တရုတ်ဘဏ်တွင် ဖွင့်ထားသည့် မြန်မာနိုင်ငံသားများ၏ ကျပ်ဘီလျံ ၄၀၀ ကျော်ရှိ ငွေစာရင်းများ ထိန်းချုပ်ခံရမှုကြောင့် ကုန်စည်စီးဆင်းမှုထိခိုက်ပြီး တိုင်းပြည်၏ စီးပွားရေးအကျပ်အတည်း ဖြစ်ပေါ်လာနိုင်သဖြင့် အမြန်ဆုံးဖြေရှင်းပေးရန် လိုအပ်

တရုတ်နိုင်ငံတွင် ကုန်သွယ်ဆောင်ရွက်ရန် ငွေစာရင်းဖွင့်လှစ်ထားသော မြန်မာနိုင်ငံသားများ၏ Bank Account များကို တရုတ် အစိုးရမှထိန်းချုပ် (Freeze) လိုက်ခြင်းကြောင့် ကျပ်ဘီလျံ ၄၀၀ ကျော် ငွေကြေးလည်ပတ်မှု ရပ်ဆိုင်းသွားသဖြင့် ကုန်စည်စီးဆင်းမှု ထိခိုက်သည့်အပြင် ပြည်တွင်းငွေကြေးလည်ပတ်မှုနှင့် တိုင်းပြည်၏ စီးပွားရေးတွင်ပါ အကျပ်အတည်းဖြစ်ပေါ်လာနိုင်သဖြင့် အမြန်ဆုံး ဖြေရှင်းပေးရန် လိုအပ်မည်ဖြစ်ကြောင်း မြန်မာနိုင်ငံ ဆန်စပါးအသင်းချုပ် ဒုတိယဥက္ကဋ္ဌ ဒေါက်တာစိုးထွန်းက ဇွန် ၁၈ ရက်တွင် ပြောကြားသည်။

နယ်စပ်နေမြန်မာနိုင်ငံသား (လယ်ယာ ထွက်ကုန် ပစ္စည်း ဆန်၊ ပဲ၊ ပြောင်း၊ နှမ်း၊ သကြား Export လုပ်ကိုင်သူများနှင့် မြေသြဇာ၊ လယ်ထွန်စက် အစရှိသည့် Import လုပ်ကိုင်သူများ) ၏ တရုတ်ဘဏ်တွင် ဖွင့်လှစ်ထားသည့် ငွေ စာရင်း ရာပေါင်းများစွာကို တရုတ်အစိုးရက ကြိုတင်အသိပေးခြင်း မရှိဘဲ ၂၀၁၇ ခုနှစ် ဇွန်  ၁၄ ရက် ၁၅ ရက်များတွင် ထိန်းချုပ် ( Freezse) လိုက်ပြီး ထိန်းချုပ်ခံရသည့် ငွေစာရင်းများမှာ စုစုပေါင်း ယွမ်ငွေ သိန်းထောင်ကျော်ခန့်ရှိကာ အဆိုပါ ပမာဏမှာ မြန်မာငွေနှင့်တွက်ပါက ကျပ်ဘီလျံ ၄၀၀ကျော် Freeze လုပ်ခြင်းခံရခြင်း ဖြစ်သည်။

နယ်စပ်ကုန်သွယ်ရေးအရ တရုတ်နိုင်ငံ နှင့် အရောင်းအ၀ယ်ပြုရာတွင် တရုတ်ပြည်ရှိဘဏ်တွင် Bank Account သုံးပြီး လုပ်ကိုင်ရကာ မြန်မာကုန်သည်မှ ဆန်ရောင်းချိန်တွင် ဆန်ကို တရုတ်ကုန်သည်သို့  အကြွေး ပေးလိုက်ရကာ ယင်းအဆင်ပြေချိန် Account သို့ ငွေထည့်သည်ကို စောင့်ဆိုင်းခြင်းဖြင့် လုပ်ကိုင်နေရသည်။ ထိုသို့ လုပ်ကိုင်နေရခြင်းမှာ အန္တရာယ်ရှိမှန်း သိသော်လည်း လုပ်ကိုင်နေရခြင်းဖြစ်ပြီး မူဆယ်ဘက်တွင် မြန်မာဘဏ်များက နိုင်ငံခြားငွေ Account ဖွင့်ရန် အစည်းအဝေးများတွင် တင်ပြသော်လည်း လက်ရှိအချိန်အထိ အကောင်အထည်မပေါ်သေးသဖြင့် တရုတ်ဖက်တွင်သာ ဘဏ်စာရင်း ဖွင့်လှစ်ပြီး ဆက်လက် လုပ်ကိုင်နေရသည့် အခြေအနေ ဖြစ်ပေါ်နေသည်။

Bank Account များ ထိန်းချုပ်ခံရခြင်း ၏ အခြေခံအကြောင်းရင်းမှာ မြန်မာ့ထွက်ကုန်များအနေနှင့် မြန်မာနိုင်ငံတွင် တရားဝင် အခွန်နှစ်ရာခိုင်နှုန်း aပးဆောင်ပြီး တရားဝင် Export လုပ်သော်လည်း တရုတ်နိုင်ငံဘက်တွင်   Illegal Import  ဖြစ်နေသဖြင့် ငွေပေးချေရာတွင်  မြန်မာပြည်သို့ LC or TT  လွှတ်မရဖြစ်နေသည်။ လက်ရှိတွင် တရုတ်အစိုးရက တရားမ၀င်ကုန်သွယ်မှုများကို ထိန်းချုပ်ရင်း ယင်းတို့နှင့်ဆက်နွှယ်နေသည့် Bank Account များကို  Freeze လုပ်ခဲ့ခြင်း ဖြစ်သည်။

ထိုသို့ ငွေစာရင်းများ ထိန်းချုပ်ခံရမှုကြောင့် လတ်တလောတွင် မူဆယ်၊ မန္တလေး၊ ရန်ကုန်နှင့် အခြားဆက်နွှယ်နေသည့် SME လုပ်ငန်းရှင်များ အရင်းပြုတ်ခြင်း၊ Bank Account တွေ ပိတ်ခံထားသဖြင့် နယ်စပ်ကုန်သွယ်ရေး ရပ်ဆိုင်းလုနီးပါးဖြစ်ခြင်း၊ ကုန်သွယ်ရေးနှင့် ဆက်စပ်နေသည့် ထောင်ပေါင်းများစွာသော ကားများ၊ အလုပ်သမားများ အလုပ်မရှိဖြစ်ခြင်းနှင့် နိုင်ငံတော်အတွက်လည်း Export ကျကာ အခွန်ဝင်ငွေလျော့ကျလာမည်ဖြစ်ကြောင်း ဒေါက်တာစိုးထွန်းက သုံးသပ်သည်။         

လက်ရှိတွင် မြန်မာ့ပြည်ပပို့နေသည့် ဆန်၏ ရာခိုင်နှုန်း ၆၀ ကျော်၊ ပြောင်း၏  ၉၉ ရာခိုင်နှုန်း၊ ဖရဲ၏ ရာခိုင်နှုန်း ၉၀ ခန့်နှင့်  သကြား၊ ပဲ၊ နှမ်း စသည့် ကုန်စည်များနှင့် ရေထွက်ပစ္စည်းများကို နယ်စပ်မှတစ်ဆင့် တရုတ်ပြည်သို့ အဓိက ရောင်းချနေရကာ တရုတ်နိုင်ငံသို့ ရောင်းချခွင့်မရပါက တခြား ဈေးကွက်လည်း ရှာမပေးနိုင်သည့် အခြေအနေတွင် တောင်သူလယ်သမားများပါ ဈေးကွက်ပျောက်ကာ ရေရှည်တွင် တောင်သူလယ်သမာများပါ ထိခိုက်လာမည်ဖြစ်သည်။

ထို့ပြင် မြန်မာနိုင်ငံတွင် ပုဂ္ဂလိကကဏ္ဍ လှည့်လည်သည့်ငွေမှာ ကျပ်ဘီလျံ ၂၀၀၀ ခန့်ရှိကာ လက်ရှိထိန်းချုပ်ခံရသည့်ပမာဏမှာ ပြည်တွင်းငွေကြေး လှည့်လည်မှုကို ကြီးကြီးမားမား ထိခိုက်နိုင်မည့်အပြင် တိုင်းပြည်၏ စီးပွားရေးကိုပါ အတိုင်းအတာတစ်ခုအထိ အကျပ်အတည်းဖြစ်သွားနိုင်မည်ဖြစ်ကာ ဆင့်ကဲဖြစ်စဉ်အဖြစ်  Domino Effect နှင့် ကျန်သည့်ကဏ္ဍများနှင့် ပြည်သူများပါ ထိခိုက်လာနိုင်ကြောင်း ဒေါက်တာစိုးထွန်းက သုံးသပ်သည်။

“အရင်လည်း အခုလိုပိတ်ဖူးပါတယ်။ ဒါပေမဲ့ လေး၊ ငါး ၁၀ ဦးလောက်ပါ။ ဒီလောက်တော့ ပမာဏမများပါဘူး။ လူနည်းတော့ အသံမထွက်ဘဲ ကြိတ်ခံနေကြရပါတယ်။ Bank Account ထိန်းချုပ်ခံနေရတဲ့သူတွေကို ပြန်လည်အသုံးပြုခွင့်ရအောင် ဆောင်ရွက်ပေးဖို့နဲ့ နယ်စပ်ဒေသကနေ တင်ပို့တဲ့ လယ်ယာထွက်ကုန်တွေကို ဖမ်းဆီးတာ လျော့နည်းအောင် အစိုးရက ယူနန်ပြည်နယ်နဲ့ တဟုန်ပြည်နယ်ခွဲ အစိုးရတွေကို ညှိနှိုင်းဆောင်ရွက် ပေးဖို့ လိုပါမယ်။ ရေရှည်မှာဆိုရင် တရုတ် နိုင်ငံက WTO ခွဲတမ်းရအောင် ညှိနှိုင်းဆောင်ရွက်ပေးဖို့လိုပါမယ်။ WTO ခွဲတမ်းရမှ အခွန် သက်သာမှာပါ။ ငွေပေးချေမှုအပိုင်း အရည်အသွေးနဲ့  QC အပိုင်းတွေ ညှိနှိုင်းဆောင်ရွက်ပေးဖို့ လိုပါမယ်။ တရုတ်အပြင် အခြားနိုင်ငံတွေနဲ့ပါ  G to G ရောင်းချနိုင်အောင် အစိုးရက ဆောင်ရွက်ပေးရပါမယ်” ဟု ဒေါက်တာစိုးထွန်းက ဆိုသည်။

လက်ရှိအခြေအနေနှင့် ပတ်သက်၍ အတည်မပြုနိုင်သေးသည့် သတင်းအရ တရုတ်အစိုးရအနေနှင့် မြန်မာနိုင်ငံနှင့် စီးပွားရေးအရ ပူးပေါင်းဆောင်ရွက်ရန် ဆန္ဒရှိနေကာ  မြန်မာအစိုးရတာဝန်ရှိသူများက တောင်းဆိုလာပါက ဆောင်ရွက်ပေးရန် ရှိနေသည်ဟု သိရှိရပြီး အစိုးရ တာဝန်ရှိသူများအနေဖြင့် အမြန်ဆုံး ကူညီလုပ်ဆောင်ပေးရန် မေတ္တာရပ်ခံကြောင်း ဒေါက်တာစိုးထွန်းက ပြောကြားသည်။

Writer: 
ဖြိုးဝေ