ဘင်္ဂါလီအရေးတွင် ကုလသမဂ္ဂ စုံစမ်းစစ်ဆေးသူများနှင့် ပူးပေါင်းဆောင်ရွက်ရန် မြန်မာအစိုးရကို လုံခြုံရေးကောင်စီ တောင်းဆို

ဘင်္ဂါလီအရေးတွင် ကုလသမဂ္ဂ စုံစမ်းစစ်ဆေးသူများနှင့် ပူးပေါင်းဆောင်ရွက်ရန် မြန်မာအစိုးရကို လုံခြုံရေးကောင်စီ တောင်းဆို
Published 7 June 2018

Photo: AFP

ဘင်္ဂါလီများအပေါ် ရက်စက်ကြမ်းကြုတ်မှု စွပ်စွဲချက်များအား စုံစမ်းစစ်ဆေးရန် ကုလသမဂ္ဂ ကျွမ်းကျင်ပညာရှင်များနှင့်အတူ ပူးပေါင်းဆောင်ရွက်ရန် ကုလသမဂ္ဂ လုံခြုံရေးကောင်စီက မြန်မာအစိုးရကို တောင်းဆိုထားသည်ဟု ဇွန် ၅ ရက်တွင် အေအက်ဖ်ပီက မြင်တွေ့ခဲ့ရသော ပေးစာတစ်စောင်အရ သိရသည်။

သြဂုတ်လတွင် ရခိုင်ပြည်နယ်၌ စစ်တပ်စစ်ဆင်ရေးကို လုပ်ဆောင်ခဲ့ပြီးနောက် အနည်းဆုံး ဘင်္ဂါလီမွတ်ဆလင် ၇၀၀၀၀၀ မြန်မာနိုင်ငံထဲမှ နှင်ထုတ်ခံခဲ့ရသည်။ အဆိုပါ စစ်ဆင်ရေးကို လူမျိုးသုဉ်း သုတ်သင်မှုတစ်ရပ်အဖြစ် ဗြိတိန်၊ ပြင်သစ်၊ အမေရိကန်နှင့် ကုလသမဂ္ဂတို့က ထုတ်ဖော် ပြောဆိုခဲ့ကြသည်။

မေလ အစောပိုင်းတွင် မြန်မာနှင့် ရခိုင်တို့ကို သွားရောက် လည်ပတ်ခဲ့ပြီးနောက် စွပ်စွဲချက်များကို စုံစမ်းစစ်ဆေးရန် မြန်မာအစိုးရက သဘောတူညီခဲ့သော်လည်း လူ့အခွင့်အရေးရုံးကဲ့သို့သော ကုလအဖွဲ့အစည်းများ ပါဝင်ရမည်ဟု ပြောကြားခဲ့ကြောင်း လုံခြုံရေးကောင်စီက ရေသားထားသည်။

နိုင်ငံတကာ အသိုင်းအဝိုင်း၏ ပါဝင်ပက်သက်မှုနှင့်အတူ လူ့အခွင့်ရေး ချိုးဖောက်မှုများ၊ ညှင်းပန်နှိပ်စက်မှုများနှင့် သက်ဆိုင်သောပ်စွဲပြောဆိုမှုများအပေါ် သီးခြားလွတ်လပ်၍ ပွင့်လင်းမြင်သာမှုရှိသော စုံစမ်းစစ်ဆေးမှုများကို ဆောင်ရွက်ခြင်းနှင့် အကြမ်းဖက်မှု ကျူးလွန်သော လက်သည်တရားခံကို တာဝန်ခံစေခြင်းတို့သည် ယခု ကတိကဝတ်ပြုထားမှုကို ခိုင်မာသော အရေးယူဆောင်ရွက်မှု တစ်ရပ်အဖြစ် ပြောင်းလဲသွားစေလိမ့်မည်ဟု မေ၃၁ ရက်တွင် မြင်တွေ့ခဲ့ရသော ပေးစာတွင် ပြောကြားထားသည်။ “အခြေအနေဟာ ကျွန်ုပ်တို့ကို အလွန်စိုးရိမ်စရာအဖြစ် ရှိနေပါတယ်” ဟု ဖြည့်စွက်ဖော်ပြထားခဲ့သည်။ မေတ္တာရပ်ခံချက်ကို ရက်ပေါင်း ၃၀ အတွင်း တုံ့ပြန်ရန် လုံခြုံရေးကောင်စီက မြန်မာအစိုးရကို တောင်းဆိုခဲ့သည်။

မြန်မာနိုင်ငံအတွင်းသို့ဝင်ရောက်ရန် ကုလသမဂ္ဂ လူ့အခွင့်အရေးကောင်စီက စီစဉ်ပေးခဲ့သော အချက်အလက်ရှာဖွေရေးမစ်ရှင်ကို မြန်မာအစိုးရက ခွင့်ပြုရန်ငြင်းဆန်ခဲ့ပြီး ကုလလူ့အခွင့်အရေး ကျွမ်းကျင်သူ ယန်ဟီလီးကို တားမြစ်ခဲ့သည်။ လာတော့မည့် သီတင်းပတ်များတွင် မြန်မာနိုင်ငံဆိုင်ရာ ကုလသံတမန်သစ် ခရစ္စတိုင်းရှရင်းနားဘာဂီနာသည် မြန်မာနိုင်ငံသို့ ပထမဦးဆုံးအကြိမ် လာရောက်လည်ပတ်ရန် ရှိနေသည်။

စစ်တပ် စစ်ဆင်ရေးအတွင်း ညှင်းပန်နှိပ်စက်မှု ကျယ်ကျယ်ပြန့်ပြန့်လုပ်ဆောင်ခဲ့သည်ဆိုသော စွပ်စွဲချက်များကို မြန်မာအစိုးရက ငြင်းဆန်ခဲ့ပြီး စစ်ဆင်ရေးသည် အစွန်းရောက်များကို အမြစ်ဖြုတ်ရန် ရည်ရွယ်ခဲ့သည်ဟု ပြောကြားခဲ့သည်။

Most Read

Most Recent