တိုင်းရင်းသားဒေသများတွင် အမျိုးသမီးများ လိင်အကြမ်းဖက်မှုခံရပါက ရိုးရာယဉ်ကျေးမှုအရ ဖြေရှင်းမှုများ ရှိနေခြင်းကြောင့် အကြမ်းဖက်ခံရမှုများ ပိုမိုဖြစ်ပွားစေပြီး ရိုးရာယဉ်ကျေးမှုအရ ဖိနှိပ်ထားမှု ပပျောက်စေရေး အစိုးရက ဆောင်ရွက်ပေးရန် အမျိုးသမီး အခွင့်အရေး လှုပ်ရှားသူမျ

ဇွန် ၁၉ ရက်က ရန်ကုန်မြို့ရှိ Green Hill ဟိုတယ်တွင် ‘ပဋိပက္ခဖြစ်စဉ်အတွင်း အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုများ အပြီးသတ်ဖယ်ရှားရေး စကားဝိုင်းဆွေးနွေးပွဲ’ အား ပြုလုပ်နေစဉ်

တိုင်းရင်းသားဒေသများတွင် အမျိုးသမီးများ လိင်အကြမ်းဖက်မှုခံရပါက ရိုးရာယဉ်ကျေးမှုအရ ဖြေရှင်းမှုများရှိနေခြင်းကြောင့် အကြမ်းဖက်ခံရမှုများ ပိုမိုဖြစ်ပွားစေပြီး ရိုးရာယဉ်ကျေးမှုအရ ဖိနှိပ်ထားမှု ပပျောက်စေရေး  အစိုးရက ဆောင်ရွက်ပေးရန် တောင်းဆိုကြောင်း အမျိုးသမီးအခွင့်အရေး လှုပ်ရှားသူများက ပြောကြားသည်။

ငြိမ်းချမ်းရေးအတွက် ကျား-မ တန်းတူရေး မဟာမိတ်အဖွဲ့ (AGIPP) က ရန်ကုန်မြို့ ဖိုးစိန်လမ်းရှိ Green Hill ဟိုတယ်၌ ဇွန် ၁၉ ရက်တွင် ကျင်းပသည့် ပဋိပက္ခဖြစ်စဉ်အတွင်း အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုများ အပြီးသတ်ဖယ်ရှားရေး အပြည်ပြည်ဆိုင်ရာနေ့ အထိမ်းအမှတ် ဆွေးနွေးပွဲ၌ အမျိုးသမီးအခွင့်အရေး လှုပ်ရှားသူများက ပြောကြားခဲ့ခြင်းဖြစ်သည်။

“တိုင်းရင်းသားတွေရဲ့ ရိုးရာယဉ်ကျေးမှုက အမျိုးသမီးတွေကို နှိမ်ထားတယ်။ အမျိုးသမီးတွေကို ဖိနှိပ်ထားတယ်။ အဲဒီလို အခြေအနေကို စီဒေါအရဆိုရင် ရိုးရာယဉ်ကျေးမှု အစွဲအလမ်းအရ ကျား၊ မကိုဖယ်ထားခြင်း၊ အမျိုးသမီး၊ အမျိုးသားဖြစ်ခြင်းကြောင့်မို့လို့ နှိမ်ထားခြင်းများ မရှိရဘူးလို့ ပါထားတယ်။ ဒါပေမဲ့ ဒါကိုအစိုးရက တိတိကျကျ ရိုးရာအစွဲအလမ်းအရ အမျိုးသမီးကို နှိမ်ထားတဲ့ကိစ္စကို ပပျောက်သွားအောင် လုပ်ဆောင်မှုတွေ မရှိတဲ့အခါကျတော့ အဲဒီအမျိုးသမီးတွေကိုနှိမ်တဲ့ ရိုးရာအစွဲအလမ်းက ဆက်လက်ပြီးတော့ ရှင်သန်နေတယ်။ အဲဒီလိုရှင်သန်နေတဲ့ လူ့အသိုင်းအ၀ိုင်းထဲမှာ စစ်ပဋိပက္ခက ပြန်ဖြစ်လာတဲ့အခါကျတော့ လူတွေရဲ့ အမူအကျင့်တွေ လူတွေရဲ့ အသိုင်းအ၀ိုင်းထဲမှာ အထူးသဖြင့် အမျိုးသားတွေပေါ့နော်။ အကျင့်စရိုက် မကောင်းတဲ့ အမျိုးသားတွေအတွက် အလွယ်တကူ လိင်အကြမ်းဖက်ဖို့အတွက် ရှိနေတယ်။ အဲဒါကြောင့်မို့လို့ အဲဒီရိုးရာ အစွဲအလမ်းတွေ အမျိုးသမီးကိုနှိမ်ထားတဲ့ ရိုးရာအစွဲအလမ်းတွေ ဆက်ရှိနေသရွေ့ ပဋိပက္ခဒေသမှာ အမျိုးသမီးတွေ အကြမ်းဖက်ခံရမှုက ပိုပြီးတော့ ဒီဂရီတက်လာဖို့ ရှိတယ်။ ရှိလည်းရှိနေတယ်ဆိုတာ တွေ့ရတယ်” ဟု AGIPP အဖွဲ့၏ ပဲ့ကိုင်ကော်မတီဝင် ဒေါ်နန်ပူက ပြောကြားသည်။

ထိုသို့ လိင်အကြမ်းဖက်မှုခံရသည့် အမျိုးသမီးများတွင် မည်သူ့မျှ ဖွင့်မပြောဘဲ တစ်ဦးတစ်ယောက်တည်း ခံစားကာ စိတ်ရူးသွပ်သူများရှိကြောင်း၊ အချို့အမျိုးသမီးများမှာ မိခင် (သို့မဟုတ်) အစ်မများသို့ ဖွင့်ဟတိုင်ပင်သည့်အခါ အဆိုပါ အုပ်ထိန်းသူများကလည်း ရဲတပ်ဖွဲ့၊ တရားရုံးကဲ့သို့ ဌာနဆိုင်ရာများသို့ မသွားဘဲ ရိုးရာလူကြီးများထံ သွားရောက်ကြကြောင်း၊ ရိုးရာလူကြီးများက တရားစီရင် ဖြေရှင်းသည့်အခါ ငွေကြေးအနည်းငယ်၊ ဆန်၊ ကြက် စသည့် စားသောက်ဖွယ်ရာများပေးကာ တရားစီရင်ကြကြောင်း၊ ထိုသို့ ငွေကြေး၊ ပစ္စည်းများပေးပါက ပြဿနာ ဖြေရှင်းနိုင်သောကြောင့် ငွေကြေးတတ်နိုင်သူ အများစုမှာ လိင်အကြမ်းဖက်၍ ရသည့်သဘောဖြစ်နေသည့်အတွက် တရားမျှတမှု မရှိကြောင်း ကချင်ဒေသအား ဥပမာပေး၍ ဒေါ်နန်ပူက ပြောကြားသည်။

“အဲဒီ လိင်အကြမ်းဖက်မှုခံရတဲ့ မိန်းကလေးက ဘာဖြစ်လို့ ရိုးရာလူကြီးတွေနဲ့သွားပြီး ဖြေရှင်းလေ့ရှိသလဲဆိုတာ ကြည့်တဲ့အခါမှာ။ သူတို့ကို ပြန်ပြီးမေးတဲ့အခါမှာ ရဲစခန်းကိုသွားလို့ရှိရင် ရဲတွေက ပိုက်ဆံတောင်းတယ်။ ခဏခဏရုံးချိန်းတယ်။ ပြီးတော့ တစ်ရှက်ကို နှစ်ရှက်ရစေတယ်။ ရဲကပြန်စစ်ဆေးတဲ့အခါ နင့်ကိုဘယ်နှကြိမ်ကျူးလွန်သလဲ။ တစ်ညလုံး သုံးကြိမ်ဆိုရင် သူတို့က ၀ါးဆိုပြီး ၀ိုင်းရယ်ကြတယ်တဲ့။ အဲဒီလိုအခါမျိုးကျတော့ အဲဒီအမျိုးသမီးတွေက ပြန်မပြောရဲတာတို့  အတွေ့အကြုံ အမျိုးမျိုး ရှိပါတယ်။ အဲဒီအခါကျတော့ ကချင်တိုင်းရင်းသူ၊ တိုင်းရင်းသားတွေက ရဲ၊ အစိုးရ စတဲ့ တရားဝင်နည်းအရ တရားမျှတမှုရအောင် သွားတဲ့နည်းကို မသုံးဘဲနဲ့ ရိုးရာလူကြီးတွေနဲ့ ဖြေရှင်းတဲ့ ဖြစ်စဉ်တွေ အများကြီး ကျွန်မတို့တွေ့ရတယ်” ဟု ဒေါ်နန် ပူ ပြောကြားသည်။

ထို့ပြင် ဖလုံ-စဝေါ် ဒီမိုကရက်တစ်ပါတီ အမျိုးသမီးရေးရာဥက္ကဋ္ဌ နန်းစေးအွာကလည်း ကရင်ပြည်နယ်သည် ပဋိပက္ခဒေသကြီး တစ်ခုဖြစ်သဖြင့် အမျိုးသမီးများ အကြမ်းဖက်ခံရမှုသည် လက်နက်ကိုင် အဖွဲ့အစည်းများကြောင့် ရှိသလို အရပ်သားများကြောင့်လည်း ရှိကြောင်း၊ လက်နက်ကိုင် အဖွဲ့အစည်းများဘက်မှ အကြမ်းဖက်သည့်အခါ လက်နက်အားကိုးဖြင့် အမျိုးသမီး၏ အသက်အန္တရာယ်အား ပြန်လည်ခြိမ်းခြောက်ခြင်း၊ အရပ်သားများမှ အကြမ်းဖက်သည့် ဖြစ်စဉ်များတွင်လည်း ကျေးလက်နေ ကရင်တိုင်းရင်းသားများသည် ငွေကြေးချို့တဲ့သောကြောင့် မြို့နယ်များတွင် တိုင်တန်းသည့်အခါ ရှေ့နေငှားရမ်းခ စသည့် ငွေကြေးကုန်ကျမှု များသောကြောင့် ရှေ့နေအား အားကိုးနိုင်ခြင်း မရှိသည့်အတွက် အမှုတစ်ခုတွင် မှန်နေသော်လည်း ရှုံးနိမ့်သွားသည့် အခြေအနေများရှိကြောင်း ပြောကြားသည်။

“အမျိုးသမီးတွေ ပဋိပက္ခဒေသတွေမှာ အကြမ်းဖက်ခံရမှု ဖြစ်ပွားနေတာတွေကို ကြည့်မယ်ဆိုရင် သာမန်ဧရိယာနဲ့စာရင် ပိုမိုဖြစ်ပွားနေတာကို တွေ့ရှိရပါတယ်။ တစ်နိုင်ငံလုံး အတိုင်းအတာအနေနဲ့ ပြန်ကြည့်လိုက်ရင် ၂၀၁၀ နောက်ပိုင်း ဒီနေ့အထိ အမျိုးသမီးတွေ အပေါ်မှာ လိင်အကြမ်းဖက်မှုဟာ ပိုမိုများလာတာကို တွေ့ရတယ်။ ဒါကြောင့် ကျွန်မပြီးခဲ့တဲ့ လွှတ်တော်မှာဆိုရင် ဘာတင်ပြခဲ့သလဲဆိုတော့ အမျိုးသမီးများအပေါ်မှာ လိင်အကြမ်းဖက်မှု ကာကွယ်ဖို့ ဥပဒေတစ်ရပ် ရေးဆွဲပေးဖို့ တိုက်တွန်းကြောင်း အဆိုအနေနဲ့ တင်ပြခဲ့ပါတယ်။ ဒါပေမဲ့ ဒီအဆိုက လွှတ်တော်ထဲမှာ အတည်ပြုခဲ့ပေမယ့် အခုအထိ အသက်မ၀င်လာသေးတာကို တွေ့ရှိရပါတယ်” ဟု နန်းစေးအွာက ပြောကြားသည်။

အမျိုးသမီးများ လိင်ပိုင်းဆိုင်ရာ အကြမ်းဖက်ခံရမှုမှာ ကာယကံရှင် မိန်းကလေး၏ အနေအထိုင်၊ ၀တ်စားဆင်ယင်မှုကြောင့်ဟူသည့် အချက်အား လက်မခံကြောင်း၊ ထိုသို့ အကြမ်းဖက်ခံရမှု မဖြစ်စေရန် ပတ်ဝန်းကျင် လူမှုအသိုင်းအ၀ိုင်းများကလည်း ၀ိုင်းဝန်းစောင့်ရှောက်ရန် လိုအပ်ကြောင်း၊ ငြိမ်းချမ်းရေးဖြစ်စဉ်တွင် အမျိုးသမီးများ ပါဝင်ခွင့်လိုအပ်ကြောင်း SNLD ပါတီဝင် ရှမ်းပြည်နယ်လွှတ်တော် သိန္နီအမှတ် (၁) မဲဆန္ဒနယ်ကိုယ်စားလှယ် နန်းခင်ထားရီက ပြောကြားသည်။

“ငြိမ်းချမ်းရေး ဖော်ဆောင်မှုကို ကြည့်တဲ့အခါမှာ ညီလာခံ မလုပ်ခင်ကတည်းက ကျွန်မတို့ အမျိုးသမီးပါဝင်ရေးကို တောက်လျှောက်ပြောတယ်။ ပြီးတော့ အမျိုးသမီးတွေရဲ့ ပဋိပက္ခဒေသမှာ လိင်ပိုင်းဆိုင်ရာ အကြမ်းဖက်ခံရမှုနဲ့ ပတ်သက်ပြီးတော့ တရားမျှတမှုရရှိဖို့ရန်၊ လိင်ပိုင်းဆိုင်ရာ အကြမ်းဖက်မှု ရပ်တန့်ဖို့ရန်၊ ကျူးလွန်သူတွေကို ပြင်းထန်စွာ အရေးယူရန်ဆိုတာကို တောက်လျှောက်ဒီနေ့အထိ ကျွန်မတို့ အော်နေပါတယ်။ ခေါ်နေပါတယ်။ တောင်းဆိုနေပါတယ်။ ကြေညာချက်တွေ ထုတ်ပါတယ်။ အဲဒါမှာ စိန်ခေါ်မှုဘာရှိလဲဆိုရင် ထူးမလာဘူးဆိုတဲ့ဟာက ကျွန်မတို့အတွက် စိန်ခေါ်မှုကြီး ဖြစ်နေပါတယ်။ ကြေညာချက် ဘယ်လောက်ပဲထုတ်ထုတ် ကျွန်မတို့ အရေးယူပေးတာ မရှိဘူးဆိုတာ တွေ့ရတယ်” ဟု ဒေါ်နန်ပူက ပြောကြားသည်။

ပဋိပက္ခဖြစ်သည့်ဒေသများတွင် အမျိုးသမီးများအား လိင်ပိုင်းဆိုင်ရာ အကြမ်းဖက်မှုပြုသော ကျူးလွန်သူများကို ပြင်းထန်စွာ အရေးမယူသည့်အခါ ကျူးလွန်သူအား ဆက်လက်လုပ်ဆောင်ခွင့် ပေးသလိုဖြစ်နေကြောင်း၊ ၂၁ ရာစု ပင်လုံညီလာခံ ဒုတိယအစည်းအဝေးတွင် အမျိုးသမီးပါဝင်နှုန်း တက်လာကြောင်း၊ ပဋိပက္ခဖြေရှင်းသည့် ငြိမ်းချမ်းရေး အစည်းအဝေး ဆိုသော်လည်း ပဋိပက္ခတွင် အမျိုးသမီးများ လိင်ပိုင်းဆိုင်ရာ အကြမ်းဖက်မှုကိစ္စရပ် ဖြေရှင်းရေးနှင့်ပတ်သက်၍ တစ်ဦးတစ်ယောက်မျှ ဆွေးနွေးခြင်းမရှိသည်ကို ညီလာခံကျင်းပစဉ် တက်ရောက်လေ့လာရာတွင် တွေ့ရှိခဲ့ရကြောင်း ဒေါ်နန်ပူက ဆိုသည်။

Writer: 
ကျော်ဇင်ဝင်း၊ ၀ီရမိုးနေ