လာမည့် လေးနှစ်အတွင်း မြန်မာလူငယ်များအတွက် အလုပ်အကိုင်နေရာ တစ်သန်း လိုအပ်နေကြောင်း ကုလသမဂ္ဂလူဦးရေရန်ပုံငွေအဖွဲ့ ထုတ်ပြန်

လာမည့် လေးနှစ်အတွင်း မြန်မာလူငယ်များအတွက် အလုပ်အကိုင်နေရာပေါင်း တစ်သန်း လိုအပ်မည်ဖြစ်ကြောင်း ကုလသမဂ္ဂလူဦးရေရန်ပုံငွေအဖွဲ့ (UNEPA) က ဇန်န၀ါရီ ၁၀ ရက်တွင် ထုတ်ပြန်ခဲ့သည်။

ထုတ်ပြန်ချက်တွင် အလုပ် လုပ်ကိုင်နိုင်သည့်အသက်အရွယ်ရှိ လူဦးရေသည် အခြားသော လူဦးရေထက် (အလုပ် လုပ်ကိုင်နိုင်သော အရွယ်ထက်ကြီးရင့်သူ/ငယ်သူ) ထက် များပြားနေခြင်းသည် ထူးခြားသော အခြေအနေ အခွင့်အလမ်းတစ်ခုကို ဖြစ်ပေါ်စေကြောင်း၊ သို့ရာတွင် အာရှကျားတစ်ကောင် ဖြစ်လာရန် နိုင်ငံတစ်နိုင်ငံအနေဖြင့် မွေးဖွားနှုန်းနှင့် သေဆုံးနှုန်း အများအပြား လျော့ကျသွားရန် လိုအပ်ကြောင်း၊ မြန်မာနိုင်ငံတွင် လူဦးရေပြောင်းလဲမှုသည် ဖြေးညင်းစွာ ပြောင်းလဲလျက်ရှိကြောင်း ဖော်ပြထားသည်။

အသစ်ထွက်ရှိလာသော လူဦးရေ ကြိုတင်ခန့်မှန်းတွက်ချက်မှုများအရ လာမည့် ၃၅ နှစ်အတွင်း အလုပ် လုပ်ကိုင်နိုင်သူဦးရေ ၁၀၀ လျှင် ကလေးသူငယ်များနှင့် အသက်အရွယ်ကြီးရင့်သူများ ပါဝင်သော မှီခိုသူဦးရေ ၅၂ ဒသမ ၅ ဦး အချိုးအစားဖြင့် ရှိနေမည်ဖြစ်ကြောင်း၊ ထိုင်း၊ စင်ကာပူနှင့် တရုတ်နိုင်ငံများတွင်မှု အလုပ်  လုပ်ကိုင်သူ ၁၀၀ လျှင် မှီခိုသူဦးရေ ၄၀ နှုန်းအောက် ရှိနေမည်ဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။

အဆိုပါ တွေ့ရှိချက်များသည် ၂၀၁၄ ခုနှစ် မြန်မာနိုင်ငံလူဦးရေနှင့် အိမ်အကြောင်းအရာ သန်းခေါင်စာရင်း၏ လူဦးရေအခြေပြု အစီရင်ခံစာမှ ထုတ်နုတ်ထားခြင်း ဖြစ်ကြောင်း၊ လေ့လာဆန်းစစ်ချက်များအရ မြန်မာနိုင်ငံတွင် ရရှိထားသည့် လူဦးရေဆိုင်ရာ အကျိုးအမြတ်သည် ထိုင်းနိုင်ငံနှင့် စင်ကာပူနိုင်ငံများကဲ့သို့ သိသာစွာ ဖြစ်ပေါ်ခြင်းမရှိကြောင်း၊ တစ်ဘက်တွင်လည်း မြန်မာ့လူဦးရေဆိုင်ရာ အကျိုးအမြတ်သည် ကာလ ပိုမိုရှည်ကြာစွာ တည်ရှိနေမည်ဖြစ်ကြောင်း၊ မြန်မာနိုင်ငံ အနေဖြင့် လူဦးရေဆိုင်ရာ အကျိုးအမြတ်ကို အထိုက်အလျှောက် ရရှိခံစားရနိုင်သော်လည်း ထိုသို့ ဖြစ်လာစေရန်မှာ လူငယ်များသည် မိသားစုစီမံကိန်းများ ချမှတ်ရာတွင် ပိုမိုပါဝင်ခွင့် ရရှိရေး၊ ပြည်သူ့ကျန်းမာရေး စောင့်ရှောက်မှုများကို ပိုမို လက်လှမ်းမီစေရေး၊ မသင်မနေရ ပညာရေးစနစ်ကို လက်လှမ်းမီစေရေး၊ အသက်မွေးဝမ်းကျောင်းပညာရပ်များကို ပိုမိုသင်ယူခွင့် ရရှိရေး၊ အလုပ်အကိုင် အခွင့်အလမ်းများ ပိုမိုရရှိစေနိုင်သည့် စီးပွားရေးအခြေအနေများ ရရှိစေရေးစသည့် အခွင့်အလမ်းများကို ဆောင်ရွက်ပေးရမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

အထူးသဖြင့် လူငယ်များအတွက် ရည်ရွယ်ချမှတ် ရေးဆွဲထားသည့် မူဝါဒများ ပါဝင်ဆောင်ရွက်ပေးမှုများ လိုအပ်နေကြောင်း၊ နောက်လေးနှစ်တာ ကာလအတွင်း မြန်မာနိုင်ငံ၏ များပြားသော လူငယ်များအတွက် အလုပ်အကိုင်နေရာသစ်ပေါင်း တစ်သန်း လိုအပ်မည်ဖြစ်ကြောင်း၊ ၂၀၁၆ ခုနှစ်မှ ၂၀၃၀ ပြည့်နှစ်အထိ ကာလအတွင်း လက်ရှိ လုပ်သားအင်အား ပမာဏအတိုင်းရှိစေရန်အတွက် အလုပ်အကိုင်နေရာအသစ်ပေါင်း ၃ ဒသမ ၇ သန်း လိုအပ်မည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

“လက်ရှိအချိန် လူငယ်တွေက အနာဂတ်အတွက် အလုပ်အကိုင်ပညာရေးနဲ့ အသက်မွေးဝမ်းကြောင်းမှုပညာသင်တန်းတွေမှာ ရင်းနှီးမြှုပ်နှံမှုတွေ လုပ်ဆောင်ဖို့ အကောင်းဆုံးအချိန်ပါပဲ။ အလုပ်အကိုင် အခွင့်အလမ်းသစ်တွေ ရှိမလာဘူးဆိုရင် လူငယ်တွေ အလုပ်လက်မဲ့ဖြစ်ပြီး သူတို့နေထိုင်တဲ့ လူမှုအသိုင်းအ၀ိုင်းအတွင်းမှာ အသိအမှတ်ပြုမခံရတာတွေဖြစ်ပြီး မကျေနပ်ချက်တွေ တိုးပွားလာနိုင်ပါတယ်။ အလုပ်အကိုင်နေရာသစ်သန်းပေါင်းများစွာ ဖန်တီးမပေးနိုင်ရင် လူဦးရေ အချိုးအစားကနေ ရနိုင်တဲ့ အကျိုးအမြတ် အခွင့်အလမ်းတွေကို ဆုံးရှုံးမှာဖြစ်ပါတယ်”ဟု ကုလသမဂ္ဂလူဦးရေရန်ပုံငွေအဖွဲ့ မြန်မာနိုင်ငံဆိုင်ရာ ဌာနေကိုယ်စားလှယ် မစ္စဂျဲနက်ဂျက်ဆင်းက ဆိုသည်။       

Writer: 
ဆန်းထူးအောင်