<

သမိုင်းဝင်ထိပ်သီးအပြီး ထရန့်က တောင်ကိုရီးယားနှင့် ပူးတွဲစစ်ရေးလေ့ကျင့်မှုကို ရပ်ဆိုင်းမည်ဟု ကြေညာ

ဇွန် ၁၂ ရက်က သမိုင်းဝင်ထိပ်သီးအပြီး အမေရိကန်သမ္မတထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့ လက်ဆွဲနှုတ်ဆက်နေစဉ် (Photo : AFP)

အမေရိကန်သမ္မတ ဒေါ်နယ်ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့သည် ဇွန် ၁၂ ရက်တွင် စင်ကာပူ၌ သမိုင်းဝင်ထိပ်သီး ကျင်းပခဲ့ပြီးနောက် ထရန့်က အမေရိကန်နှင့် တောင်ကိုရီးယားအကြား ပူးတွဲစစ်ရေး လေ့ကျင့်မှုများအား ရပ်ဆိုင်းသွားမည်ဟု ကြေညာခဲ့သည်။ ၀ါရှင်တန်က ၎င်း၏ ရန်ဘက် မြောက်ကိုရီးယားအား လုံခြုံရေးဆိုင်ရာ အာမခံချက် ပေးသွားမည်ဟု ကတိပြုခဲ့ချိန်တွင် ကိုရီးယားကျွန်းဆွယ်၌ နျူကလီးယား ဖျက်သိမ်းရေးကို ဆောင်ရွက်သွားရန် ခေါင်းဆောင်နှစ်ဦးက ကတိပြုခဲ့ကြသည်။ နျူကလီးယား ဖျက်သိမ်းရေး လုပ်ငန်းစဉ်ကို အလွန့်အလွန် လျင်မြန်စွာ စတင်ရန် မျှော်လင့်ထားသည်ဟု ထရန့်က ပြောကြားခဲ့သည်။

အမေရိကန် နိုင်ငံခြားရေးဝန်ကြီး မိုက်ပွန်ပီယိုနှင့် မြောက်ကိုရီးယား တာဝန်ရှိသူများက နောက်ဆက်တွဲ ဆွေးနွေးမှုများကို အမြန်ဆုံး ပြုလုပ်သွားမည်ဖြစ်ကြောင်း ခေါင်းဆောင်နှစ်ဦး၏ ပူးတွဲကြေညာချက်တွင် ဖော်ပြခဲ့သည်။ ထိုလုပ်ငန်းစဉ်အား စိစစ်အတည်ပြု ခံရမည်ဖြစ်ပြီး စိစစ်အတည်ပြုမှုတွင် မြောက်ကိုရီးယားမှ လူအများအပြား ပါဝင်မည်ဖြစ်ကြောင်း ထရန့်က ပြောကြားခဲ့သည်။

ကင်ဂျုံအွန်က ခေါင်းဆောင်နှစ်ဦးသည် သမိုင်းဝင် တွေ့ဆုံခဲ့ကြပြီး အတိတ်ကို ချန်ထားရစ်ရန် ဆုံးဖြတ်ခဲ့ကြောင်း၊ ကမ္ဘာကြီးက ကြီးမားသော အပြောင်းအလဲ တစ်ရပ်ကို မြင်တွေ့ရမည်ဖြစ်ကြောင်း အစောပိုင်းတွင် ပြောကြားခဲ့သည်။ ဒုံးပစ်လွှတ်ရန်အတွက် အသုံးပြုသော အင်ဂျင်စမ်းသပ်သည့် အဓိကနေရာ တစ်ခုကို မြောက်ကိုရီးယားက ဖျက်ဆီးပစ်နေသည်ဟု ကင်က ပြောကြားခဲ့ကြောင်း၊ သို့သော် ပြုံယမ်းကို ချမှတ်ထားသော အပြည်ပြည်ဆိုင်ရာ ပိတ်ဆို့အရေးယူမှုများကို ယခုအချိန်တွင် ဆက်လက်ထားရှိဦးမည် ဖြစ်ကြောင်း ထရန့်က ပြောကြားခဲ့သည်။

တောင်ကိုရီးယားနှင့် ပူးတွဲစစ်ရေးလေ့ကျင့်မှုများ ရပ်ဆိုင်းခြင်းဖြင့် ၀ါရှင်တန်သည် ကုန်ကျမှု အလွန်အမင်း သက်သာစေမည် ဖြစ်ကြောင်း၊ အနာဂတ်၌ ညှိနှိုင်းဆွေးနွေးမှုများသည် ယခုပုံစံကဲ့သို့ မဖြစ်လာသည့်အချိန်ထိ ထိုရပ်ဆိုင်းမှုကို ပြင်ဆင်သွားမည် မဟုတ်ကြောင်း ထရန့်က ကတိပြုခဲ့သည်။

ထိုပူးတွဲကြေညာချက်တွင် စစ်ပွဲကာလက အကျဉ်းသားများ၏ ရုပ်အလောင်း အကြွင်းအကျန်များကို ပြန်လည် ဖော်ထုတ်ရန်လည်း သဘောတူခဲ့ကြသည်။ ထရန့်က ကင်နှင့် အလွန်ထူးခြားသော ဆက်နွှယ်မှု တည်ဆောက်နိုင်ခဲ့ပြီး မြောက်ကိုရီးယားနှင့် ဆက်ဆံရေးသည် အနာဂတ်တွင် အလွန်အမင်း ကွဲပြားသွားမည် ဖြစ်ကြောင်း ပြောကြားခဲ့သည်။ ကင်သည် အလွန်စမတ်ကျပြီး အရည်အချင်းရှိကာ ညှိနှိုင်းဆွေးနွေးရန် အလွန်ခက်ခဲသူ ဖြစ်ကြောင်း ထရန့်က ရည်ညွှန်းခဲ့သည်။

ကင်အား အိမ်ဖြူတော်သို့ ဖိတ်ခေါ်ရန် ဆန္ဒရှိကြောင်း ထရန့်က ပြောကြားခဲ့သည်။ ထို့ပြင် ထိပ်သီး၌ ကင်ဂျုံအွန်နှင့် လူ့အခွင့်အရေးကိစ္စကို ဆွေးနွေးခဲ့ကြောင်း ထရန့်က ပြောကြားခဲ့သည်။

အမေရိကန် သမ္မတများနှင့် နာမည်ကျော် ထိပ်သီးအစည်းအဝေးအချို့

ရေဂင်နှင့် ဂေါ်ဘာချက်( ၁၉၈၆ ) – အမေရိကန်နှင့် ဆိုဗီယက်ယူနီယံတို့ကို နျူကလီးယားထိပ်ဖူး ထောင်နှင့်ချီ စုဆောင်းမိစေခဲ့သော ဆယ်စုနှစ်တစ်ခုကြာ စစ်အေးခေတ် လက်နက်ပြိုင်ဆိုင်မှုပြီးနောက် ၁၉၈၆ ခုနှစ် အောက်တိုဘာတွင် အမေရိကန်သမ္မတ ရော်နယ်ရေဂင်နှင့် ဆိုဗီယက်ခေါင်းဆောင် မီခေးဂေါ်ဘာချက်တို့ အိုက်စ်လန်နိုင်ငံ၏ မြို့တော်တွင် တွေ့ဆုံခဲ့ကြသည်။ အမေရိကန်က ၎င်းတို့၏ ဒုံးကျည်ကာကွယ်ရေး စနစ်အား ရုပ်သိမ်းရေးကို လက်မခံသောကြောင့် ထိုဆွေးနွေးမှုမှာ အောင်မြင်မှု မရရှိခဲ့သော်လည်း ယင်းသည် အင်အားစု နှစ်ခုကြား၌ တင်းမာမှုများအား သိသိသာသာ လျော့ကျလာစေခြင်း၏ ရှေ့ပြေးနိမိတ်ဟု ရှုမြင်ခံခဲ့ရသည်။

နစ်ဆင်နှင့် တရုတ် (၁၉၇၂) – အမေရိကန်သည် ကွန်မြူနစ် တရုတ်များနှင့် ဆယ်စုနှစ်နှစ်ခုနီးပါးကြာအောင် အဆက်အသွယ် ဖြတ်ခဲ့ပြီးနောက် သမ္မတရစ်ချက်နစ်ဆင် လက်ထက်သို့ အရောက်တွင် တရုတ်အစိုးရနှင့် ပြန်ဆက်သွယ်ရန် ဆုံးဖြတ်ခဲ့သည်။ လျှို့ဝှက် အဆက်အသွယ်များဖြင့် အစပျိုးခဲ့ပြီးနောက် ၁၉၇၂ ခုနှစ် ဖေဖော်ဝါရီတွင် နစ်ဆင်သည် တရုတ်နိုင်ငံသို့ သွားရောက်ပြီး မော်စီတုန်း၊ ၀န်ကြီးချုပ် ကျိုးအင်းလိုင် အပါအ၀င် တရုတ်ထိပ်ပိုင်း ခေါင်းဆောင်များနှင့် တွေ့ဆုံခဲ့သည်။ ၁၉၇၈ ခုနှစ်တွင် နှစ်နိုင်ငံကြား၌ အပြည့်အ၀ သံတမန် ဆက်ဆံရေး ပေါ်ပေါက်လာစေရန် ဦးတည်စေခဲ့သည့် ယင်းတွေ့ဆုံမှုသည် ၂၀ ရာစု၏ ပထ၀ီနိုင်ငံရေး ဖြစ်စဉ်များအနက် အရေးကြီးဆုံး တစ်ခုဟု ယူဆခံခဲ့ရသည်။

Ref : AFP

June 12, 2018














Copy Protected by Chetan's WP-Copyprotect.