<

လာမည့်လများအတွင်း ရေနံဈေးနှုန်း ဒေါ်လာ ၁၀၀ ကျော်သွားနိုင်ဟု Total အမှုဆောင်ချုပ် ပြောကြား

၂၀၁၂ ခုနှစ် ဧပြီ ၂ ရက်က စကော့တလန်အရှေ့ပိုင်းတွင် Total ကုမ္ပဏီ၏ ရေနံတူးစင်ကို တွေ့ရစဉ်

ယခုနှစ်နှောင်းပိုင်း၌ ရေနံစိမ်းတစ်စည် ဈေးနှုန်းဒေါ်လာ ၁၀၀ ကျော်သွားလျှင် ၎င်းအနေနှင့် အံ့သြမည်မဟုတ်ကြောင်း ပြင်သစ်ရေနံထုတ်လုပ်ရေး လုပ်ငန်းကြီး Total ၏ အမှုဆောင်အရာရှိချုပ်က မေ ၁၇ ရက် တွင် ပြောကြားခဲ့သည်။

“ကျွန်တော်တို့ဟာ ကမ္ဘာသစ်ထဲကို ရောက်နေပါပြီ။ ပထ၀ီနိုင်ငံရေးက ဈေးကွက်ကို နောက်တစ်ကြိမ် ပြန်လည်ကြီးစိုးနေတဲ့ ကမ္ဘာတစ်ခုထဲကို ရောက်နေတာပါ” ဟု ၀ါရှင်တန် အတိုင်ပင်ခံ လုပ်ငန်းတစ်ခုက ပြုလုပ်ခဲ့သော အခမ်းအနားတွင် အမှုဆောင်ချုပ် ပက်ထရစ်ပူယန်နေက ပြောကြားခဲ့သည်။ ရေနံထုတ်လုပ်သည့်နိုင်ငံများက ရေနံ ထုတ်လုပ်မှုကို ထိန်းချုပ်ရန် ကြိုးပမ်းနေခြင်းနှင့် ပထ၀ီနိုင်ငံရေး အခြေအနေမတည်ငြိမ်မှုအပေါ်  စိုးရိမ်မှုများမြင့်တက်လာခြင်းတို့ကြောင့် ယခုနှစ် နွေရာသီကတည်းက ရေနံဈေးများသည် တရိပ်ရိပ်မြင့်တက်လာခြင်း ဖြစ်သည်။

မေ ၁၇ ရက်က Brent ရေနံဈေးနှုန်း အညွှန်းကိန်းတွင်လည်း ၂၀၁၄ ခုနှစ် နိုဝင်ဘာလနောက်ပိုင်း ပထမဆုံးအကြိမ် ရေနံတစ်စည်ဈေးနှုန်းသည် ဒေါ်လာ ၈၀ ကျော်သွားခဲ့သည်။ မေ ၁၈ ရက်တွင် Brent ရေနံဈေးနှုန်း အညွှန်းကိန်းသည် ဒေါ်လာ ၈၀ အောက်သို့ ပြန်ရောက်ခဲ့ပြီး တစ်စည်လျှင် ၇၉ ဒသမ ၇၁ ဒေါ်လာ ရှိခဲ့သည်။

ကမ္ဘာတွင် ရေနံအများဆုံး ထုတ်လုပ်နိုင်သော နိုင်ငံတစ်နိုင်ငံဖြစ်သည့် ဗင်နီဇွဲလား၏ စီးပွားရေးထိုးကျမှုနှင့် အီရန်နျူကလီးယား သဘောတူညီချက်မှ ထရန့်နုတ်ထွက်မှုတို့က ဈေးကွက်ကို ရိုက်ခတ်မှုဖြစ်စေခဲ့ကာ ရေနံဈေးနှုန်းများကို မြင့်တက်စေခဲ့သည်။ ဘောဂဗေဒပညာရှင်များကမူ ရေနံဈေးနှုန်းများ မြင့်တက်မှုသည် လက်ရှိစီးပွားရေး တိုးတက်မှုအတွက် အန္တရာယ်အဖြစ် ရှိနေပြီး မကြာသေးမီကမှ အတည်ပြုခဲ့သည့် အမေရိကန် စီးပွားရေး စေ့ဆော်မှုများကိုလည်း ထိုင်းမှိုင်းစေနိုင်မည်ဖြစ်သည်ဟု သုံးသပ်ကြသည်။

“OPEC နဲ့ ရုရှားတို့ဟာ သူတို့ရဲ့ မူဝါဒကို ထိရောက်မှုရှိရှိ အကောင်အထည် ဖော်နေပါတယ်” ဟု ရေနံတင်ပို့သည့်နိုင်ငံများအဖွဲ့  (OPEC) ၏ ရေနံထုတ်လုပ်မှုပမာဏအား လျှော့ချရန် ကြိုးပမ်းမှုများကို ရည်ညွှန်း၍ ပူယန်နေက ပြောကြားခဲ့သည်။ OPEC  နှင့် ရုရှားတို့သည် ယမန်နှစ် အစောပိုင်းကတည်းက ရေနံဈေးနှုန်းများ မြင့်တက်လာစေရန်အတွက် ထုတ်လုပ်မှုအတိုင်းအတာကို ထိန်းချုပ်ကန့်သတ်ထားကြသည်။

“အဲဒီကိစ္စတွေရဲ့ အထက်မှာ အီရန် ကြေညာချက်ရှိနေပါတယ်။ အီရန်ကိစ္စဟာ ရေနံဈေးကို မြင့်တက်စေပါတယ်။ ဒါတွေကြောင့် လာမယ့်လတွေအတွင်း ရေနံတစ်စည်ဈေးနှုန်း ဟာ ဒေါ်လာ ၁၀၀ ကျော် သွားမယ်ဆိုရင် ကျွန်တော်အံ့သြမှာမဟုတ်ပါဘူး”  ဟု ၎င်းက ပြောကြားခဲ့သည်။

၂၀၁၅ ခုနှစ်က အီရန်နျူကလီးယား သဘောတူညီချက်ရရှိခဲ့သည့်အတွက် ပိတ်ဆို့အရေးယူမှုများကို ဖယ်ရှားပေးလိုက်ပြီး နောက် အီရန်သည် တစ်နေ့လျှင် ရေနံစည် ပေါင်းတစ်သန်း ထုတ်လုပ်နေသည်။ သို့ သော်လည်း လတ်တလောတွင် အီရန်သည်  အမေရိကန်ထံမှ ပိတ်ဆို့မှုများ ကြုံနိုင်သောကြောင့် ရေနံထုတ်လုပ်မှု ကျဆင်းမည့် အခြေအနေနှင့် ရင်ဆိုင်နေရသည်။

May 18, 2018














Copy Protected by Chetan's WP-Copyprotect.