<

လစာဖြတ်တောက်မှုကြောင့် ဂျီနီဗာရှိ ကုလသမဂ္ဂ၀န်ထမ်းများက အလုပ်မလုပ်ဘဲနေ၍ သပိတ်မှောက်ရန် စီစဉ်

ဖေဖော်ဝါရီ ၂၄ ရက်က ကုလသမဂ္ဂလုံခြုံရေးကောင်စီတွင် ဆီးရီးယား၌ အပစ်အခတ်ရပ်စဲရေး ဆုံးဖြတ်ချက်ကို မဲခွဲနေကြစဉ် (Photo: AP)

မမျှတသော လစာဖြတ်တောက်မှုaကြာင့် ဂျီနီဗာရှိ ကုလသမဂ္ဂ၀န်ထမ်းများသည် ဖေဖော်ဝါရီ ၂၇ ရက်တွင် နေ့ဝက် အလုပ်မလုပ်ဘဲနေ၍ ဆန္ဒပြရန် စီစဉ်ထားကြောင်း သိရသည်။ ၎င်းတို့သည် ယင်းမတိုင်မီက အခြားပုံစံဖြင့် ဆန့်ကျင်မှုအချို့ ပြုလုပ်ခဲ့ဖူးသော်လည်း မထိရောက်ခဲ့ကြောင်း၊ ၎င်း တို့သည် ရွေးချယ်စရာမရှိတော့ကြောင်း ဂျီနီဗာရှိ ကုလသမဂ္ဂ၀န်ထမ်းများဆိုင်ရာ သမဂ္ဂ အဖွဲ့အစည်း ဥက္ကဋ္ဌ အီယန်ရစ်ချက်စ်က ဖေဖော်ဝါရီ ၂၅ ရက်တွင် ပြောကြားခဲ့သည်။

ဖေဖော်ဝါရီ ၂၇ ရက်၌ နေ့ဝက်သပိတ် မှောက်မှုတွင် ဂျီနီဗာရှိ ကုလသမဂ္ဂ၀န်ထမ်း ၉၅၀၀ ခန့်အနက် မည်မျှပါဝင်မည် သို့မဟုတ် မည်သို့ သက်ရောက်နိုင်မည်ကို ရှင်းရှင်းလင်းလင်း မသိရသေးကြောင်း၊ ဘတ်စ်ကားကုမ္ပဏီတစ်ခုက ၎င်း၏ ဘတ်စ်ကားများအား  ပြေးဆွဲမှုရပ်ဆိုင်းလိုက်သည့် ပုံစံမျိုးမဟုတ်ကြောင်း ၎င်းက ပြောကြားခဲ့သည်။

ကုလသမဂ္ဂ ၀န်ထမ်းများသည် လစာ ၃ ဒသမ ၅ ရာခိုင်နှုန်းလျှော့ချထားသည့် လစာဖြတ်ပိုင်းများကို ပထမဆုံးအကြိမ်ရရှိခဲ့ပြီးနောက် ယခုကဲ့သို့ ဆန္ဒပြမည့် အစီအစဉ် ထွက်ပေါ်လာခြင်းဖြစ်ကြောင်း၊ ဇွန်မတိုင်မီ လစာကို ငါးရာခိုင်နှုန်းအထိ လျှော့ချမည် ဖြစ်ကြောင်းကိုလည်း အသိပေးထားကြောင်း ရစ်ချက်က ပြောကြားခဲ့သည်။

ဂျီနီဗာတွင် ကုလသမဂ္ဂ၏ လူ့အခွင့်အရေးနှင့် လက်နက်ဖျက်သိမ်းရေး အဖွဲ့များ၏ နှစ်စဉ်ပြုလုပ်နေကျ အဓိကအစည်းအဝေးများသို့ ကမ္ဘာတစ်ဝန်းမှ အစိုးရအဖွဲ့ခေါင်းဆောင်၊ အစိုးရ၀န်ကြီးများနှင့် ကိုယ်စားလှယ်ပေါင်း ၁၀၀ ခန့်က တက်ရောက်ရန် စီစဉ်ထားသည့် ဖေဖော်ဝါရီ ၂၇ ရက်တွင် ကုလသမဂ္ဂ၀န်ထမ်းများက နေ့ဝက် အလုပ် မလုပ်ဘဲ သပိတ်မှောက်ရန် စီစဉ်ထားခြင်း ဖြစ်သည်။

ယင်းလုပ်ရပ်များသည် အဖွဲ့အစည်းကြီး၏ လည်ပတ်မှုများအား အနှောင့်အယှက်ဖြစ်စေခြင်း သို့မဟုတ် ၀င်ရောက်စွက်ဖက်ခြင်းတို့ဖြစ်စေပါက ၀န်ထမ်းများ၏ တာဝန်ဝတ္တရားများအား ဖောက်ဖျက်မှုမြောက်သည်ဟု စဉ်းစားခံရမည်ကို သတိရစေလိုကြောင်း ဂျီနီဗာရှိ ကုလသမဂ္ဂ၏ပြောခွင့်ရ ပုဂ္ဂိုလ် အလက်ဇန္ဒာရာဗယ်လုစီက ပြောကြား ခဲ့သည်။

လစာလျှော့မှုနှင့်ဆက်နွှယ်၍ ၀န်ထမ်းများ၏ စိတ်မသက်မသာဖြစ်မှုများအား ထုတ်ဖော်မှုနှင့် လှုပ်ရှားမှုများတွင် လွတ်လပ်စွာ ပါဝင်ခွင့်တို့ကိုမူ ဂျီနီဗာရှိ ကုလသမဂ္ဂက အသိအမှတ်ပြု၊ လေးစားကြောင်း ၎င်းက အလေးပေးပြောကြားခဲ့သည်။

ကုလသမဂ္ဂအား ပြင်းပြင်းထန်ထန် ဝေဖန်သူတစ်ဦးဖြစ်သည့် အမေရိကန်သမ္မတ ဒေါ်နယ်ထရန့်က ကုလသမဂ္ဂ၏အသုံးစရိတ်များအား အလွန်အမင်း လျှော့ချရန် တောင်းဆိုခဲ့ပြီး ကုလသမဂ္ဂအေဂျင်စီအများအပြား၏ အသုံးစရိတ်များကို အလွန်အမင်းလျှော့ချသွားမည်ဟုလည်း ခြိမ်းခြောက်ခဲ့သည်။

ကုလသမဂ္ဂ၀န်ထမ်းများသည် ကမ္ဘာတွင် လစာအမြင့်ဆုံးရရှိသည့် အရပ်ဘက်ဝန်ထမ်းများအဖြစ် ယူဆခံထားရပြီး ၎င်းတို့သည် ငှားရမ်းနေထိုင်မှု၊ ကျန်းမာရေးစောင့်ရှောက်မှု၊ ကလေးများ၏ပညာရေးအတွက် ထောက်ပံ့မှုများ အပါအ၀င် အကျိုးခံစားခွင့်မျိုးစုံကိုလည်း ရရှိခံစားနေရသည်။

February 26, 2018














Copy Protected by Chetan's WP-Copyprotect.