နေတိုးက ပေါင်းစပ်စစ်ပွဲဗျူဟာအား အသုံးပြုသင့်ကြောင်း အထူးအစီရင်ခံစာ တင်သွင်းသူက တိုက်တွန်း

နေတိုးက ပေါင်းစပ်စစ်ပွဲဗျူဟာအား အသုံးပြုသင့်ကြောင်း အထူးအစီရင်ခံစာ တင်သွင်းသူက တိုက်တွန်း
Published 29 May 2018

၂၀၁၅ ခုနှစ် မတ် ၂၁ ရက်က ပိုလန်တွင် ပူးတွဲစစ်ရေးလေ့ကျင့်မှု တစ်စိတ်တစ်ပိုင်းအဖြစ် အမေရိကန်၏ လေကြောင်းကာကွယ်ရေးနှင့် ဒုံးခွင်းစနစ်ပက်ထရိယော့ချထားမှုအား တွေ့ရစဉ် (Photo - AFP)

ပေါင်းစပ်စစ်ပွဲ တိုက်ခိုက်မှုများဟုဆိုသော ဖြစ်စဉ်များကို တုံ့ပြန်ရန်အတွက် နေတိုးအဖွဲ့ဝင်နိုင်ငံများသည် အဖွဲ့၏ပုဒ်မ ၅ ဖြစ်သော ဘုံကာကွယ်ရေး ပြဋ္ဌာန်းချက်ကို မွမ်းမံပြင်ဆင်သင့်ကြောင်း ကွန်ဆာဗေးတစ် ဥပဒေပြုအမတ်တစ်ဦးက မေ ၂၇ ရက်တွင် ထုတ်ပြန်ခဲ့သည့် အထူးအစီရင်ခံစာတစ်ခု၌ တိုက်တွန်းခဲ့သည်။

ရုရှားသည် နေတိုး၏ အပြည့်အဝစစ် ဘက်တုံ့ပြန်မှုကို မဖြစ်စေဘဲ အနောက်တိုင်းအား အားနည်းစေရန်အတွက် ပူးသတ်ခြင်း၊ ဝါဒဖြန့်ခြင်းနှင့် ဆိုက်ဘာစစ်ပွဲတို့အပါအဝင် ပေါင်းစပ်စစ်ပွဲ ဗျူဟာများအား အသုံးချနေကြောင်း နေတိုးမဟာမိတ်များက စွပ်စွဲခဲ့ကြသည်။

ရုရှား၏ ပေါင်းစပ်ခြိမ်းခြောက်မှုများအား တန်ပြန်သည့် အထူးအစီရင်ခံစာတွင်  ဗြိတိန်သူကောင်းအမတ် ဂျိုပလင်းကနေ တိုးမဟာမိတ်များသည် ဘုံကာကွယ်ရေး စနစ် ပုဒ်မ ၅ (ခ) ရေးဆွဲရန်အတွက် စဉ်းစားသင့်ကြောင်း တိုက်တွန်းခဲ့သည်။ ထိုပုဒ်မအရ ပေါင်းစပ်တိုက်ခိုက်မှုများကြုံပါက နေတိုးမဟာမိတ်များသည် ဘုံတုံ့ပြန်မှုကို ပြုလုပ်စေနိုင်မည်ဖြစ်ကြောင်း ၎င်းက ဝါဆောရှိ နေတိုးပါလီမန်အစည်းအဝေးတွင် ပြောကြားခဲ့သည်။

ပေါင်းစပ်ခြိမ်းခြောက်မှုများ မြင့်တက်လာမှုအပါအဝင် ကမ္ဘာလုံးဆိုင်ရာလုံခြုံရေး အခြေအနေသစ်များအား ထင်ဟပ်မည့် နေတိုး၏ မဟာဗျူဟာမြောက်အယူအဆသစ်ကို မဟာမိတ်ခေါင်းဆောင်များက လာမည့်ဇူလိုင်တွင် ကျင်းပမည့် ထိပ်သီး၌ မူကြမ်းရေးဆွဲသင့်ကြောင်း ၎င်းက တိုက်တွန်းပြောကြားခဲ့သည်။

၎င်း၏ အကြံပြုချက်များအား လက်ခံ၊ မခံကို နေတိုးဥပဒေပြုအမတ်များက မတ် ၂၈ ရက်တွင် ပါလီမန်အပိတ် အစည်းအဝေး၌ မဲခွဲဆုံးဖြတ်ရမည် ဖြစ်သည်။

ဆိုက်ဘာတိုက်ခိုက်မှုကြောင့် နေတိုးမဟာမိတ်အဖွဲ့က ပုဒ်မ ၅ ဖြစ်သည့် ဘုံကာကွယ်ရေးပြဋ္ဌာန်းချက်အား အသုံးပြုသင့်၊ မသင့်ကို ဆုံးဖြတ်ရန် အဖွဲ့ဝင်နိုင်ငံများက လုပ်ဆောင်နေကြကြောင်း ဥရောပရှိ နေတိုးတပ်ဖွဲ့ ာတပ်မှူးဖြစ်သော အမေရိကန်ဗိုလ်ချုပ် ကာတစ်စကာပရောတီက ပြီးခဲ့သောမတ်တွင် ပြောကြားခဲ့ဖူးသည်။ အဖွဲ့ဝင်နိုင်ငံတစ်နိုင်ငံအား ဆိုက်ဘာတိုက်ခိုက်ခံရပါက အဖွဲ့၏ ပုဒ်မ ၅ ကို အသုံးပြုရန် ဖြစ်စေနိုင်ကြောင်း နေတိုးခေါင်းဆောင်များက သဘောတူထားခဲ့ကြသည်။ ထို့ပြင် ထိုကိစ္စအတွက် အထူးပြု နားလည်မှုသည် မည်သို့တုံ့ပြန်ရန်အတွက် ဆုံးဖြတ်ရာတွင် ပိုမိုကောင်းမွန်သောလှုပ်ရှားမှုနှင့် ပြုလွယ်ပြင်လွယ်ဖြစ်မှုတို့ကို ပြုလုပ်နိုင်ကြောင်း ၎င်းက အမေရိကန်အထက်လွှတ်တော်ကော်မတီသို့ ပြောကြားခဲ့သည်။

ရုရှားက ကျင့်သုံးနေသော သွယ်ဝိုက် သို့မဟုတ် အချိုးမကျသည့် လုပ်ဆောင်မှုများ၊ ပဋိပက္ခအဆင့်အထိ မရောက်သည့် လှုပ်ရှားမှုများကြောင့် တုံ့ပြန်ရာတွင် ခက်ခဲမှုရှိကြောင်းကို နေတိုးမဟာမိတ်အဖွဲ့က လက်ခံထားကြောင်း စကာပရောတီက ပြောကြားခဲ့သည်။

နေတိုးသည် ဇူလိုင် ၁၁ ရက်နှင့် ၁၂ ရက် တို့တွင် ဘရပ်ဆဲ၌ ထိပ်သီးကျင်းပမည်ဖြစ်ပြီး ပေါင်းစပ်နှင့် ဆိုက်ဘာစစ်ဆင်ရေး နယ်ပယ်များတွင် ရုရှား၏ ခြိမ်းခြောက်မှု မြင့်တက်လာခြင်းနှင့် အကြမ်းဖက်မှုတိုက်ဖျက်ရေး ကိစ္စများက ဆွေးနွေးရန် အဓိကအကြောင်းအရာများ ဖြစ်လာမည် ဖြစ်သည်။

Ref ; AFP

Most Read

Most Recent