<

ဘရာဇီးသမ္မတဟောင်း လူလာက ထောင်ထဲမှနေ၍ ပါတီကိုယ်စားပြုသမ္မတလောင်းအဖြစ် ရွေးချယ်ခံနိုင်ရန် ကြိုးပမ်း

မတ် ၁၆ ရက်တွင် ဘရာဇီးနိုင်ငံ ဘာဟီယာပြည်နယ်၌ ကမ္ဘာ့ဒီမိုကရေစီညီလာခံတွင် သမ္မတဟောင်း လူလာ (လယ်) က စကားပြောနေစဉ် (Photo: AFP)

ထောင်ထဲသို့ ရောက်နေသော်လည်း ဘရာဇီးသမ္မတဟောင်း လူးဝစ်အင်နာစီယို လူလာဒါဆေးဗားသည် သြဂုတ် ၄ ရက်တွင် ၎င်း၏ လက်ဝဲယိမ်းပါတီကိုယ်စားပြု သမ္မတလောင်းအဖြစ် ရွေးချယ်ခံရရန် ကြိုးပမ်းမည်ဖြစ်ပြီး ဆယ်စုနှစ်များစွာအတွင်း ခန့်မှန်းရန် အခက်အခဲဆုံး ဘရာဇီးသမ္မတရွေးကောက်ပွဲတွင် ကိုယ်စားလှယ်လောင်း ဖြစ်နိုင်ခြေရှိသူများကို  ဆက်လက်အရိပ်မိုးနေမည်ဖြစ်သည်။

လက်တင်အမေရိက၏ အကြီးဆုံးစီးပွားရေး ဘရာဇီးနိုင်ငံတွင် အောက်တိုဘာ ၇ ရက်၌ သမ္မတရွေးကောက်ပွဲ ပထမအကျော့ မကျင်းပမီ နှစ်လခန့်အလိုတွင် သြဂုတ် ၄ ရက်၌ ပါတီကြီးသုံးခုက ညီလာခံများ ကျင်းပကြမည်ဖြစ်သည်။

ဗဟိုလက်ဝဲယိမ်းဝါဒီ သဘာဝပတ်ဝန်းကျင်ထိန်းသိမ်းရေး လှုံ့ဆော်သူ မာရီနာဆေးဗားသည် ဘရာစီလီယာမြို့တွင် ၎င်း၏ Rede ပါတီအတွက် သမ္မတလောင်းအဖြစ် ရွေးချယ်ခံရမည်ဖြစ်သည်။ ဆော်ပေါ်လို အုပ်ချုပ်ရေးမှူးဟောင်းနှင့် အစဉ်အလာ ၀ါဒီသြဇာကြီးမားသူ Geraldo Alckmin ကလည်း ၎င်း၏ ဗဟိုလက်ယာယိမ်းဘရာဇီး ဆိုရှယ်ဒီမိုကရက်တစ်ပါတီ သို့မဟုတ် PSDB အတွက် ကိုယ်စားလှယ်လောင်းအဖြစ် ရွေးချယ်ခံရမည်ဖြစ်သည်။

ဆေးဗားနှင့် Alckmin  နှစ်ဦးစလုံးသည် အငြင်းပွားဖွယ်ရာ လက်ယာစွန်းရောက် ၀ါဒီ Jair Bolsonaro ကို ယှဉ်ပြိုင်မှုတွင် အားကောင်းသော ပြိုင်ဘက်များဖြစ်နေချိန်၌ ဆော်ပေါ်လိုတွင် ကျင်းပမည့် တတိယမြောက် ညီလာခံသည် အလွန်အမင်းစိတ်ဝင်စားစရာကောင်းနေခဲ့သည်။ လူလာကိုယ်တိုင် ထူထောင်ခဲ့သော အလုပ်သမားပါတီက ၎င်းအား သမ္မတအဖြစ် တတိယအကြိမ် ထမ်းဆောင်နိုင်ရန် ပါတီကိုယ်စားပြုသမ္မတလောင်းအဖြစ် ရွေးချယ်မည်ဖြစ်သည်။

အကျင့်ပျက်ခြစားမှု စွဲချက်အတွက် ယခုနှစ်အတွင်း ထောင်ဒဏ် ၁၂ နှစ်စတင် ကျခံနေရပြီး ရွေးကောက်ပွဲတွင် ယှဉ်ပြိုင်မှုမှ ပိတ်ပင်ခံရနိုင်ခြေရှိသော်လည်း လူလာသည် ဘရာဇီးနိုင်ငံရေးတွင် မေးခွန်းထုတ်စရာမလိုသော သြဇာအကြီးမားဆုံး ပုဂ္ဂိုလ် ဖြစ်နေဆဲဖြစ်သည်။ သဘောထား စစ်တမ်းများတွင် ဖော်ပြမှုများအရ လူလာသည် သမ္မတရွေးကောက်ပွဲ ပထမအကျော့တွင် အခြားအဓိက ကိုယ်စားလှယ်လောင်းအားလုံးထက် ထောက်ခံမှု နှစ်ဆနီးပါးပိုမိုရရှိနေပြီး နှစ်ပတ်အကြာတွင် ကျင်းပမည့် ဒုတိယ အကျော့ရွေးကောက်ပွဲ၌ မည်သည့်ပြိုင်ဘက်ကိုမဆို အနိုင်ရနိုင်ကြောင်း ဖော်ပြနေသည်။

၂၀၀၃ ခုနှစ်မှ ၂၀၁၁ ခုနှစ်အထိ ဘရာဇီးသမ္မတအဖြစ် သက်တမ်းနှစ်ကြိမ် ထမ်းဆောင်ခဲ့သည့် လူလာသည် ရွေးကောက်ပွဲ၌ ၀င်ရောက်ယှဉ်ပြိုင်ခွင့် ရနိုင်ခြင်း ရှိ၊ မရှိအတွက် တရားရုံး၏ နောက်ဆုံးစီရင်ချက်ကို စောင့်ဆိုင်းနေသည်။ လက်ရှိ ဥပဒေ အရ ပြစ်မှုဆိုင်ရာ စီရင်ချက်တစ်ခုအားအယူ ခံဝင်မှုတွင် ရှုံးနိမ့်သူသည် ရွေးကောက်ပွဲ၌ ၀င်ရောက်ယှဉ်ပြိုင်ခွင့်အား ပိတ်ပင်ခံရမည် ဖြစ်သည်။

သြဂုတ် ၄ ရက်တွင် နောက်ထပ် အနီးကပ်စောင့်ကြည့်ခံရမှုမှာ ဒုတိယသမ္မတ ကိုယ်စားလှယ်လောင်းအား ရွေးချယ်မှုဖြစ်သည်။ ထိုကိုယ်စားလှယ်လောင်းသည် နောက်ဆုံးတွင် ထောင်ဒဏ်ကျခံနေရသည့် လူလာနေရာကို အစားဝင်နိုင်သူဖြစ်လာမည် ဖြစ်သည်။ လူလာ၏ ဥပဒေအဖွဲ့တွင် ပါဝင်ခဲ့သူဖြစ်သည့် သြဇာကြီးနိုင်ငံရေးသမားနှင့် ဆော်ပေါ်လို မြို့တော်ဝန်ဟောင်း ဖာနန်ဒို ဟက်ဒက်သည် လူလာနေရာအစားထိုးနိုင်ရန် ရေပန်းစားနေသည်။

 

 

August 4, 2018














Copy Protected by Chetan's WP-Copyprotect.