ဦးအောင်မြင့် (မြန်မာ့ပြန်ပြည့်မြဲ စွမ်းအင်အသင်း အထွေထွေအတွင်းရေးမှူး)နှင့် တွေ့ဆုံခြင်း

'တကယ်တမ်း ညစ်ပတ်တဲ့အရာကို သန့်ရှင်းပါတယ်ဆိုပြီး အတင်းပြောတာမျိုး တကယ့်တကယ် ရင်ဆိုင်နေရတဲ့ ပြဿနာတွေရဲ့ ဖြေရှင်းချက်တွေ မပါဘူး'

စွမ်းအင်ရရှိရာ လမ်းကြောင်းတစ်ခုတွင် ကျောက်မီးသွေး ပါဝင်ပုံ၊ ကျောက်မီးသွေး လျှပ်စစ်ဓာတ်အားပေး စက်ရုံများ လည်ပတ်ပါက ဒေသနေပြည်သူတို့၏ ကောင်းကျိုးထက် ဆိုးကျိုးများပုံ၊ စက်ရုံများ အမှန်တကယ်လုပ်ဖြစ်ပါက ပြည်သူတို့နှင့် ပူးပေါင်းပါဝင်မှု၊ စွမ်းအင်ရရှိဖို့ရာ တိုင်းပြည်တွင် အရင်းအမြစ်များစွာရှိကြောင်း ထိုအထဲတွင်မှ ပြန်ပြည့်မြဲ စွမ်းအင်သည် နည်းမှန်လမ်းမှန် အဖြေမှန်ဖြစ်ကြောင်း ကျောက်မီးသွေး စွမ်းအင်ထုတ်လုပ်ရေးတွင် ပြည်သူ ပါဝင်မှုသည်သာ အဓိကကျကြောင်း မြန်မာ့ပြန်ပြည့်မြဲ စွမ်းအင်အသင်း အထွေထွေအတွင်းရေးမှူး ဦးအောင်မြင့်နှင့် တွေ့ဆုံစဉ် မေးမြန်းဖြစ်သည်များကို ပြန်လည်ဖော်ပြအပ်ပါသည်။

■ မေး - ဆရာတို့အသင်းရဲ့ အခုလက်ရှိ လုပ်ဆောင်ချက်ကို ပြောပြပေးပါ။
ဖြေ - ဆရာတို့အသင်းက ၁၉၉၃ ခုနှစ်လောက်က ထူထောင်ထားတဲ့ အသင်းပါ။ အောက်ခြေလူတန်းစား ကျေးလက်နေပြည်သူတွေရဲ့ဘ၀ တိုးတက်ဖို့အတွက် ပြန်ပြည့်မြဲ စွမ်းအင်အသုံးပြုပြီး သူတို့ရဲ့ဘ၀ ဖွံဖြိုးရေးတွေကို ဘယ်လိုပြန်လုပ်မလဲဆိုတဲ့ စီမံကိန်းတွေကို လုပ်ဆောင်တဲ့အလုပ်ကို လုပ်ဆောင်နေပါတယ်။ ပြန်ပြည့်မြဲ စွမ်းအင်အတွက် ပြည်သူတွေနဲ့ ပူးပေါင်းပြီး ဆက်တိုက် လုပ်ဆောင်နေတဲ့ အဖွဲ့အစည်းပါ။

■ မေး - စောစောကပြောသွားတဲ့အထဲမှာ ပြည်သူတွေပါ ပါဝင်ရမယ်ဆိုတဲ့ အချက်လည်းပါတော့ ပြည်သူတွေနဲ့ ပူးပေါင်းပြီး ဆရာတို့လုပ်ခဲ့တဲ့ လုပ်ငန်းစဉ်တွေမှာ ဘယ်လိုထိရောက်မှု ရှိခဲ့လဲ။
ဖြေ - ကျွန်တော်လုပ်ဆောင်လာတာ ခေတ်တော်တော်များများ အမျိုးမျိုးပြောင်းခဲ့တာကို လုပ်ဆောင်ခဲ့ပါတယ်။ အရင်တုန်းကဆိုရင် ကျွန်တော်တို့ရဲ့အစိုးရက ပုံစံတစ်မျိုးပေါ့နော်။ ခေတ်တွေမှာ အခြေအနေတွေ မတူပါဘူး။ ခေတ်အလိုက် နိုင်ငံတော်အစိုးရရဲ့ အားပေးမှု ကျွန်တော်တို့အသင်းမှာလည်း ပြည်သူတွေနဲ့ပဲ လုပ်ဆောင်ခဲ့ပါတယ်။ ဘာ တွေ လုပ်ဆောင်နိုင်သလဲဆိုရင် တကယ် လက်တွေ့ ပြည်သူတွေနဲ့ အောက်ခြေကို ဆင်းပြီးလုပ်တဲ့အခါ ပြည်တွေက သူတို့ရဲ့တကယ့် ဖွံ့ဖြိုးရေး အမှန်ကို စိတ်ဝင်စားကြပါတယ်။ သူတို့ကိုသာ စိတ်ပါဝင်စားလာအောင် သူတို့ နားလည်အောင် ရှင်းပြတဲ့ လုပ်ငန်းတိုင်းက ပူးပေါင်းဆောင်ရွက်တိုင်း အတိုင်းအတာ တစ်ခုအထိ အောင်မြင်ပါတယ်။ NGO ရဲ့ ပေး ဆပ်နိုင်စွမ်းရှိတဲ့ အဆင့်တစ်ခုအထိ အောင်မြင်ပါတယ်။

■ မေး - ကျောက်မီးသွေးစက်ရုံတွေနဲ့ ပတ်သက်ပြီး မေးချင်ပါတယ်ဆရာ။ ကျောက်မီးသွေးစက်ရုံ လုပ်မယ်ဆိုရင် စက်ရုံဆောက်တဲ့ ဒေသမှာရှိတဲ့ ပြည်သူတွေအတွက်နဲ့ ဒီကျောက်မီးသွေးစက်ရုံ ဆောက်လိုက်ရင် တိုင်းပြည်အတွက်ဖြစ်လာတဲ့ ဆိုးကျိုးကောင်းကျိုးတွေကို ပြောပြပေးပါ။
ဖြေ - ကျောက်မီးသွေးစက်ရုံဆိုတာ စွမ်းအင်ရရှိရေးအတွက် တစ်နိုင်ငံလုံးက ဒီနေ့အထိ တွင်တွင်ကျယ်ကျယ် အသုံးပြုနေတဲ့ စနစ်တစ်ခုပါ။ ကျောက်မီးသွေးကိုသုံးရင် ဘာဖြစ်မလဲဆိုတော့ စွမ်းရည်ရရှိရာလမ်းကြောင်းတွေ အများကြီးရှိပါတယ်။ နိုင်ငံရဲ့ အခြေအနေပေါ် မူတည်ပြီး စွမ်းရည်ကိုအမျိုးမျိုး ထုတ်ကြပါတယ်။ ကျောက်မီးသွေးက အဲဒီ ထဲက လမ်းကြောင်းတစ်ခုပါ။ ကျွန်တော်တို့ အိမ်နီးနားချင်းနိုင်ငံတွေမှာ ကျောက်မီးသွေး ကို အတွင်အကျယ်သုံးနေတယ်ဆိုတာအမှန် ပါပဲ။ လွန်ခဲ့တဲ့ နှစ်ပေါင်း ၅၀ လောက်ကတည်းက လုပ်ခဲ့တာပါ။ တကယ့်တကယ် အမှန်က ကျောက်မီးသွေးဆိုတာက တကယ်တမ်း ပြောမယ်ဆိုရင် ညစ်ပတ်တဲ့ ပစ္စည်းပါ။သူ့ကို Clean လို့ ပြောလို့မရပါဘူး။ နိုင်ငံတကာကနေလည်း အမြဲပြောပါတယ်။ ကျောက်မီးသွေးကို Clean လို့ မပြောတော့ဘူး။ Cleaner လို့ပဲပြောပါတော့တယ်။ မစင်ကို သန့်ပါတယ် ပြောနေသလိုပါပဲ။ နည်းပညာအရ အကောင်းဆုံး လုပ်လို့ရတာရှိရင်ရှိမယ်။ကျောက်မီးသွေးရဲ့ ညစ်ညမ်းမူတွေက တစ်ကမ္ဘာလုံးမှာ အထူးပြောဖို့ မလိုတော့ပါဘူး။ သိနေတဲ့အတွက် ပြည်တွေကလည်း စိုးရွံ့နေကြတယ်။ စီမံကိန်းတစ်ခု စလိုက်တာနဲ့ သူတို့နေထိုင်တဲ့ ပတ်ဝန်းကျင်တွေ၊ သယံဇာတတွေ ပြီးတော့ လုပ်နေကျလုပ်ငန်းတွေ အကုန်လုံး ထိခိုက်နစ်နာမှာ စိုးရိမ်နေရပါတယ်။ သူတို့ အမှန်တကယ် သိဖို့လိုပါတယ်။ တကယ်တမ်း ညစ်ပတ်တဲ့ အရာကို သန့်ရှင်းပါတယ်ဆိုပြီး အတင်းပြောတာမျိုး တကယ့်တကယ် ရင်ဆိုင် နေရတဲ့ ပြဿနာတွေရဲ့ ဖြေရှင်းချက်တွေ မပါဘူး။ ပြည်သူကို တကယ်ပါဝင်စေချင်ရင် ပြည်သူကို တကယ်နားလည်အောင် သေချာ ရှင်းပြရမယ်လေ။ ကိုယ်လုပ်ချင်တာ တစ်ခုတည်းနဲ့ ညစ်ပတ်တဲ့အရာကို သန့်ရှင်းပါတယ် ပြောနေတာကတော့ မဖြစ်သင့်ဘူး။ တကယ့် ကမ္ဘာ့ညီလာခံတွေမှာလည်း ကျောက်မီးသွေးကို Clean လို့မပြောဘူး။ အဲဒီတော့ Clean ဖြစ်အောင်လုပ်ရင်လည်း နိုင်ငံတော်မှာ ပြည်သူတွေက အသိဥာဏ်တွေရှိနေပါပြီ။ နိုင်ငံခြားနဲ့လည်း တိုက်ရိုက်ယှဉ်လို့ မရပါဘူး။ ဂျပန်လိုနိုင်ငံတောင်မှာဆိုရင် Clean လို့ နာမည်တပ်ပြီး သုံးတယ်။ ကျွန်တော်တို့လည်း တိုက်ရိုက် ဆွေးနွေးဖူးပါတယ်။ ကျောက်မီးသွေးကိုယ်တိုင်ကလည်း ကျောက်မီးသွေးကိုချစ်တယ်။ ဘယ်ဟာကိုချစ်တယ်ဆိုတာ မရှိဘူး။ ကိုယ့်နိုင်ငံအတွက် ဆရာတို့ကလည်း အောက်ခြေကနေ ဘာတွေနဲ့ဆက်စပ်လဲ။ တကယ်စီမံကိန်း လုပ်တဲ့နေရာမှာ အောက်ခြေကလူတွေနဲ့ ကွဲပြားမှု ရှိတယ်ဆိုတာကြည့်တော့ ကျောက်မီးသွေးကို သူတို့လိုနိုင်ငံတွေမှာ Clean Coal နည်းပညာလို့ဆိုတဲ့ အဆင့်ပြောနိုင်အောင်လို့က အင်မတန်ဈေးကြီးပါတယ်။ ဂျပန်တွေ ကိုယ်တိုင်ကလည်းပြောပါတယ်။ အရမ်းဈေးကြီးပါတယ်လို့ ဆိုပြီး။ ဈေးကြီးလို့ ၀ယ်နိုင်ပြီဖြစ်အောင် ကျွန်တော်တို့ကိုယ်တိုင် မေးခွန်းတွေ ထုတ်ပြီးမေးတော့ သံရုံးကပညာရှင်တွေနဲ့ လည်း မေးပါတယ်။ ဂျပန်နိင်ငံက စနစ်ရော စည်းကမ်းပါ အရမ်းကောင်းပါတယ်။ ပြည်သူကလည်း တကယ့်ကို လိုက်နာကျင့်သုံးတယ်။အဲဒီတော့ ကျောက်မီးသွေးလို ဟာမျိုးကို သယ်လာတယ်၊ ပုံတယ် ချတယ် လုပ်တယ်။ စက်ရုံကလုပ်တဲ့အခါမှာ အထိုက်အလျောက် ဖြစ်လာတဲ့ အငွေ့တွေကို ပြည်သူက ပြန်လည်ပြီး ၀င်ရောက်ဆန်းစစ်တယ်။ ပြည်သူက ပါဝင်လုပ်ဆောင်ခြင်းက အရမ်းအားကောင်းပါတယ်။ အဲဒီလိုလုပ်တော့ သူတို့နိုင်ငံအတွက် အတိုင်းအတာတစ်ခုအထိမှာတော့ အဆင်ပြေပါတယ်။ Clean လို့လည်း ပြောလို့ရပါ တယ်။ ကျွန်တော်တို့နိုင်ငံမှာက အဲဒီလောက် ဈေးကြီးကြီးကို ပေးနိုင်မလား။ ဂျပန်ကတော့ ပေးနိုင်မယ် မထင်ဘူးလို့ ပြောပါတယ်။ လျှော့လျှော့ပေါ့ပေါ့နဲ့ အတိုင်းအတာတစ်ခုအထိမှာ လုပ်မယ်ဆိုရင်ရော ဂျပန်လိုဘယ်လိုသယ်မလဲ။ ဘယ်လိုချမလဲ။ စက်ရုံတွေက တကယ်လုပ်တဲ့အခါမှာ ပြည်သူနဲ့ ဘယ်လိုပူးပေါင်း ပြီးလုပ်ဆောင်မလဲဆိုတဲ့ အချက်တွေက အရေးကြီးပါတယ်။ သူတို့ဆီမှာအဖွဲ့အစည်းတွေ ဖွဲ့ထားတယ်။ စက်ရုံနားမှာရှိတဲ့ ပြည်သူတွေက ဘယ်လိုပစ္စည်းတွေထွက်ရင် ပြည်သူ တွေက ဘယ်သူနဲ့ဘယ်လို ဖြေရှင်းမလဲဆိုတာ ရှိတယ်။ ကျွန်တော်တို့မှာရှိလား။ ရှိလား ရှိလို့ဆိုရင်တော့ ပြည်သူတွေက စိုးရိမ်ပေးလို့ ရတာပေါ့။ အခုကတော့ တစ်ဖက်သက်ပါ။ ကျွန်တော်တို့အပါအ၀င် ဒေသခံတွေအတွက်ပါ စိုးရိမ်စရာဖြစ်တာတော့အမှန်ပဲ။ စိုးရိမ်မယ်ဆိုလည်း စိုးရိမ်နိုင်လောက်တဲ့ အခြေအနေမှာ ရှိတယ်။ ကျွန်တော်တို့ကလည်း တိုင်းပြည် ဖွံ့ဖြိုးရေးသမားဆိုတော့ ဖွံ့ဖြိုးချင်တာပေါ့။စွမ်းအင်ရဖို့ တိုင်းပြည်ဖွံဖြိုးဖို့ စွမ်းရည်ရဖို့ဆိုရင် တိုင်းပြည်မှာ တခြားနေရာတွေက လုပ်ဖို့လိုတယ်။ ကျောက်မီးသွေးကို ဦးစားပေး မဟုတ်ရင်တောင် ရာနှုန်းပြည့် တော်တော်များများ သူတို့ရဲ့ Master Plan မှာလည်း ၃၀ ရာခိုင်နှုန်းကျော်ကျော်လောက် ကျောက်မီးသွေးကို အသုံးပြုခွင့်ရထားတယ်။ လုပ်မယ်လို့ လျာထားတဲ့နေရာမှာ အခြားသောလှပတဲ့ အချိန်တွေကို ပြည်သူတွေက စိုးရိမ်စရာဖြစ်နေတယ်။ ဘယ်လောက်အထိ ပြည်သူကိုချပြ ရှင်းပြနိုင်လဲ။ ဒီလောက်အထိ နိုင်ငံတကာကတောင် Clean လို့မပြောဘူး။ Cleaner လို့ပဲ ပြောနေတာပါ။ ဈေးကြီးပါတယ်လို့လည်း နိုင်ငံတကာကပြောပါတယ်။ ဂျပန်လိုနိုင်ငံတွေ၊ အနောက်နိုင်ငံတွေမှာ ဆိုရင်လည်း ဘယ်လောက်အထိ ဆောင်ရွက်ရတယ်။ ပြီးတော့ ပြည်သူတွေ ပါဝင်နေလဲ။ တကယ် တစ်ခုခုဖြစ်လာပြီဆိုရင် ပြည်သူတွေက တစ်ခုခုဆိုရင် ဘယ်လိုတိုင်ရမလဲဆိုတာ မရှိဘူး။ ပွင့်လင်းစွာပြောမယ်ဆိုရင် အတိုင်းအတာတစ်ခုအထိ အောင်မြင်နိုင်မှာပါ။ အဲဒီလိုမလုပ်နိုင်လည်း ကျောက်မီးသွေးမှာ အမြန်မီးလင်းဖို့ ဈေးအသက်သာဆုံးဖြစ်ဖို့ဆိုတော့ ဈေးနှုန်းက အများကြီးရှိပါတယ်။ စပြီးတည်ဆောက်တာကစပြီး စက်ရုံဆောက်တဲ့ စရိတ်ကနေ လျှပ်စစ်ထွက်တဲ့အထိပဲ ကြည့်လို့မရပါဘူး။ သူရဲ့ပတ်ဝန်းကျင်ရဲ့ ထိရောက်မှုတွေကိုပါ ကြည့်ရမှာပါ။ စက်ရုံဆောက်လို့ ဖြစ်လာမယ့် ထိခိုက်မယ့်ဟာတွေ ထည့်တွက်ပြီးပြီလား။ တစ်ခုခုလုပ်ပြီးပြီဆိုရင် ပတ်ဝန်းကျင်နဲ့သဘာဝ သယံဇာတတွေ ဘယ်လောက်ပျက်စီးသွားပြီလဲဆိုတာ ထည့်တွက်ရပါမယ်။ ကျွန်တော်တို့ နိုင်ငံမှာ ပြည်သူတွေ စိုးရွံ့မယ်ဆိုလည်း စိုးရွံ့စရာပါ။ ကျွန်တော်တို့ကလည်း ဖွံ့ဖြိုးရေးသမားဆိုတော့ တိုင်းပြည်ကိုဖွံ့ဖြိုးစေချင်တာပဲ။ NGO ဆိုတာက သူများအပြစ်လိုက်ကြည့်တဲ့ အဖွဲ့မဟုတ်ဘူး။ ကောင်းရင်ဝမ်းသာချင် လို့ပါ။ ကောင်းတာပဲဖြစ်စေချင်ပါတယ်။ စွမ်းအင်ရဖို့ဆိုရင် တိုင်းပြည်မှာလုပ်စရာ အရင်းအမြစ်တွေ အများကြီးရှိပါတယ်။ ကျောက်မီးသွေးကို ဦးစားပေး မဟုတ်ရင်တောင် အခုစွမ်း အင်ရဲ့ Energy Master Plan ထဲမှာ ၂၀၃၀ ပြည့်နှစ်မှာ တစ်နိုင်ငံလုံး မီးလင်းဖို့ ၃၀ ရာ ခိုင်နှုန်းကျော်ကျော်လောက် ကျောက်မီးသွေးကိုသုံးဖို့ လျာထားပါတယ်။ တကယ်သူတို့လုပ် မယ်လို့ လျာထားတဲ့ အရာကလည်း တိုင်းပြည်မှာ တကယ့်ကိုလှပတဲ့ အရာတွေရှိနေတော့ စိုးရိမ်စရာဖြစ်နေတာ ပြည်သူအတွက် မမှားဘူး။ NGO တွေက ဒါတွေမလုပ်ဖို့ အားအား ယားယား တားနေတာပဲဆိုရင် အမြင်က နိုင်ငံတော်ဖွံ့ဖြိုးရေးကို နှောင့်ယှက်နေသလိုဖြစ်နေတယ်။ နိုင်ငံတော်ရဲ့ စွမ်းရည်လိုအပ်ချက်ကို ဖြည့်ဆည်းမယ်ဆိုရင် တခြားနည်းလမ်းတွေ ရှိပါတယ်။ အဲဒီအထဲမှာ ပြန်ပြည့်မြဲစွမ်းအင် ဆိုတာက နည်းလမ်းအဖြေမှန်ပဲ။ ဒါပေမဲ့ ဒါတွေကို လုပ်ဖို့ဆိုရင် နိုင်ငံတော်မှာဥပဒေ လိုပါတယ်။ လျှပ်စစ်ဓာတ်အား ရရှိရေးအတွက် ကျောက်မီးသွေးကိုပဲ အားကိုးနေရမှာမဟုတ်ဘူး။ တစ်ကမ္ဘာလုံးက Energy Transition Period ပြောနေတာပါ။ ကျွန်တော်တို့က ဘယ်ဟာ လုပ်ပါ၊ မလုပ်နဲ့ မပြောဘူး။ စွမ်းအင်စီမံချက်တွေ၊ စက်ရုံတွေ လုပ်မယ်ဆိုရင် ပြည်သူပါဝင်ရဲ့လားဆိုတာ သိဖို့လုပ် အစိုးရကို ကူညီပေးဖို့လိုပါတယ်။ ပြည်သူပါဝင်ဖို့ ဆိုတာ ပါးစပ်နဲ့တင် ပြောလို့မရပါဘူး။ အခုမှ ပြည်သူ ပါဝင်ဖို့ဆိုတာ ဆွဲတုန်းရှိသေးတယ်။ ဒီကြားထဲမှာ ပြည်သူတွေကိုပြောချင်တာက တကယ့်တကယ် ကိုယ့်ရလဒ် အမှန်ကို လုပ်တဲ့ အခါမှာ နိုင်ငံတကာကအကူအညီတွေ မလိုဘူး မဟုတ်ဘူး လိုပါတယ်။ နိုိင်ငံတကာက ပညာရှင်ကိုသာ လုံးဝအားကိုးပြီး သူတို့ချည်း ခေါင်းဆောင်တင်ပြီး လုပ်မယ်ဆိုရင်လည်း ရင်လေးစရာပါ။ ကိုယ့်အတွက် အဖြေမှန်ရမှာ မဟုတ်ပါဘူး။

■ မေး - ဆရာစောစောက ပြောသွားတာက ပြည့်စုံနေပြီဆိုတော့ အခုလက်ရှိမှာရော ဘယ်လိုပေါ်လစီတွေနဲ့ သွားနေလဲဆိုတာ ပြောပြပေးပါဆရာ။
ဖြေ - အခုလက်ရှိက ကျွန်တော်တို့ နားလည်ထားသလောက်ကတော့ နဂိုတုန်းကတော့ ပေါ်လစီကတော့ ကိုးချက်ရှိပါတယ်။ ကိုးချက်လုံးကတော့ တကယ်ကောင်းတဲ့ အချက်ကိုး ချက်ရှိပါတယ်။ အကောင်အထည်ဖော်ဖို့ လုပ်ထုံးလုပ်နည်းတွေရှိဖို့ လိုပါတယ်။အခုပြု ပြင်တယ်လို့တော့ ပြောနေတာပါပဲ။ အဲဒါကို အကောင်အထည်ဖော်တဲ့ လုပ်ထုံးလုပ်နည်း လို့ခေါ်တဲ့ အရာကို ၀န်ကြီးဌာနတွေက ဘာကိုပဲအားကိုးပြီး ပြောနေလဲဆိုရင် ADP က ရေးဆွဲခဲ့တဲ့ National Master Plan ဆိုတာ ရှိတယ်။ နောက်တစ်ခုက World Bank က ရေးဆွဲတဲ့ တစ်နိုင်ငံလုံးက၂၀၁၃ ခုနှစ်မှာ မီးလင်းဖို့အတွက် နောက်တစ်ခု နံပါတ်(၃)က ဂျိုက်ကာက ဦးစီးပြီး ရေးဆွဲတဲ့ တစ်နိုင်ငံလုံးသည် လိုအပ်တဲ့ မဟာဓာတ်အားလိုင်းအတွက် စက်ရုံကြီးတွေ ဆောက်ရမယ်။ အဲဒီလိုဆောက်တဲ့အခါမှာလည်း ကျောက်မီးသွေးက ၃၀ ရာခိုင်နှုန်း၊ ဟိုက်ဒရိုက ၄၀ ရာခိုင်နှုန်း၊ ပြန်ပြည့်မြဲ စွမ်းအင်ကတော့ ကိုးရာခိုင်နှုန်းဆိုပြီး ဆွဲထားတယ်။ ကျွန်တော်တို့က သဘောမတွေ့စရာပါပဲ။ ကျွန်တော်တို့နိုင်ငံမှာ စောစောကပြောတဲ့ တစ်ကမ္ဘာလုံးသွားနေတဲ့ လက်တွေ့ကျတဲ့ ပြန်ပြည့်မြဲစွမ်းကိုအသားပေးတဲ့အရာ မပါဘူး။ အာဆီယံက အချိုးနဲ့မညီဘူး။ ကိုးရာခိုင်နှုန်း ထားပေးထားပါတယ်။ အဲဒါကို ကျင့်သုံးတဲ့အခါမှာ ၀န်ကြီး လျှအ်စစ်ဝန်ကြီးဌာနနဲ့ ကျေးလက်ဖွံ့ဖြိုးရေးဦးစီးဌာနကနေ ဦးစီးပြီး လုပ်နေတယ်။ အဲဒီတော့ ပြည်သူက ပါဝင်မနေပြန်ဘူး။ ပြည်သူ ပါဝင်လို့ရမယ့် အရမ်းခက်တယ်။ နောက်တစ်ခုက ပြည်သူက ကိုယ်ပိုင် အလုပ်လုပ်မယ်ဆိုရင်လဲ ၀န်ကြီးဌာနတိုင်းနဲ့ သက်ဆိုင်တော့ ပြည်သူက အဲ့ဒါတွေကိုလုပ်ဖို့အတွက် လုပ်ထုံးလုပ်နည်းအတိုင်း လုပ်နေရတယ်။ တကယ်လုပ်ချင်တဲ့ ပြည်သူတွေအတွက် ကျတော့လဲ ၀န်ကြီးဌာနတွေက လိုက်လျေညီထွေခြင်း မရှိဘူး။ကျွန်တော်တို့က နိင်ငံတစ်ကာ ရင်းနှီးမြှုပ်နှံတဲ့သူတွေနဲ့လဲ ခဏခဏ ဆွေးနွေးတာတွေ လုပ်တယ်။ ကမ္ဘာက ဘယ်လိုတွေလုပ်နေလဲဆိုတာတွေ သိဖို့လိုပါတယ်။လက်တွေ့ကတော့ ကျွန်တော်မြင်တာကတော့ ရင်လေးစရာပါ။ကမ္ဘာမှာ ပြန်ပြည့်မြဲ စွမ်းအင်ဆိုတာ ရှိတယ် ဘယ်တော့မှ ကုန်ဆုံးတယ်ဆိုတာ မရှိပါဘူး။ရေအားစွမ်းအားတိုင်းက ပြန်ပြည့်မြဲစွမ်းအင် မဖြစ်ဘူး။ကျောက်မီးသွေးကို လုပ်မယ်ဆိုရင် ဘယ်လောက်အထိ ဂျပန်လို လုပ်နိင်မလဲ ။ဂျပန်လို လုပ်သည်းတိုင်အောင် ဂျပန်က Clean လို့ မခေါ်ဘူး။ Cleaner လို့ ပြောင်းခေါ်နေပါပြီ ။ Clean ခေါ်ရင် ခက်တယ်လေ။ စောစောကပြောသလိုမစင်ကို Clean လို့ ခေါ်နေသလိုပါပဲ။ တကယ်တမ်းကျတော့ လုံးဝ Clean လို့ပြောလို့ မရပါဘူး။အများကြီး အရင်းစိုက်ပြီးမှ လုပ်ရတာပါ။စွမ်းအင်ပိုင်းဆိုင်ရာမှာ ကမ္ဘာမှာ တိုးတက်နေတဲ့ အခြေအနေတွေက အများကြီးပဲ ။မြန်မာပြည်အတွက် သင့်တင့်လျှောက်ပတ်တာတွေလဲ အများကြီးပေါ်နေပါတယ်။ နိင်ငံတော်အစိုးရအနေနဲ့ အဲ့ဒါတွေဘက်ကို လှည့်ဖို့လိုပါတယ်။ အဓိက တကယ် အလျင်အမြန်လိုတဲ့ ကျောက်မီးသွေးက အဖြေက အဲ့တစ်ခုတည်း မဟုတ်ပါဘူး။ သူနဲ့တစ်ပြိုင်နက်ထဲ စောစောက ကမ္ဘာသုံးနေတဲ့ အများပါဝင်နိင်တဲ့ စနစ်တွေ နည်းပညာတွေကို အစိုးရကသာ လုပ်မယ်ဆိုရင် ကမ္ဘာကလဲ ကူညီမှာပါ။

■ မေး - မြန်မာနိင်ငံက ပြည်သူတွေအတွက် စွမ်းအင်နဲ့ပက်သက်ပြီး တစ်ခြားဘာများ ပြောချင်သေးလဲ။
ဖြေ - တကယ်တမ်းပြည်သူက လျှပ်စစ်စွမ်းအင်သုံးတဲ့သူတွေက တန်အောင်သုံးသင့်ပါတယ်။ လျှပ်စစ်ကိုခြွေတာမှန်း သိရမယ်။ လျှပ်စစ်က တကယ့်ကိုကောင်းတဲ့ တန်အောင် သုံးရပါမယ်။ ဒါကပြည်သူဘက်ကပါ။ လျှပ်စစ်ထုတ်လုပ်တဲ့သူကလဲံ ပြည်သူပဲဖြစ်ရပါမယ်။ ထုတ်လုပ်သူတွေကလဲ လျှပ်စစ်ထုတ်မယ်ဆိုရင် နည်းပညာပိုင်းကို လိုအပ်ချက်နဲ့ ကိုက်အောင် လုပ်ဆောင်မယ်ဆိုရင် ဈေးနှုန်းကြီးတဲ့ ကိစ္စက ရှိလာမှာ မဟုတ်ပါဘူး။ဈေးနှုန်းလဲကြီးဖို့ မလိုဘူး။သင့်တော်တဲ့ ခံသာတဲ့ ဈေးဖြစ်လာမယ်။ဒါကို ပြည်သူတွေသိဖို့ လိုပါတယ်။နိင်ငံတော်အတွက် အန္တရာယ်ရှိတဲ့ လျှပ်စစ်တွေ အကြောင်းနဲ့ အသုံးဝင်တဲ့ လျှပ်စစ်ကိုလဲ သိဖို့လိုပါတယ်။ ကိုယ်ကိုတိုင်လျှပ်စစ်ကို သုံးသူအနေနဲ့ တန်အောင်အသုံးပြုပြီိး ဈေးနှုန်းတစ်ခုတည်းကို ပြသနာနေနဲ့ မကြည့်ပဲ ကိုယ့်ရဲ့လိုအပ်ချက် ရယူမူ တစ်ခုတည်းနဲ့ မကြည့်ပဲ ကိုယ်ပေးတဲ့ဈေးနှုန်းနဲ့ တန်အောင် သုံးမယ်ဆိုရင် ဒါလဲ နိင်ငံတော်အတွက် ပြည်သူက နေရာတစ်ကာ ဟန့်တားတဲ့သူ မဟုတ်ပဲ ကူညီတဲ့သူတွေ ဖြစ်လာမှာပါ။

Writer: 
ဧကရီ