ရန်ကုန်မြို့တော် စည်ပင်သာယာရေးကော်မတီ၏ အကျင့်ပျက် ခြစားမှုများ တစ်နှစ်ကျော်သက်တမ်းအတွင်း ထူးခြားတိုးတက်မှု မရှိကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ် ပြောကြား

ရန်ကုန်မြို့တော် စည်ပင်သာယာရေးကော်မတီ၏ အကျင့်ပျက်ခြစားမှုများနှင့် ပတ်သက်၍ ရန်ကုန်စည်ပင် အထက်ပိုင်း၊ အလယ်ပိုင်းနှင့် အောက်ပိုင်းများတွင်ပါ အားရစရာ မရှိဘဲ တစ်နှစ်ကျော် သက်တမ်းအတွင်း ထူးခြားတိုးတက်မှု မရှိကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာက ဇူလိုင် ၁၅ ရက်တွင် DVB Debate မှ ကျင်းပသည့် အကျင့်ပျက်ခြစားမှုကို ဘယ်လိုတိုက်ဖျက်မလဲ ဆွေးနွေးပွဲ၌ ပြောကြားသည်။

မြန်မာနိုင်ငံရှိ အကျင့်ပျက်ခြစားမှု အများဆုံး ဌာနများတွင် ရဲ၊ စည်ပင်၊ လ၀က၊ တရားရေးဝန်ထမ်း၊ အကောက်ခွန် စသည့် ဌာနခြောက်ခုနှင့် အခြားဌာနများမှာ လာဘ်ပေးရမှု အများဆုံး ဖြစ်နေကြောင်း စစ်တမ်းများက ဖော်ပြသည်။

လက်ရှိတွင် ရန်ကုန်စည်ပင် အထက်ပိုင်း၊ အလယ်ပိုင်းနှင့် အောက်ပိုင်းမှ တာဝန်ရှိသူများ၏ အကျင့်ပျက်ခြစားမှုအပေါ် အထက် တာဝန်ရှိသူများက သိရှိသော်လည်း ၀န်ထမ်းများအား ကိုင်တွယ်နိုင်သည့် လုပ်ထုံးလုပ်နည်းများအတိုင်း စိစစ်လုပ်ဆောင်မှု မရှိခြင်းကို နားမလည်ကြောင်း ဒေါ်ကြည်ပြာက ဆက်လက်ပြောကြားသည်။

“ရန်ကုန်တိုင်းဒေသကြီး အနေနဲ့ ပြောရရင် အကျင့်ပျက်ခြစားမှု အများဆုံးထဲမှာပါတဲ့ စည်ပင်ပေါ့။ ကျွန်မတို့ အများဆုံး ဆက်ဆံနေရတာလည်း စည်ပင်ပေါ့။ စည်ပင်နဲ့ ပတ်သက်ပြီး ယနေ့အထိ အထက်ပိုင်းရော၊ အလယ်ပိုင်းရော၊ အောက်ပိုင်းရော အကျင့်ပျက် ခြစားမှုတွေမှာ အားရကျေနပ်စရာ မရှိသေးပါဘူး။ နေ့စဉ် စည်ပင်နဲ့ ပတ်သက်ရပြီး သေးသေးလေးလည်း သေးသေးလေး အလျောက်ပေါ့။ ကြီးကြီးလည်း ကြီးကြီးအလျောက် ကျွန်မတို့ ကြားနေတယ်။ သို့ပေမယ့် ဒါကို စည်ပင်က အထက်ပိုင်းလူတွေကို ပြောတဲ့အခါမှာ သူတို့လည်း မသိတာ မဟုတ်ဘူး သိတယ်။ သို့ပေမဲ့ ကျွန်မ နားမလည်တာက ၀န်ထမ်းတွေလည်း ကိုင်တွယ်လို့ရတဲ့ လုပ်ထုံးလုပ်နည်းတွေ၊ မူတွေ၊ ဘောင်တွေရှိတယ်။ ဒါပေမဲ့ ဘာကြောင့် ဒါတွေနဲ့ အခုထိ အသုံးမချလဲ ဆိုတာတော့ ကျွန်မလည်း နားမလည်နိုင်သေးဘူး” ဟု ဒေါ်ကြည်ပြာက ပြောကြားသည်။

“လက်ရှိ အခြေအနေတွင် ၀န်ထမ်းများ အနေနှင့် အကျင့်ပျက်ခြစားမှုများကို လျှော့ချရန် စိတ်ကူး ရှိ၊ မရှိနှင့် လာဘ်ပေးသူများကလည်း လာဘ်ပေးရမှုအပေါ် အကျင့်ပါနေသလော” ဟု ဒေါ်ကြည်ပြာက မေးခွန်းထုတ်သည်။

“ပေးလိုက်မှပဲ ငါတို့လုပ်ငန်းတွေ အဆင်ပြေမယ် တွေးနေတော့ ပေးကြမှာပဲ။ ဘယ်လောက်ပဲ နိုင်ငံတော်၏ အတိုင်ပင်ခံပုဂ္ဂိုလ်က ပြောနေပြောနေ ပေးတဲ့သူကလည်း ပေးနေတယ်။ ယူတဲ့သူကလည်း ယူနေတယ်။ ဒါပေမဲ့ ပေးတဲ့သူရဲ့ အပြစ်ထက်တော့ သူတို့ မပေးရင် သူတို့လုပ်ငန်း မပြီးပြတ်မှာ စိုးရိမ်တဲ့ စိတ်ပေါ့။ လုပ်ထုံးလုပ်နည်းတွေ လျှော့လို့ရတာ ရှိတယ်။ ယိုပေါက်တွေ ပိတ်လို့ရတာ ရှိနေတယ်။ အဲဒီ Process တွေက သိပ်ကြာနေရင် လူတွေက ပေးမှပဲ အလုပ်ပြီးမြောက်တယ် ထင်နေကြတော့ ကျွန်မတို့ ရန်ကုန်တိုင်းမှာတော့ စည်ပင်နဲ့ပတ်သက်ရင် အမြဲတမ်းလည်း ပြောနေရတယ်။ လက်ရှိအခြေအနေမှာလည်း တစ်နှစ်ကျော်အတွင်း ဘာမှပြောင်းလဲမှု မရှိပါဘူး” ဟု ဒေါ်ကြည်ပြာက ဆက်လက်ပြောကြားသည်။

ပြည်သူများ၏ နေ့စဉ်ဘ၀ လာဘ်ပေးရမှုတွင် ရန်ကုန်မြို့တော် စည်ပင်သာယာရေး ကော်မတီနှင့် လူဝင်မှုကြီးကြပ်ရေးရုံးများက ၂၄ ရာခိုင်နှုန်းစီနှင့် လာဘ်ပေးလာဘ်ယူမှု အများဆုံးအဖြစ် ဦးဆောင်နေပြီး ယာဉ်ထိန်းရဲများကို လာဘ်ပေးရမှုမှာ ၂၁ ရာခိုင်နှုန်းအထိ ရှိနေကာ အစိုးရတင်ဒါများ၊ ၀န်ကြီးဌာနများနှင့် ၀င်ငွေခွန်ပေးဆောင်ရာတွင် လာဘ်ပေးရမှု ၂၇ ရာခိုင်နှုန်းစီအထိ ဖြစ်ပေါ်နေပြီး ရန်ကုန်မြို့တော် စည်ပင်သာယာရေးကော်မတီကို လာဘ်ပေးရမှု ၁၅ ရာခိုင်နှုန်းနှင့် အကောက်ခွန်ရုံးများတွင် လာဘ်ပေးရမှု ၁၄ ရာခိုင်နှုန်းအထိ ဖြစ်ပေါ်နေကြောင်း မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုဌာနက NLD အစိုးရ အာဏာလွှဲပြောင်း မရယူမီ ၂၀၁၆ ခုနှစ် မတ်လအတွင်း သတင်းထုတ်ပြန်ထားသည်။ ထိုသို့ စစ်တမ်းများအရ လာဘ်ပေးလာဘ်ယူမှုအများဆုံး စည်ပင်မှာ လက်ရှိအထိ ထူးခြားတိုးတက်မှု မရှိကြောင်း သိရသည်။

လာဘ်ပေးရမှုများဆိုင်ရာ စစ်တမ်းများ ကောက်ယူရာတွင် အများဆုံး လာဘ်ပေးရသည့် နေရာများမှာ ၀င်ငွေခွန် ပေးဆောင်ရာတွင်၊ အစိုးရခွင့်ပြုချက် လိုင်စင်နှင့် တင်ဒါများ ဆောင်ရွက်ရာတွင် ဖြစ်နေကြောင်း သိရသည်။

‘မြန်မာနိုင်ငံတွင် ပြောင်းလဲမှု ဖြစ်ပေါ်စေခြင်း-စီးပွားရေးလုပ်ငန်းများတွင် အဂတိ လိုက်စားမှုများကို မည်သို့တိုက်ဖျက်ရမည်ကို လက်တွေ့ကျစွာ ဆွေးနွေးမည့် အလုပ်ရုံဆွေးနွေးပွဲ’ တွင် တက်ရောက်သူများ၏ ၂၇ ရာခိုင်နှုန်းက အစိုးရတင်ဒါ၊ လိုင်စင်ချပေးသော ၀န်ကြီးဌာနများနှင့် ဆက်ဆံရာတွင် လာဘ်ပေးရမှု အများဆုံးဖြစ်နေပြီး အခြား ၂၇ ရာခိုင်နှုန်းက ၀င်ငွေခွန်ပေးဆောင်ရသည့် ဌာနများတွင် လာဘ်ပေးခဲ့ရသည်ဟု ဆိုသည်။

ထို့ပြင် ကျန် ၁၅ ရာခိုင်နှုန်းက ရန်ကုန်မြို့တော် စည်ပင်သာယာရေးကော်မတီကို လာဘ်ပေးရယူ အများဆုံးအဖြစ် ဆိုခဲ့ပြီး ကျန် ၁၄ ရာခိုင်နှုန်းက အကောက်ခွန်ဆိုင်ရာရုံးများတွင် လာဘ်ပေးရမှု အများဆုံးဖြစ်ကြောင်း ဖြေဆိုခဲ့သည်ဟု MCRB ၏ စစ်တမ်းက ဖော်ပြထားချက်အရ သိရသည်။

Writer: 
ဖြိုးဝေ