<

ဂျပန်က ပြည်ပအလုပ်သမားများအား ပိုမိုဆွဲဆောင်မည့်အစီအစဉ်ကို ထုတ်ဖော်

၂၀၁၇ ခုနှစ် ဇူလိုင် ၂၄ ရက်တွင် တိုကျိုရှိ ဘူတာရုံတစ်ရုံ၌ ရထားပေါ်မှ ဆင်းလာနေသူများကို တွေ့ရစဉ် (Photo: AFP)

ဂျပန်သည် ပြည်ပမှ ကော်လာပြာအလုပ်သမားများကို ပိုမိုဆွဲဆောင်ရန် အစီအစဉ်တစ်ရပ်ကို အောက်တိုဘာ ၁၂ ရက်က ထုတ်ဖော်ခဲ့သည်။ ကမ္ဘာပေါ်တွင် တတိယမြောက် စီးပွားရေး အင်အားအကြီးဆုံးနိုင်ငံ ဖြစ်သည့် ဂျပန်သည် နိုင်ငံ့လူဦးရေကျုံ့လာခြင်းနှင့် အသက်အရွယ် ကြီးရင့်သူဦးရေ များပြားလာခြင်းတို့ကြောင့် ကာယလုပ်သား ဆိုးဆိုးရွားရွား ရှားပါးမှုနှင့် ကြုံတွေ့နေရသည်။

ယခုအစီအစဉ်သည် စိုက်ပျိုးရေး၊ သူနာပြုစုရေး၊ ဟိုတယ်နှင့် သင်္ဘောတည်ဆောက်ရေး အစရှိသည့် ကဏ္ဍများတွင် လုပ်သားရှားပါးမှု ကွက်လပ်ကိုဖြည့်ပေးရန် ရည်ရွယ်သည်။ အဆိုပါ ဥပဒေကြမ်းအရ လုပ်သားရှားပါးမှု နှင့် ကြုံနေရသော အလုပ်နယ်ပယ်များ၌ ၀င်ရောက် လုပ်ကိုင်နိုင်ရန် အတတ်ပညာပိုင်းဆိုင်ရာ ကျွမ်းကျင်သော ပြည်ပနိုင်ငံသားများသည် ငါးနှစ်နှင့်အထက် အလုပ်လုပ်နိုင်သော ဗီဇာရမည်ဟု သိရသည်။

လိုအပ်ချက်ရှိသော နယ်ပယ်များအတွက် အလုပ်ကျွမ်းကျင်မှု ပိုမိုမြင့်မားပြီး ဂျပန်ဘာသာစကားစစ်ဆေးမှု အောင်မြင်သူများမှာမူ မိသားစုဝင်များကိုပါ ခေါ်ဆောင်လာခွင့်ရှိသည့်အပြင် ရာသက်ပန်နိုင်ငံသားဖြစ်ခွင့်ကိုပါ ရရှိနိုင်မည်ဖြစ်သည်။

ထိုဥပဒေကြမ်းကို ပါလီမန်သို့ အမြန်ဆုံးတင်သွင်းမည်ဖြစ်ပြီး ဧပြီလတွင် စတင် ဆောင်ရွက်နိုင်ခြေရှိသည်ဟု အစိုးရပြောခွင့်ရပုဂ္ဂိုလ် ယိုရှီဟီဒေဆူဂါက ပြောကြားခဲ့သည်။

ဂျပန်သည် ယခင်ကတည်းက ပြည်ပမှ ကျွမ်းကျင်မှုမရှိသော အလုပ်သမားများကို သတိရှိရှိဖြင့် လက်ခံလေ့ရှိပြီး လက်ရှိအချိန်အထိ ကျွမ်းကျင်မှုမြင့်မားသူများကိုသာ နိုင်ငံသားဖြစ်ခွင့်ပေးလေ့ရှိသည်။ သို့သော် ယင်း  ကန့်သတ်မှုတို့သည် တောင်အမေရိကမှ ဂျပန်အနွယ်များအတွက်မူ ချွင်းချက်ဖြစ်သည်။

ယခုပြုပြင်ပြောင်းလဲမှုများသည် ဂျပန်၏ လူဝင်မှုကြီးကြပ်ရေးမူဝါဒတစ်ခုလုံးကို အလုံးစုံပြောင်းလဲရန်၊ ရွှေ့ပြောင်းအခြေချများ အစုလိုက်အပြုံလိုက်ဝင်ရောက်လာစေရန် ရည်ရွယ်ခြင်းမဟုတ်ဟု ဂျပန်ဝန်ကြီးချုပ် ရှင် ဇိုအာဘေးအစိုးရက အလေးပေးပြောကြားခဲ့သည်။

ဂျပန်စီးပွားရေးလုပ်ငန်းများမှာမူ နိုင်ငံ၏ လူဝင်မှုကြီးကြပ်ရေးစည်းမျဉ်းများကို လျှော့ချပေးရန် ဆွယ်တရားဟောနေကြသည်မှာ ကာလရှည်ကြာရှိပြီဖြစ်ပြီး အလုပ်သမား ရှာရသည်မှာ ခက်ခဲကြောင်း ညည်းတွားခဲ့ကြသည်။ အလုပ်လက်မဲ့နှုန်း ၂ ဒသမ ၅ ရာ ခိုင်နှုန်းရှိသော ဂျပန်၌ အလုပ်ရှာသူ ၁၀၀ တိုင်းအတွက် လစ်လပ်နေသည့်အလုပ်နေရာ ၁၆၃ နေရာရှိနေသည်။

အစိုးရ၏ အချက်အလက်များအရ ၂၀၁၇ ခုနှစ်က ဂျပန်တွင် ပြည်ပအလုပ်သမား ၁ ဒသမ ၂၈ သန်းရှိသည်ဟု သိရသည်။ ယင်း ပမာဏသည် လွန်ခဲ့သည့်ဆယ်စုနှစ်တစ်ခု ခန့်ကထက် နှစ်ဆပိုမိုမြင့်တက်လာခြင်းဖြစ် သည်။ သို့သော် ယင်းတို့အနက် ၄၅၀၀၀၀မှာ ဂျပန်နိုင်ငံသားတို့၏ နိုင်ငံခြားသား ခင်ပွန်း၊ ဇနီးများ၊ ဂျပန်တွင် ကာလရှည်ကြာအခြေချ နေထိုင်လာသော ကိုရီးယားအနွယ်များ၊ ဂျပန်အနွယ် နိုင်ငံခြားသားများဖြစ်ကြပြီး နောက် ထပ် ၃၀၀၀၀၀ မှာ အချိန်ပိုင်းလုပ်ခွင့်ပြုထားသော ပြည်ပကျောင်းသားများဖြစ်သည်။

October 12, 2018














Copy Protected by Chetan's WP-Copyprotect.