<

ဂျပန်က ပြန်လည်ပြည့်ဖြိုးမြဲ စွမ်းအင်အသုံးပြုမှုကို ၂၄ ရာခိုင်နှုန်းအထိ တိုးမြှင့်သွားမည်

၂၀၁၇ ခုနှစ် မေ ၁၇ ရက်က ဖူကူအိစီရင်စုတွင် Kansai လျှပ်စစ်စွမ်းအင်ကုမ္ပဏီ၏ တာကာဟာမာနျူကလီးယားစက်ရုံကို တွေ့ရစဉ် (Photo: AFP)

ဂျပန်အစိုးရ၏ အစီအစဉ်သစ်အရ ပြန်လည်ပြည့်ဖြိုးမြဲ အရင်းအမြစ်များမှ ရရှိသော စွမ်းအင်ပမာဏကို တော်သင့်ရုံပမာဏ တိုးမြှင့်ကာ လေးပုံတစ်ပုံဝန်းကျင် ထားရှိမည်ဟု ဇူလိုင် ၃ ရက်က ထုတ်ပြန်ချက်တွင် ဖော်ပြခဲ့သည်။ သို့သော် နိုင်ငံ့မူဝါဒ၏ ဗဟိုချက်တွင် နျူကလီးယားစွမ်းအင်ကို ဆက်လက်ထားရှိသွားဦးမည်ဟု သိရသည်။

ယခုအစီအစဉ်သစ်အရ ၂၀၃၀ ပြည့်နှစ်တွင် ဂျပန်၏ စွမ်းအင်သုံးစွဲမှုကို လေနှင့် နေစွမ်းအင် အပါအ၀င် ပြန်လည်ပြည့်ဖြိုးမြဲ ရင်းမြစ်များမှ ၂၂ မှ ၂၄ ရာခိုင်နှုန်းအထိ သုံးစွဲရန် ရည်ရွယ်ထားသည်။ လက်ရှိဂျပန်တွင် ပြန်လည်ပြည့်ဖြိုးမြဲ ရင်းမြစ်တို့မှ စွမ်းအင်ထုတ်ယူ အသုံးပြုမှုသည် ၁၅ ရာခိုင်နှုန်းဝန်းကျင်ရှိသဖြင့် ဝေဖန်သူများက ထူးခြားမှုမရှိဟု ဆိုနေကြသည်။ ဂျပန်နိုင်ငံခြားရေးဝန်ကြီး ကိုယ်တိုင်ကပင် ထိုရည်မှန်းချက်သည် သိသိသာသာ နိမ့်ကျနေသည်ဟု ယခုနှစ်အစောပိုင်းက ပြောကြားခဲ့ပြီး ပြန်လည် ပြည့်ဖြိုးမြဲ စွမ်းအင်အသုံးပြုမှုအပေါ် နိုင်ငံ၏ နစ်မြှုပ်လုပ်ဆောင်မှုမှာ ၀မ်းနည်းစရာဖြစ်သည်ဟု ပြောကြားခဲ့သည်။

ဥရောပသမဂ္ဂမှာမူ ၂၀၃၀ ပြည့်နှစ်တွင် ပြန်လည်ပြည့်ဖြိုးမြဲစွမ်းအင် အသုံးပြုမှုကို ၃၂ ရာခိုင်နှုန်းအထိ မြှင့်တင်ရန် ယခုလအတွင်း သဘောတူညီချက် ရရှိခဲ့သည်။

၂၀၃၀ ပြည့်နှစ်တွင် နိုင်ငံ၏ စွမ်းအင်လိုအပ်မှုအတွက် နျူကလီးယားစွမ်းအင်မှ ရာခိုင်နှုန်း ၂၀ ထက်မနည်း ပံ့ပိုးသွားရန် ဂျပန်၏မူဝါဒတွင် ရည်မှန်းထားသည်။ ၂၀၁၁ ခုနှစ် ဖူကူရှီမားနျူကလီးယား ဘေးအန္တရာယ်ကြောင့် ပြည်သူတို့က နျူကလီးယား အသုံးပြုမှုအပေါ် နက်နက်ရှိုင်းရှိုင်း စိုးရိမ်နေကြသည့်ကြားမှ အစိုးရသည် နျူစွမ်းအင်ကို ဆက်လက်အဓိကထား သုံးစွဲရန် စီစဉ်နေခြင်း ဖြစ်သည်။

သို့သော် ဂျပန်အစိုးရက နျူကလီးယား စွမ်းအင်သည်လည်း ကာဗွန်ဓာတ်ငွေ့ ထုတ်လွှတ်မှုကင်းစင်သည့် စွမ်းအင်အရင်းအမြစ်ဖြစ်ပြီး ရာသီဥတုပြောင်းလဲမှုနှင့် ပတ်သက်၍ နိုင်ငံ၏ ဆုံးဖြတ်ချက်များကိုလည်း ကူညီစေနိုင်သည်ဟု ကာကွယ် ပြောကြားခဲ့သည်။

မည်သို့ပင်ဖြစ်စေ ဝေဖန်သူများက အစိုးရသည် ပြန်လည်ပြည့်ဖြိုးမြဲစွမ်းအင်ကို အလားအလာရှိသော ရွေးချယ်မှုတစ်ခုအဖြစ် တွန်းအားပေးလုပ်ဆောင်ရန် အားစိုက်ထုတ်မှုမှာ နည်းပါးလွန်းသည်ဟု ပြောနေကြသည်။

လက်ရှိ ဂျပန်နိုင်ငံတွင် အသုံးပြုနေသော စွမ်းအင်များ၏ ရာခိုင်နှုန်း ၉၀ ၀န်းကျင်မှာ တွင်းထွက်လောင်စာများမှဖြစ်သည်။ အစိုးရ အစီအစဉ်သစ်တွင်မူ ထိုပမာဏကို ထက်ဝက်လျှော့ချရန် ဆော်သြထားသည်။

ဂျပန်တွင် ဖူကူရှီးမား ဘေးအန္တရာယ် ဖြစ်ပွားပြီးကတည်းက တွင်းထွက်လောင်စာ အသုံးပြုမှု မြင့်တက်လာခြင်းဖြစ်သည်။ ဖူကူရှီးမားဖြစ်စဉ်အပေါ် ပြည်သူတို့၏ ဒေါသထွက်မှုကြောင့် နိုင်ငံတစ်ဝန်းရှိ နျူကလီးယား ဓာတ်ပေါင်းဖိုများအားလုံးကို ရပ်ဆိုင်းလိုက်ရသည်။

လက်ရှိအချိန်တွင် ပြန်လည်လည်ပတ်နေသည့် နျူဓာတ်ပေါင်းဖိုမှာ ခြောက်ခုရှိသည်။ ယင်းဓာတ်ပေါင်းဖိုများသည် ပြည်သူများ၏ ကန့်ကွက်မှုများနှင့် ကြုံနေရသော်လည်း နိုင်ငံရေးပိုင်းက ယင်းကဏ္ဍကို ပံ့ပိုးမှုများ ရှိနေသည်။ ဖူကူရှီးမား နျူကလီးယား စက်ရုံကို လည်ပတ်ခဲ့သော ဂျပန်လုပ်ငန်း TEPCO သည် နိုင်ငံမြောက်ပိုင်းတွင် နျူကလီးယားစက်ရုံသစ်တစ်ခုကို ဆောက်လုပ်ရေး လုပ်ငန်းများအား ပြန်စရန်အသင့်ဖြစ်နေကြောင်း ပြီးခဲ့သည့် သီတင်းပတ်ကပင် အချက်ပြခဲ့သေးသည်။

Ref: AFP

July 4, 2018














Copy Protected by Chetan's WP-Copyprotect.