Photo: AFP
တရုတ်နိုင်ငံအနောက်တောင်ပိုင်းရှိ ကျေးလက်ဒေသတွင် လူနေအိမ်ခြေဒါဇင်ပေါင်းများစွာပေါ်သို့ မြေပြိုကျမှုတစ်ခုဖြစ်ပွားခဲ့ပြီးနောက် ပျောက်ဆုံးနေသူဦးရေသည် ၃၂ ဦးအထိ မြင့်တက်လာပြီဖြစ်သည်ဟု အာဏာပိုင်များက သြဂုတ် ၂၉ ရက်တွင် ထုတ်ပြန်ခဲ့သည်။ ကွေကျိုးပြည်နယ်၊ပီကျယ်မြို့ထဲရှိ မြို့နယ်တစ်ခုတွင် သြဂုတ် ၂၈ ရက်က ဖြစ်ပွားခဲ့သည့် မြေပြိုမှုအတွင်း လူသုံးဦးထက်မနည်း သေဆုံးပြီး ဒဏ်ရာရရှိသူ ခုနစ်ဦး ရှိခဲ့သည်။
People's Daily သတင်းစာက သြဂုတ် ၂၈ ရက်တွင် Twitter ပေါ်သို့ တင်ခဲ့သည့် ဗီဒီယိုထဲ၌ တောင်ကုန်းတစ်ခု ပြိုကျနေပြီး ယင်းမှထွက်လာသည့် ရွှံ့မြေများသည် မြို့နေရာ အများအပြားသို့ ရောက်ရှိသွားကာ ဘေးမှကြည့်ရှုသူများမှာ ကြောက်လန့်တ ကြားအော်နေသည်ကို တွေ့ရသည်။ အာဏာပိုင်တို့သည် အဆင့်လေးဆင့်ရှိသည့် နှိုးဆော်သတိပေးချက်စနစ်ထဲမှ ပီကျယ်မြို့အတွက် အနိမ့်ဆုံး အရေးပေါ်တုံ့ပြန်ရေး သတိပေးချက်ကိုသာ ထုတ်ပြန်ခဲ့သည်ဟု သိရသည်။ ထို့ကြောင့် ငွေကြေးနှင့် ကူညီ ကယ်ဆယ်ရေးကိရိယာများသည် ၄၈ နာရီအတွင်း ရောက်ရှိလာမည်ဖြစ်သည်။ တရုတ်နိုင်ငံ၏ တောင်တန်း ထူထပ်သောဒေသများ၊ ကျေးလက်ဒေသများသည် အထူးသဖြင့် မိုးများသည်းသည်းထန်ထန် ရွာသွန်းပြီးချိန် တွင် မြေပြိုမှုအန္တရာယ်နှင့် မကြာခဏ ကြုံရ လေ့ရှိသည်။ ဇွန်လနှင့် သြဂုတ်လအတွင်းကလည်းနိုင်ငံ အနောက်တောင်ပိုင်းမှာပင် ရှိသည့် စီချွမ် ပြည်နယ်တွင် မြေပြိုမှုကြီးများ ဖြစ်ပွားခဲ့ရာ သေဆုံးသူ ၃၀ ကျော်ရှိပြီး ပျောက်ဆုံးနေသေးသူ အမြောက်အမြား ရှိနေဆဲ ဖြစ်သည်။
