<

ဆွီဒင်ပရိဘောဂလုပ်ငန်းကြီး IKEA က အိန္ဒိယတွင် ပထမဆုံးလက်လီစတိုး ဖွင့်လှစ်

သြဂုတ် ၉ ရက်တွင် အိန္ဒိယနိုင်ငံ ဟိုက်ဒရာဘတ်၌ IKEA ၏ ပထမဆုံးစတိုးတွင် ၀ယ်ယူသူများအား တွေ့ရစဉ် (Photo: AP)

ဆွီဒင်အိမ်ထောင်ပရိဘောဂလုပ်ငန်းကြီး IKEA က အိန္ဒိယတွင် ၎င်း၏ ပထမဆုံး လက်လီစတိုးကို သြဂုတ် ၉ ရက်၌ ဖွင့်လှစ်ခဲ့ပြီး ဖောက်သည်ရာပေါင်းများစွာအား တီးဝိုင်းဖျော်ဖြေမှုများနှင့် ကြိုဆိုခဲ့သည်။ အိန္ဒိယ နိုင်ငံ၏လက်လီကဏ္ဍတွင် ပြည်ပကုန်အမှတ်တံဆိပ်တစ်ခုတည်းဖြင့် ရင်းနှီးမြှုပ်နှံရန် မကြာသေးမီက အတည်ပြုချက်ရရှိခဲ့ပြီးနောက် ငါးနှစ်အကြာတွင် IKEA က ပထမဆုံးစတိုးကို ဖွင့်လှစ်ခဲ့ခြင်းဖြစ်သည်။

အိန္ဒိယ၏ သတင်းအချက်အလက်နည်းပညာဗဟိုချက်ဖြစ်သော နိုင်ငံတောင်ပိုင်းရှိ ဟိုက်ဒရာဘတ်မြို့တွင် ဖွင့်လှစ်ခဲ့သည့်ထို စတိုးသည် ၁၃ ဧက (ငါးဟက်တာ) အကျယ် အ၀န်းတွင် ဖြန့်ကြက်တည်ရှိနေသည်။

IKEA ကုမ္ပဏီသည် ပြီးခဲ့သော ဆယ်စုနှစ် သုံးခုကျော်က ကုန်ပစ္စည်းများစတင်ပေးပို့ခဲ့ပြီးနောက် အိန္ဒိယနှင့် စတင်ပတ်သက်ခဲ့ကြောင်း IKEA Group စီအီးအို ဂျက်စ်ပါဘရိုဒင်က ပြောကြားခဲ့သည်။ ၎င်းတို့အတွက် အရေးကြီးသော ဈေးကွက်တစ်ခုဖြစ်သည့် အိန္ဒိယအတွက် ၎င်းတို့တွင် ရေရှည်ကတိက၀တ်ပြုမှုများရှိကြောင်း ဘရိုဒင်က ပြောကြားခဲ့သည်ဟု Press Trust of India သတင်း အေဂျင်စီက ထုတ်ပြန်ခဲ့သည်။ အတိတ်ကာ လတွင်မူ မရေရာမှုများကြောင့် လုပ်ငန်းတိုးချဲ့မည့် အစီအစဉ်များသည် ရပ်ဆိုင်းခဲ့ဖူးကြောင်း ဘရိုဒင်က ပြောကြားခဲ့သည်။

ထိုကုမ္ပဏီတွင် တစ်နေရာတည်း၌ ကုန်ပစ္စည်းမျိုးစုံကို ၀ယ်ယူရရှိနိုင်မှုက အိန္ဒိယတွင် အားသာချက်တစ်ရပ်ဖြစ်ခဲ့သည်။ အိန္ဒိယပရိဘောဂဈေးကွက်သည် အများစုအားဖြင့် စနစ်တကျမရှိဘဲ ပြန့်ကြဲနေခဲ့ပြီး အသေးစားနှင့် အလယ်အလတ်စီးပွားရေး လုပ်ငန်းများသာ ရှိနေသည်။ IKEA ၏ အိန္ဒိယစတိုးတွင် ဈေးနှုန်းများသည် အိန္ဒိယ ဈေးကွက်နှင့် သဟဇာတဖြစ်စေရန် အခြား ဒေသတွင်း ဈေးကွက်များထက် ပိုမိုသက်သာစေရန် ပြုလုပ်ထားပြီး ကုန်ပစ္စည်း အမျိုးအစား ၁၀၀၀ သည် ရူပီး ၂၀၀ (၂ ဒသမ ၉၁ ဒေါ်လာ) အောက် သတ်မှတ်ထားကြောင်း ရိုက်တာက ဖော်ပြခဲ့သည်။

IKEA သည် အိန္ဒိယတွင် ဒေါ်လာ ၅ ဒသမ ၂ ဘီလျံ (ယူရို ၄ ဒသမ ၅ ဘီလျံ)  ရင်းနှီးမြှုပ်နှံထားပြီးဖြစ်ကြောင်း၊ ကုမ္ပဏီက အခြားမြို့သစ်များတွင် ထပ်မံဖွင့်လှစ်မှုနှင့် အွန်လိုင်း ကူးသန်းရောင်းဝယ်ရေးသို့ ကူး ပြောင်းချိန်တွင် ရင်းနှီးမြှုပ်နှံမှု ဆက်လက် လုပ်ဆောင်သွားမည်ဖြစ်ကြောင်း CNBC သတင်းဌာနက ဖော်ပြခဲ့သည်။

IKEA သည် လာမည့်နှစ်နွေရာသီ၌ မွမ်ဘိုင်းတွင်လည်းကောင်း၊ ၂၀၂၀ ပြည့်နှစ်တွင် ဘန်ဂလို၌လည်းကောင်း စတိုးဆိုင်သစ်များ အပါအ၀င် အိန္ဒိယတွင် ၂၀၂၅ ခုနှစ် မတိုင်မီ စတိုး ၂၅ ဆိုင်ထပ်မံဖွင့်လှစ်ရန် စီစဉ်ထားသည်။ လတ်တလောတွင် လူပေါင်း ၉၅၀ အား အလုပ်ပေးထားပြီး လုပ်ငန်းတိုးချဲ့ပါက နောက်ထပ်လူ ၁၅၀၀၀ ခန့်ကို ငှားရမ်းရန်လည်း စီစဉ်ထားကြောင်း IKEA က ထုတ်ပြန်ခဲ့သည်။

အိန္ဒိယစီးပွားရေးသည် တစ်နှစ်လျှင် ခုနစ်ရာခိုင်နှုန်းခန့်ဖြင့် တိုးတက်နေခဲ့သည်။ ၎င်း၏ လက်လီကဏ္ဍသည် လယ်ယာစိုက်ပျိုးရေး ကဏ္ဍပြီးလျှင် အလုပ်အကိုင်ဖန်တီးပေးနိုင်မှု ဒုတိယမြောက်အများဆုံးဖြစ်သည်။

သို့သော် နိုင်ငံစုံကုမ္ပဏီကြီးများက လည်ပတ်သော ဧရာမလက်လီစတိုးဆိုင်များကြောင့် နိုင်ငံတစ်ဝန်းရှိ ထောင်ပေါင်းများစွာသော အသေးစားလုပ်ငန်းများ ပိတ်သိမ်းသွားစေမည်ကို ကုန်သည်ငယ်များက စိုးရိမ် နေကြသည်။

August 10, 2018














Copy Protected by Chetan's WP-Copyprotect.