w ဗြိတိန်သိပ္ပံပညာရှင် စတီဖင်ဟော့ကင်း အသက် ၇၆ နှစ်အရွယ်တွင် ကွယ်လွန် - Eleven Media Group <

ဗြိတိန်သိပ္ပံပညာရှင် စတီဖင်ဟော့ကင်း အသက် ၇၆ နှစ်အရွယ်တွင် ကွယ်လွန်

၂၀၀၈ ခုနှစ် ဧပြီ ၂၁ ရက်က ဂျော့ဝါရှင်တန်တက္ကသိုလ်တွင် ပို့ချနေသော စတီဖင်ဟော့ကင်း (၀ဲ)နှင့် သမီးဖြစ်သူ လူစီတို့ကို တွေ့ရစဉ်

စတီဖင်ဟော့ကင်း

■ ၁၉၄၇ – ဇန်န၀ါရီ ၈ ရက်က လန်ဒန်ရှိ အောက်စဖို့ဒ်တွင် မွေးဖွားခဲ့သည်။

■ ၁၉၆၂ – ကိန်းဘရစ်တက္ကသိုလ်တွင် စကြ၀ဠာဗေဒနှင့်ပတ်သက်ပြီး သုတေသန စတင်ဆောင်ရွက်ခဲ့သည်။

■ ၁၉၆၃ – အာရုံကြောရောဂါတစ်မျိုးဖြစ်သည့် ALS ကို ခံစားကုသခဲ့ရသည်။

■ ၁၉၆၅ – Properties of Expanding Universes ဆိုသောခေါင်းစဉ်ဖြင့် ကျမ်းပြုခဲ့ပြီး ဒေါက်တာဘွဲ့ရရှိခဲ့သည်။

■ ၁၉၇၀ – အိုင်းစတိုင်း၏ အထွေထွေနှိုင်းရသီအိုရီနှင့် ကာလနှင့် အာကာသတို့ကြား၌ ကျိုးကြောင်းဆက်စပ်မှုအရ စကြ၀ဠာမဟာပေါက်ကွဲမှုတွင် နိဒါန်းရှိမည်ဖြစ်ပြီး တွင်းနက်ကြီးများတွင် နိဂုံးချုပ်မှုရှိမည်ဟု ဖော်ထုတ်ရှင်းပြခဲ့သည်။

■ ၁၉၇၄ – အသက် ၃၂ နှစ်တွင် ဗြိတိန်၏ ဂုဏ်သိက္ခာအကြီးဆုံး သိပ္ပံအဖွဲ့၊ တော်ဝင်အသင်း၏ အငယ်ဆုံးအဖွဲ့ဝင်ဖြစ်လာခဲ့သည်။

■ ၁၉၇၉ – ကိန်းဘရစ်တက္ကသိုလ်၌ သင်္ချာဆိုင်ရာပါမောက္ခအဖြစ် ခန့်အပ်ခံရသည်။ ယင်းရာထူးသည် တစ်ချိန်က အိုင်ဇက်နယူတန်၏ ရာထူးဖြစ်သည်။

■ ၁၉၈၈ – အချိန်၏ သမိုင်းအကျဉ်းစာအုပ်ကို ထုတ်ဝေခဲ့သည်။

ရုပ်ပိုင်းဆိုင်ရာ မသန်စွမ်းမှုရှိသော်လည်း ပါရမီထူးသည့် ဥာဏ်စွမ်းကြောင့် ကမ္ဘာတစ်ဝန်းတွင် အထင်ကြီးလေးစားအားကျခံရသော ဗြိတိန်ရူပဗေဒသိပ္ပံပညာရှင် စတီဖင်ဟော့ကင်းသည် အသက် ၇၆ နှစ်အရွယ်တွင် ကွယ်လွန်ခဲ့ကြောင့် သူ၏မိသားစုက မတ် ၁၄ ရက်တွင် ကြေညာခဲ့သည်။

၁၉၈၈ ခုနှစ်က အချိန်၏ သမိုင်းအကျဉ်းစာအုပ်ကို ထုတ်ဝေခဲ့ပြီးနောက် အလွန်ကျော်ကြားသွားခဲ့သော ဟော့ကင်းသည် စကြ၀ဠာ၏လျှို့ဝှက်ချက်များကို ဖော်ထုတ်ရန်အတွက် သူ၏ဘ၀ကိုမြှုပ်နှံခဲ့သည်။

သူ၏ပါရမီထူးသည့် ဥာဏ်စွမ်းကြောင့် အဲဘတ်အိုင်းစတိုင်း၊ ဆာအိုင်ဇက်နယူတန်တို့နှင့် နှိုင်းယှဉ်ချီးကျူးခံရသည့် ဟော့ကင်းသည် မတ် ၁၄ ရက်အစောပိုင်းက ကိန်းဘရစ်မြို့ရှိ သူ၏အိမ်တွင် ငြိမ်းချမ်းစွာ ကွယ်လွန်ခဲ့ခြင်းဖြစ်သည်။ ဟော့ကင်း၏ သားသမီးများဖြစ်သော လူစီ၊ ရောဘတ်နှင့် တင်မ်တို့က ချစ်လှစွာသောဖခင် ကွယ်လွန်သွားခဲ့ကြောင်း ၀မ်းနည်းစွာအသိပေးသည်ဟု ကြေညာချက်ထုတ်ပြန်ခဲ့သည်။

အသက် ၂၀ ကျော်အရွယ်တွင် အာရုံကြောရောဂါတစ်မျိုးကို ခံစားခဲ့ရပြီးနောက် နှစ်အနည်းငယ်သာ အသက်ရှင်တော့မည်ဟု ခန့်မှန်းမှုများကို ဟော့ကင်းက ဖြတ်သန်းခဲ့သူဖြစ်သည်။ ယင်းရောဂါကြောင့် ဟော့ကင်းသည် လှုပ်ရှား၍မရတော့ဘဲ လက်တွန်းလှည်းပေါ်တွင်သာ နေထိုင်ခဲ့ရသည်။ စကားမပြောနိုင်တော့သောကြောင့် အသံထုတ်ပေးသည့်စက်ဖြင့် ဆက်သွယ်ပြောဆိုခဲ့ရသည်။

ခေတ်သစ်သိပ္ပံ၏ဖခင် ဟုခေါ်ကြသော ဂယ်လီလီယို ကွယ်လွန်ခဲ့ပြီးနောက် နှစ် ၃၀၀ ပြည့်သည့်နေ့တွင် စတီဖင်ဝီလျံဟော့ကင်းကို မွေးဖွားခဲ့ခြင်းဖြစ်သည်။ ဟော့ကင်းသေဆုံးမှုကို ကြေညာခဲ့သည့်နေ့သည် အဲဘတ်အိုင်းစတိုင်း မွေးဖွားသည့် ၁၃၉ နှစ် မြောက်မွေးနေ့ဖြစ်သည်။

“ကျွန်တော်ရဲ့ရည်မှန်းချက်က ရိုးရိုးရှင်းရှင်းပါပဲ။ စကြ၀ဠာကြီးကို အလုံးစုံနားလည်ဖို့ပါ။ ဘာကြောင့်ရှိလာရတယ်။ ဘာကြောင့် ရှိနေရတယ်ကို နားလည်ဖို့ပါ” ဟု ဟော့ကင်းက ပြောကြားခဲ့ဖူးသည်။

ဟော့ကင်းသည် ၁၉၆၅ ခုနှစ်တွင် ဂျိမ်းဝေလီကို ပထမဆုံးအကြိမ် လက်ထပ်ခဲ့ပြီး သားသမီးသုံးဦး မွေးဖွားခဲ့သည်။ ထို့နောက် ၂၅ နှစ်အကြာတွင် သူတို့နှစ်ဦးကွဲသွားခဲ့ပြီး ဟော့ကင်းသည် သူ၏သူနာပြုဟောင်းဖြစ်သော အယ်လိန်းမေစင်ကို လက်ထပ်ခဲ့သည်။ ထိုအိမ်ထောင်သည်လည်း နှစ်အတန်ကြာ တည်တံ့ခဲ့ပြီးနောက် ကွဲခဲ့သည်။

March 14, 2018














Copy Protected by Chetan's WP-Copyprotect.