကြိမ် အစည်းအဝေး မတိုင်မီ အမျိုးသားအဆင့် နိုင်ငံရေး ဆွေးနွေးပွဲများကို ကျင်းပရမည် ဖြစ်သည်။ အဆိုပါ ဆွေးနွေးပွဲများ ကျင်းပရန်နှင့်  အားလုံး ပါဝင်ရေးတို့အတွက် အစိုးရ၊ တိုင်းရင်းသား လက်နက်ကိုင် အဖွဲ့များ၊ နိုင်ငံရေး အင်အားစုများ ပူးပေါင်း စီစဉ်နေသည့် နိုဝင်ဘာလအတွင်း မြောက်ပိုင်းမဟာမိတ် အဖွဲ့များက ရှမ်းပြည်နယ် အရှေ့မြောက်ပိုင်း ဒေသများသို့ ထိုးစစ်ဆင် တိုက်ခိုက်မှုများ ပြုလုပ်လာရာ ငြိမ်းချမ်းရေး အလားအလာနှင့် ပတ်သက်