နိုင်ငံရေးမူဝါဒ၊ စီးပွားရေးစနစ်၊ လူမှုရေးဘ၀များ ပြောင်းလဲရာတွင်လည်း ဥပဒေများကို လိုက်လျောညီထွေဖြစ်ရန် ပြောင်းလဲပေးရမည်ဖြစ်ကြောင်း ပြည်သူ့လွှတ်တော်ဥက္ကဋ္ဌ ပြောကြား

နိုင်ငံရေးမူဝါဒ၊ စီးပွားရေးစနစ်၊ လူမှုရေးဘ၀များ ပြောင်းလဲရာတွင်လည်း ဥပဒေများကို လိုက်လျောညီထွေဖြစ်ရန် ပြောင်းလဲပေးရမည်ဖြစ်ကြောင်း ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောကြားသည်။

ဦးဝင်းမြင့်က နေပြည်တော်တွင် မေ ၁၈ ရက်က စတင်ကျင်းပသည့် ပြည်သူ့လွှတ်တော် ပဉ္စမ ပုံမှန်အစည်းအဝေး ပထမနေ့တွင် ကြိုဆိုနှုတ်ခွန်းဆက် စကားပြောကြားရာတွင် အထက်ပါကဲ့သို့ ထည့်သွင်းပြောကြားခဲ့ခြင်း ဖြစ်သည်။

“ကျွန်တော်တို့နိုင်ငံရဲ့ ဒီမိုကရေစီ အသွင်ကူးပြောင်းရေးကာလ စတင်ခါစဖြစ်ပြီး များစွာနုနယ်တဲ့ အခြေအနေမှာ ရှိပါသေးတယ်။ ဒီမိုကရေစီ စံချိန်စံညွှန်းတွေ ရောက်ရှိဖို့ များစွာကြိုးပမ်းအားထုတ်ကြရဦးမှာ ဖြစ်ပါတယ်။ ဒီမိုကရေစီဖက်ဒရယ်ပြည်ထောင်စု တည်ဆောက်ရေးအတွက် အခက်အခဲ အကျပ်အတည်းတွေကို ကျော်လွှားကြရဦးမှာ ဖြစ်ပါတယ်။ ပြည်သူတွေအကြား ဒီမိုကရေစီ အလေ့အကျင့်တွေ အားကောင်းစေဖို့ လွှတ်တော်ကိုယ်စားလှယ်များက ပူးပေါင်း ကူညီ ဆောင်ရွက်ကြရဦးမှာဖြစ်ပါတယ်။ ဒီမိုကရေစီ အခွင့်အရေးရှိရင် တာဝန်နဲ့ ၀တ္တရားလည်း ရှိတယ်ဆိုတာကို လွှတ်တော်ကိုယ်စားလှယ်များက စံနမူနာ ကျင့်ကြံဆောင်ရွက်ကြရမှာ ဖြစ်ပါတယ်။ ဒီမိုကရေစီယဉ်ကျေးမှု ခိုင်မာဖို့အတွက် အပြောင်းအလဲဟာ ဆက်လက်ဆောင်ရွက်ကြရမယ့် Process အဖြစ် ခံယူထားကြရမှာ ဖြစ်ပါတယ်။ ဒါကြောင့် ကျွန်တော်တို့ဟာ ပြည်သူ့ကိုယ်စားလှယ်များ ပီသစွာ နိုင်ငံသူနိုင်ငံသားများရဲ့ ဒီမိုကရေစီ အခွင့်အရေးများ ရရှိပြီး လူမှုစီးပွားဘ၀ မြှင့်တင်ရေးကို ဆက်လက် ဆောင်ရွက်သွားကြပါစို့လို့ နှုတ်ခွန်းဆက်သ လိုက်ပါတယ်” ဟု ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောကြားသည်။

ထို့အတူ ဦးဝင်းမြင့်က ကမ္ဘာ့နိုင်ငံရေး အခြေအနေများကို လေ့လာကြည့်ပါက နိုင်ငံရေး ရည်မှန်းချက် အပြောင်းအလဲများနှင့်အတူ မူဝါဒ၊ သဘောတရား၊ လုပ်ငန်းစဉ် အပြောင်းအလဲများ ထင်ထင်ရှားရှား တွေ့မြင်ရမည်ဖြစ်ကြောင်း၊ သို့ရာတွင် ကမ္ဘာ့နိုင်ငံများ အားလုံးသည် ၎င်းတို့နိုင်ငံ၏ အမျိုးသား အကျိုးစီးပွားကိုသာ အဓိက ဦးစားပေးဆောင်ရွက်ကြသည်ကို တွေ့ရမည်ဖြစ်ကြောင်း၊ ထို့ကြောင့် မိမိတို့အနေဖြင့်လည်း ကမ္ဘာ့အပြောင်းအလဲတွင် လိုက်ပါပြောင်းလဲ တိုးတက်နိုင် သောနိုင်ငံအဖြစ် ဖန်တီး ပုံဖော်ဆောင်ရွက်သွားရန် လိုကြောင်း၊ ဥပဒေတို့မည်သည် ပြောင်းလဲလာသော ခေတ်စနစ်နှင့်အညီ လိုက်ပါပြောင်းလဲရသည့် သဘောရှိကြောင်း၊ နိုင်ငံရေး မူဝါဒ၊ စီးပွားရေးစနစ်၊ လူမှုရေးဘ၀များ ပြောင်းလဲရာတွင်လည်း ဥပဒေများကို လိုက်လျောညီထွေဖြစ်ရန် ပြောင်းလဲပေးရမည် ဖြစ် ကြောင်း၊ ယင်းအပြောင်းအလဲများနှင့် ညီညွတ်မျှတရန် မိမိတို့ကိုယ်တိုင်ကလည်း ပုံစံကျနေသည့် အတွေးအခေါ်၊ အယူအဆ၊ Mindset များကို ပြောင်းလဲခံယူ ကျင့်သုံးနိုင်ကြရမည် ဖြစ်ကြောင်းလည်း နှုတ်ခွန်းဆက်စကားတွင် ထည့်သွင်း ပြောကြားခဲ့သည်။

ပဉ္စမ ပုံမှန်အစည်းအဝေးကာလအတွင်း စတုတ္ထ ပုံမှန်အစည်းအဝေး ပြီးဆုံးချိန်၌ ကျန်ရှိခဲ့သည့် ဥပဒေကြမ်း ၁၀ ခုနှင့် အသစ် ထပ်မံ ရောက်ရှိလာမည့် ဥပဒေကြမ်းများကို ဆက်လက် ဆွေးနွေးသွားမည်ဖြစ်ကြောင်း၊ ၎င်းအပြင် ဆွေးနွေးရန် အဆို ၂၅ ခုရှိပြီး ကြယ်ပွင့်ပြ မေးခွန်း ၁၆၄ ခု ရှိကြောင်း ဦးဝင်းမြင့်က ပြောကြားသည်။

Writer: 
ငြိမ်းဇော်လင်း၊ မျိုးမင်းထက်