<

ရေနံသိုက်အသစ်သည် စည် ၈၀ ဘီလျံ ထွက်ရှိနိုင်ကြောင်း ဘာရိန်းက ကြေညာ

ဧပြီ ၄ ရက်က ဘာရိန်းရှိ ကမ်းလွန်ရေနံလုပ်ကွက်တစ်ခုကို လေယာဉ်ပေါ်မှ ရိုက်ကူးထားသောဓာတ်ပုံ (Photo: AFP)

အသစ်ရှာဖွေတွေ့ရှိခဲ့သော ရေနံသိုက်သည် စည် ၈၀ ဘီလျံကျော် ရှိနိုင်ကြောင်း ဧပြီ ၄ ရက်တွင် ဘာရိန်းက ကြေညာခဲ့သည်။ ယင်းရေနံသိုက်မှ ထုတ်ယူနိုင်သော ရေနံပမာဏကို လေ့လာနေဆဲဖြစ်ကြောင်း ဘာရိန်း ရေနံလုပ်ငန်းဝန်ကြီး ရှိတ်မိုဟာမက်ဘင်ခါ လီဖာအယ်ခါလီဖာက ပြောကြားခဲ့သည်။

ဘာရိန်းဘုရင့်နိုင်ငံ၏ အနောက်ဘက်ကမ်းလွန်တွင် စတုရန်းမိုင် ၇၇၂ ကျယ်ဝန်းသော ရေနံနယ်မြေကို တွေ့ရှိခဲ့ခြင်းဖြစ်သည်။ ယင်းရေနံသိုက်သစ်သည် ဘာရိန်း၏ တစ်ခုတည်းသော ရေနံသိုက်ဖြစ်ခဲ့သည့် Bahrain Field ကို သိမ်နုတ်သွားစေမည်ဖြစ်သည်။ ၁၉၃၂ ခုနှစ်က ရှာဖွေတွေ့ရှိခဲ့သော ယင်းရေနံနယ်မြေသည် တစ်ရက်လျှင် စည် ၅၀၀၀၀ ထုတ်လုပ်ပေးနေသည်။

ဆော်ဒီအာရေဗျနှင့် အီရန်ကြားတွင်ရှိသော ဘာရိန်းသည် ပင်လယ်ကွေ့နိုင်ငံများတွင် ရေနံကို ပထမဆုံးရှာဖွေတွေ့ရှိခဲ့သည့် နိုင်ငံဖြစ်သည်။ သို့သော်လည်း ဘာရိန်းသည် ပင်လယ်ကွေ့နိုင်ငံများတွင် ရေနံထုတ်လုပ်နိုင်မှု၌ အနိမ့်ဆုံးနိုင်ငံဖြစ်ခဲ့သည်။

ရေနံတွင်းသစ် ရှာဖွေတွေ့ရှိမှု၏ သက်ရောက်မှုကို တွက်ချက်နေဆဲဖြစ်ပြီး ယင်းရေနံတွင်းကို ငါးနှစ်အတွင်း ထုတ်ယူနိုင်ဦးမည် မဟုတ်ကြောင်း ဘာရိန်း အမျိုးသားရေနံလုပ်ငန်း Bapco မှ ထုတ်လုပ်ရေးမန်နေဂျာ ရာယာအယ်အန်ဆာရီက ပြောကြားခဲ့သည်။

နုန်းမြေမှ ရေနံထုတ်ယူမှုသည် ကုန်ကျစရိတ် ကြီးမားသောလုပ်ငန်းဖြစ်ပြီး သမားရိုးကျရေနံထုတ်လုပ်မှုထက် စရိတ်ပိုမိုကြီးသော စီးပွားရေးဖြစ်သည်။ တချို့အခြေအနေများတွင် စရိတ်ကြီးမြင့်မှုကြောင့် စီးပွားဖြစ်ထုတ်လုပ်ရန်ပင် မဖြစ်နိုင်သော အခြေအနေ ဖြစ်သည်။ ဘာရိန်း၊ ကူဝိတ်၊ အိုမန်၊ ကာတာ၊ ဆော်ဒီအာရေဗျနှင့် ယူအေအီးတို့ ပါဝင်သော ပင်လယ်ကွေ့ပူးပေါင်းဆောင်ရွက်ရေး အဖွဲ့ GCC သည် တစ်ရက်လျှင် ရေနံစည် ၁၇ သန်းထုတ်လုပ်နေပြီး အိုပက်အဖွဲ့၏ ထုတ်လုပ်မှု ၅၅ ရာခိုင်နှုန်းကို ထုတ်လုပ်နေသောနိုင်ငံများဖြစ်သည်။

April 5, 2018














Copy Protected by Chetan's WP-Copyprotect.