<

ဟာလေဒေးဗစ်ဆင်က ၎င်း၏ ထုတ်လုပ်ရေးလုပ်ငန်းအချို့ကို ပြည်ပသို့ ရွှေ့ပြောင်းရန် စီစဉ်နေ

ဇွန် ၂၅ ရက်က နယူးယောက်စီးတီးရှိ ဟာလေဒေးဗစ်ဆင်အရောင်းပြခန်းတစ်ခု၌ ဟာလေဒေးဗစ်ဆင် ဆိုင်ကယ်များကို တွေ့ရစဉ် (Photo – AP)

ပြီးခဲ့သော သီတင်းပတ်တွင် ဥရောပသမဂ္ဂ၏ သွင်းကုန်ခွန်စည်းကြပ်မှုအား လက်တုံ့ပြန်ခံရမှုမှ ရှောင်လွှဲနိုင်ရန် ဟာလေဒေး ဗစ်ဆင်က ၎င်း၏ အထင်ကရ မော်တော်ဆိုင်ကယ်ထုတ်လုပ်သည့် လုပ်ငန်းအချို့ကို ပြည်ပသို့ ရွှေ့ပြောင်းရန် စီစဉ်နေကြောင်း ကုမ္ပဏီက ဇွန် ၂၅ ရက်တွင် ထုတ်ပြန်ခဲ့သည်။ အမေရိကန်သမ္မတ ဒေါ်နယ်ထရန့်က သွင်းကုန်စည်းကြပ်ခွန်များ ပြဋ္ဌာန်းခဲ့ပြီးနောက် သံမဏိ ဈေးနှုန်းများ မြင့်တက်လာခဲ့မှု၏ ရိုက်ခတ်မှုကို ၁၉၉၀ ပြည့်လွန်နှစ် အစောပိုင်းတွင် ထူထောင်ခဲ့သည့် ဟာလေဒေးဗစ်ဆင်ကုမ္ပဏီလည်း ခံစားနေရချိန်တွင် ထိုကြေညာချက် ထွက်လာခဲ့ခြင်းဖြစ်သည်။ ၎င်း၏ သမ္မတသက်တမ်း အစောပိုင်းကာလများတွင် ဟာလေဒေးဗစ်ဆင်ကို အမေရိကန်အမှတ် သင်္ကေတ စက်မှုလုပ်ငန်းအဖြစ် ချီးကျူးခဲ့သည့် ထရန့်က ထိုဆုံးဖြတ်ချက်ကို စိတ်ပျက်ခဲ့သည်။

ဥရောပသမဂ္ဂက အမေရိကန်မော်တော်ဆိုင်ကယ်များကို ယခင်က သွင်းကုန်ခွန် ခြောက်ရာခိုင်နှုန်းမှ ဇွန် ၂၂ ရက်တွင် ၃၁ ရာခိုင်နှုန်းအထိ တိုးမြှင့်ကောက်ခံခဲ့ပြီးနောက် ၎င်းတို့တွင် ရွေးချယ်စရာမရှိခဲ့ကြောင်း ဟာလေဒေးဗစ်ဆင်က ထုတ်ပြန်ခဲ့သည်။ ထရန့်က ဥရောပသမဂ္ဂမှ အလူမီနီယံနှင့် သံမဏိ သွင်းကုန်များအား စည်းကြပ်ခွန်များ ချမှတ်မှုကို တုံ့ပြန်မှုတစ်စိတ်တစ်ပိုင်းအဖြစ် ဥရောပသမဂ္ဂကလည်း အမေရိကန်  ထုတ်ယာဉ်များကို ပစ်မှတ်ထားခဲ့သည်။

ပြည်ပသို့ ထုတ်လုပ်ရေးလုပ်ငန်းများ ရွှေ့ပြောင်းမှုသည် အချိန်ကိုးလမှ ၁၁ လအထိ ကြာမြင့်နိုင်သောကြောင့် ရေတိုတွင် ဟာလေဒေးဗစ်ဆင်သည် ဥရောပသမဂ္ဂ၏ သွင်းကုန်စည်းကြပ်ခွန်များ ချမှတ်မှုကိုမူ ခံစားရမည်ဖြစ်ပြီး တစ်နှစ်လျှင် ဒေါ်လာသန်း ၉၀ မှ သန်း ၁၀၀ အထိ ပေးဆောင်ရနိုင်ကြောင်း  ကုမ္ပဏီက ခန့်မှန်းခဲ့သည်။

လာမည့် ဇူလိုင်အစောပိုင်းတွင် ဒုတိယ သုံးလပတ်ဝင်ငွေ ရှာဖွေသည့် ကာလစတင်ချိန်တွင် ကုန်သွယ်ရေးသွင်းကုန်ခွန်များ စည်းကြပ်နေမှုများကြောင့် ကုမ္ပဏီများက ထုတ်လုပ်ရေးလုပ်ငန်းများ သို့မဟုတ် ဖြန့်ဖြူးရေးလုပ်ငန်းအချို့တို့ကို ရွှေ့ပြောင်းမှုများ ထပ်မံပြုလုပ်နိုင်ကြောင်း လေ့လာသူအချို့က သုံးသပ်ခဲ့ကြသည်။

ဟာလေဒေးဗစ်ဆင်သည် လတ်တလောတွင် သြစတြေးလျ၊ ဘရာဇီးနှင့် အိန္ဒိယတို့တွင် ပြည်ပထုတ်လုပ်ရေးစက်ရုံများ ရှိထားပြီး ထိုင်းတွင် စက်ရုံတစ်ရုံ တည်ဆောက်နေသည်။ နောက်ထပ် ထုတ်လုပ်ရေးစက်ရုံများကို မည်သည့်နေရာတွင် တည်ဆောက်မည်ကို ဟာလေဒေးဗစ်ဆင်က မထုတ်ပြန်ခဲ့ပေ။

ဟာလေဒေးဗစ်ဆင်၏ ထိုဆုံးဖြတ်ချက်နှင့်ပတ်သက်၍ ရီပတ်ဘလီကင်အထက် လွှတ်တော်အမတ် ဘင်ဆက်ဆီက ထရန့်ကိုသာ အပြစ်တင်ခဲ့သည်။ လူငယ်သုံးစွဲသူများက မော်တော်ဆိုင်ကယ်ကြီးများအား စိတ်ဝင်စားမှုနည်းပါးနေသည့် အမေရိကန်တွင် ရောင်းလိုအားကျဆင်းနေမှုကို ထေနိုင်ရန် ဟာလေဒေးဗစ်ဆင်သည် ဥရောပနှင့် အခြားအပြည်ပြည်ဆိုင်ရာ ဈေးကွက်များကို မှီခိုထားရသည်။ ယခုနှစ် ပထမသုံးလပတ်တွင် ဟာလေဒေးဗစ်ဆင်သည် အမေရိကန်၌ မော်တော်ဆိုင်ကယ် လက်လီရောင်းချရမှု ၁၂ ရာခိုင်နှုန်းကျဆင်းခဲ့ပြီး ဥရောပ၊ အရှေ့ အလယ်ပိုင်းနှင့် အာဖရိကဈေးကွက်တို့၌မူ ရောင်းလိုအား ခုနစ်ရာခိုင်နှုန်းနီးပါး မြင့်တက်ခဲ့ကြောင်း ထုတ်ပြန်ခဲ့သည်။

Ref ; AFP

June 26, 2018














Copy Protected by Chetan's WP-Copyprotect.