<

နည်းပညာကြောင့် အရှေ့တောင်အာရှမှ ကျွမ်းကျင်မှုနိမ့် အလုပ်အကိုင်များ သန်းနှင့်ချီ၍ ဆုံးရှုံးနိုင်

ဇူလိုင် ၁၈ ရက်တွင် တောင်ကိုရီးယားနိုင်ငံ အင်ချွန်၌ အစာသွတ်မုန့်လုပ်သည့်စက်ရုံ၌ အလုပ်သမားများကို တွေ့ရစဉ် (Photo: AP)

နည်းပညာ ဖွံ့ဖြိုးလာမှုကြောင့် ငွေကိုင်မှသည် စက်မောင်းအထိ၊ စားပွဲထိုးများနှင့် ယာဉ်မောင်းများအထိ အရှေ့တောင်အာရှမှ ကျွမ်းကျင်မှုနိမ့် အလုပ်အကိုင် သန်းနှင့်ချီ၍ မကြာမီ ဆုံးရှုံးနိုင်ကြောင်း ကမ္ဘာ့စီးပွားရေးဖိုရမ် (WEF) တွင် ကျွမ်းကျင်သူများက သတိပေးခဲ့သည်။ အလုပ်အကိုင် ပြဿနာကို အရှေ့တောင်အာရှသည် ခက်ခက်ခဲခဲ ရင်ဆိုင်ရမည်ဖြစ်ပြီး နည်းပညာကြောင့် ‘အာရှစက်ရုံ’ မော်ဒယ်လ်စီးပွားရေးလုပ်ငန်းပုံစံသည် မကြာမီ ပျက်သုဉ်းသွားနိုင်ကြောင်း ဗီယက်နမ်ဝန်ကြီးချုပ် ငုရင်စွမ်ဖက်က ပြောကြားခဲ့သည်။

ဟနွိုင်းတွင် ကျင်းပသော ကမ္ဘာ့စီးပွားရေးဖိုရမ်တွင် စက်မှုလုပ်ငန်းဖွံ့ဖြိုးမှုနှင့် ပတ်သက်ပြီး အဓိကထား ဆွေးနွေးခဲ့ကြသည်။ ဗီယက်နမ်၊ အင်ဒိုနီးရှားနှင့် ထိုင်းအပါအ၀င် အရှေ့တောင်အာရှနိုင်ငံများက ကုန်ထုတ်လုပ်မှုကို အဓိကထားခဲ့ပြီး တိုးတက်မှုကို ရယူခဲ့ကြသည်။ အလုပ်အကိုင် သန်းပေါင်းများစွာ ပေးနိုင်သော ကုန်ထုတ်လုပ်မှုကဏ္ဍသည် နည်းပညာဖွံ့ဖြိုးလာမှုကြောင့် သက်ရောက်မှုကို အဆိုးရွားဆုံး ခံရနိုင်သည်ဟု WEF တွင် ထုတ်ပြန်သော လေ့လာမှုတစ်ရပ်က သတိပေးခဲ့သည်။

ဂျပန်နှင့် စင်ကာပူကဲ့သို့သော ချမ်းသာသည့်နိုင်ငံများသည် နည်းပညာတိုးတက်မှုကို ပြောင်းလဲစီးမျောရန် ပြင်ဆင်ထားကြပြီး ဆင်းရဲသော ကုန်ထုတ်လုပ်မှုဗဟိုချက်နိုင်ငံများသည် နည်းပညာဖွံ့ဖြိုးမှုကြောင့် အလျင်အမြန် ပြောင်းလဲမှုကို လက်ခံရန်အဆင်သင့် မဖြစ်သေးကြောင်း ကျွမ်းကျင်သူများက ဆိုသည်။

သို့သော်လည်း ရွေးချယ်စရာ မရှိသဖြင့် အရှေ့တောင်အာရှမှ အလုပ်အကိုင် ၆.၆ သန်းခန့်သည် နည်းပညာသစ်ကြောင့် ဆယ်စုနှစ်တစ်ခုအတွင်း ဘေးထွက်ပိုလျှံမှု ဖြစ်လာနိုင်ကြောင်း Cisco နှင့် Oxford Economics တို့က ထုတ်ပြန်သော လေ့လာမှုတွင် ဖော်ပြခဲ့သည်။

နည်းပညာကြောင့် အလိုအလျောက် ဆောင်ရွက်နိုင်မှုက ဖြစ်ပေါ်လာသော အကျပ်အတည်းကို ရင်ဆိုင်ရန်အတွက် အာဆီယံနိုင်ငံများသည် ၎င်းတို့၏ လုပ်သားထုအား ပညာသင်ပေးရန် အလျင်အမြန် ဆောင်ရွက်ရမည်ဟု WEF သို့ တက်ရောက်ခဲ့သည့် ကိုယ်စားလှယ်များက သတိပေးခဲ့သည်။

တန်ဖိုး ပိုမိုမြင့်မားသော ထုတ်ကုန်ထုတ်လုပ်မှုသို့ အသွင်ကူးပြောင်းနိုင်ရန်အတွက် အာဆီယံသည် ၁၀ နှစ်အတွင်း ထွက်ပေါက် တွေ့ရှိဖွယ်ရှိကြောင်း WEF ၏ အမှုဆောင် အဖွဲ့ဝင် ဂျက်စတင်ဝုဒ်က ပြောကြားခဲ့သည်။ ဆယ်နှစ်အတွင်း မှန်ကန်သော ဆုံးဖြတ်ချက်များ မဆောင်ရွက်နိုင်ပါက အာဆီယံသည် ကမ္ဘာလုံးဆိုင်ရာ ယှဉ်ပြိုင်နိုင်စွမ်း၌ နောက်ကျကျန်နေမည်ဟု ၎င်းက ပြောကြားခဲ့သည်။

နည်းပညာဖွံ့ဖြိုးမှုကြောင့် ထိခိုက်နိုင်သော လုပ်ငန်းများတွင် ငွေကိုင်၊ စာစီ၊ စက်မောင်း၊ စာရေးလုပ်ငန်းများ အပါအ၀င် ပုံမှန်လုပ်ငန်းဆောင်ရွက်ရမှုကို အဓိကထားသည့် အလုပ်အကိုင်များသည် အထိခိုက်ဆုံးဖြစ်နိုင်ကြောင်း အပြည်ပြည်ဆိုင်ရာ အလုပ်သမားအဖွဲ့မှ ဖူဟင်းက ပြောကြားခဲ့သည်။

Ref: AFP

September 13, 2018














Copy Protected by Chetan's WP-Copyprotect.