<

ထိုင်းဂူထဲမှ ပိတ်မိနေသူများအား စောင့်ရှောက်ခဲ့သည့် သြစတြေးလျဆရာဝန် ဂူအပြင်သို့အရောက်တွင် ဖခင်၏နာရေးသတင်း ကြုံခဲ့ရ

ထိုင်းဂူထဲတွင် ပိတ်မိနေသူများ၏ ကျန်းမာရေးကို စောင့်ကြည့်စစ်ဆေးပေးခဲ့သည့် သြစတြေးလျဆရာဝန် ရစ်ချက်ဟာရစ် (Photo: ABC News)

ထိုင်းနိုင်ငံမြောက်ပိုင်းတွင် ဂူထဲ၌ ပိတ်မိနေသည့်အဖွဲ့အား စောင့်ရှောက်ခဲ့သည့် သြစတြေးလျဆရာဝန်တစ်ဦးသည် ထိုပိတ်မိအဖွဲ့အား ကယ်ထုတ်မှုပြီးစီးချိန်တွင် ဂူပြင်သို့ ထွက်လာချိန်၌ ၎င်းင်း၏ဖခင် နာရေးသတင်းကို ကြားခဲ့ရသည်။ လူငယ်ဘောလုံးအဖွဲ့အား အံ့အားသင့်ဖွယ် ကယ်ထုတ်နိုင်မှုတွင် ကူညီပေးရန် ကျွမ်းကျင်ပညာရှင်များက အထူးအကူအညီ တောင်းခံခဲ့ကြသည့် ကမ္ဘာတွင် ထင်ရှားသောဆရာဝန်နှင့် ရေငုပ်သမားလည်းဖြစ်သည့် ရစ်ချက်ဟာရစ်သည် ရေလွှမ်းနေသောဂူထဲမှ ကလေးများအား ကယ်တင်မှုတွင် ဇူလိုင် ၁၀ ရက်၌ ဂူပြင်သို့ နောက်ဆုံးထွက်လာခဲ့သူလည်း ဖြစ်သည်။

ကမ္ဘာတစ်ဝန်း လိုဏ်ဂူထဲ၌ ရေငုပ်သူ အသိုင်းအ၀ိုင်းတွင် ဟာရီဟုလည်း လူသိများသော ဟာရစ်သည် အားလပ်ရက်ခရီးစဉ်အား ဖျက်သိမ်းပြီး Tham Luang ဂူထဲမှ ပိတ်မိနေသူများအား ကယ်ဆယ်ရန် နိုင်ငံတကာအဖွဲ့က ကူညီမှုတွင် တစ်စိတ်တစ်ပိုင်း ပါဝင်ရန် ထိုင်းမြောက်ပိုင်းသို့ သွားရောက်ခဲ့ခြင်း ဖြစ်သည်။ ထိုပိတ်မိနေသူများအား ဂူထဲ၌ အသက်ရှင်လျက် ရှာဖွေတွေ့ရှိခဲ့ပြီးနောက် ၎င်းတို့၏ကျန်းမာရေး အခြေအနေကို စောင့်ကြည့်စစ်ဆေးပေးရန် ဟာရစ်သည် ရေလွှမ်းနေသောဂူထဲသို့ လေးကီလိုမီတာ (၂ ဒသမ ၂ မိုင်) အထိ အန္တရာယ်ကို ရင်ဆိုင်လျက် နေ့စဉ်သွားရောက်ခဲ့ကြောင်း၊ ထိုပိတ်မိနေသူများအား ကယ်ထုတ်ရန်အတွက် လုံလောက်သော ကြံ့ခိုင်မှု ရှိ မရှိကိုလည်း ဟာရစ်က နောက်ဆုံး အတည်ပြုပေးခဲ့ကြောင်း သြစတြေးလျမီဒီယာက ဖော်ပြခဲ့သည်။

ဂူထဲတွင် ၁၈ ရက်ကြာ ပိတ်မိနေခဲ့ပြီးနောက် ဇူလိုင် ၁၀ ရက်၌ ပိတ်မိနေသူအားလုံးကို ထိုင်းရေတပ်ရေငုပ်သမားများနှင့် အပြည်ပြည်ဆိုင်ရာ ရေငုပ်သမားများအဖွဲ့က ဘေးကင်းစွာ ကယ်ထုတ်သွားနိုင်ရန်အတွက် အစီအစဉ်ကို ဆုံးဖြတ်ခဲ့သူမှာလည်း ဟာရစ်ဖြစ်သည်ဟု သြစတြေးလျရုပ်သံ ABC က ဖော်ပြခဲ့သည်။ ကယ်ထုတ်လာခဲ့သူများအား ဆေးရုံသို့ပို့ဆောင်နေစဉ် ဇူလိုင် ၁၀ ရက်တွင် ချင်းရိုင်ပြည်နယ်ရှိ ထိုဂူထဲမှ နောက်ဆုံးထွက်လာသူသည် အဖွဲ့ဝင် ၂၀ ပါသော သြစတြေးလျကယ်ဆယ်ရေးအဖွဲ့မှ ဟာရစ်ဖြစ်ကြောင်းကို သိရှိခဲ့ကြောင်း သြစတြေးလျ နိုင်ငံခြားရေးဝန်ကြီး ဂျူလီဘစ်ရှော့က ပြောကြားခဲ့သည်။

ပိတ်မိနေသူအားလုံးကို ဘေးကင်းစွာ ကယ်ထုတ်နိုင်မှုသည် ပျော်ရွှင်မှုဖြင့် အဆုံးသတ်ခဲ့သော်လည်း Adelaide အခြေစိုက် မေ့ဆေးဆရာဝန် ဟာရစ်အတွက်မူ ဖခင်ဖြစ်သူ ကွယ်လွန်ကြောင်း ကြားသိခဲ့ရသည့်အတွက် ၀မ်းနည်းစရာသတင်းဖြစ်ခဲ့သည်။ ထိုင်းတွင် ကယ်ဆယ်ရေးကို အောင်မြင်စွာ လုပ်ဆောင်နိုင်ခဲ့ပြီးနောက် ခဏအကြာတွင် ဟာရီ၏ဖခင်ဖြစ်သူ ကွယ်လွန်ခဲ့ကြောင်း ဟာရစ် လုပ်ကိုင်နေသော SAAS MedSTAR မှ တာဝန်ရှိသူ အင်ဒရူးပီးယားက အတည်ပြုခဲ့သည်။ ဟာရစ်၏ဖခင် ကွယ်လွန်ရသည့် အကြောင်းရင်းအား ရှင်းရှင်းလင်းလင်း မသိရသေးသော်လည်း ၎င်းသည် သားဖြစ်သူက ကယ်ဆယ်ရေးအတွက် ထွက်ခွာသွားချိန်တွင်မူ နေကောင်းနေခဲ့ကြောင်း ပီးယားက ပြောကြားခဲ့သည်။ ဂူထဲတွင် ပိတ်မိနေသူများအား စောင့်ရှောက်မှုပေးခဲ့သည့် ဟာရစ်နှင့် ထိုင်းရေတပ် ရေငုပ်သမားလေးဦးတို့သည် ကြီးကျယ်သော သူရဲကောင်းများဖြစ်ကြောင်း သြစတြေးလျဝန်ကြီးချုပ် မယ်ကွန်တန်ဘူးက ဇူလိုင် ၁၁ ရက်တွင် ဂုဏ်ပြုခဲ့သည်။

Ref: AFP

July 11, 2018














Copy Protected by Chetan's WP-Copyprotect.