<

စီစီအနိုင်ရရန် သေချာသည့် အီဂျစ်သမ္မတ ရွေးကောက်ပွဲအတွက် ပြိုင်ဆိုင်မှုများ စတင်

ဖေဖော်ဝါရီ ၁၉ ရက်က ကိုင်ရိုရှိ စစ်တပ်အကယ်ဒမီကျောင်းတစ်ကျောင်းသို့ ရောက်ရှိနေသည့် အီဂျစ်သမ္မတစီစီအား တွေ့ရစဉ် (Photo: AFP)

အီဂျစ်သမ္မတရွေးကောက်ပွဲအတွက် မဲဆွယ်စည်းရုံးမှုများသည် ဖေဖော်ဝါရီ ၂၃ ရက်က စတင်လိုက်ပြီဖြစ်သည်။ ကိုယ်စားလှယ်နှစ်ဦးသာပါသည့် ရွေးကောက်ပွဲတွင် အရေးကြီးသော ယှဉ်ပြိုင်ဘက် မရှိသည့်အတွက် လက်ရှိတာဝန်ထမ်းဆောင်နေဆဲ အီဂျစ်သမ္မတ အဗ္ဗဒူ ဖာတာအယ်စီစီသာ ပြန်လည်အနိုင်ရဖွယ်ရှိသည်။

စစ်ဦးစီးချုပ်ဟောင်းတစ်ဦးဖြစ်သည့် စီစီသည် ယခုရွေးကောက်ပွဲ၌ လစ်ဘရယ် Ghad ပါတီဥက္ကဋ္ဌဖြစ်သူ မူဆာမူစတာဖာမူဆာနှင့် ရင်ဆိုင်ရမည်ဖြစ်သည်။ သမ္မတ ကိုယ်စားလှယ်လောင်း ဖြစ်လာနိုင်ခြေရှိသည့် အခြားသူများမှာမူ မတ် ၂၆-၂၈ ရက် ရွေးကောက်ပွဲမတိုင်မီ ဖမ်းခံရသည့်သူက အဖမ်းခံရ၊ နုတ်ထွက်သူက နုတ်ထွက်နှင့် ဖြစ်ခဲ့ပြီဖြစ်သည်။

ဇန်န၀ါရီလကမူ အတိုက်အခံ ပါတီရှစ်ခုပါဝင်သည့် ညွန့်ပေါင်းအဖွဲ့နှင့် လူသိများသော ပုဂ္ဂိုလ် ၁၅၀ ကျော်တို့က လာမည့်သမ္မတရွေးကောက်ပွဲသည် လုပ်ပွဲကြီးတစ်ခုဖြစ်သဖြင့် သပိတ်မှောက်ကြရန် ဆော်သြခဲ့ကြသည်။

မူဆာမှာမူ ပြည်သူများကြား၌ လူသိနည်းပြီး သမ္မတစီစီကို ယခင်က ထောက်ခံခဲ့သူတစ်ဦးဖြစ်သည်။

အီဂျစ် အမျိုးသားရွေးကောက်ပွဲ အာဏာပိုင်အဖွဲ့က မီဒီယာများကို ဘက်လိုက်မှုမရှိရန် တိုက်တွန်းလျက်ရှိသည်။ ထို့ပြင် ရွေးကောက်ပွဲ ရလဒ်အား လွှမ်းမိုးရန် ကြိုးပမ်းခြင်းများ မပြုလုပ်ရန်လည်း အစိုးရအရာရှိများကို တားမြစ်ထားသည်။

ပြည်သူများကို မဲထည့်ရန် တိုက်တွန်းရေးအတွက် မဲဆွယ်စည်းရုံးသူများသည် နိုင်ငံထဲ၌ တစ်အိမ်တက်တစ်အိမ်ဆင်း စည်းရုံးမှုများ ပြုလုပ်မည်ဖြစ်ကြောင်း ဖေဖော်ဝါရီ ၂၄ ရက်က ရုပ်သံလိုင်းများမှ ထုတ်လွှင့်ခဲ့သည့် စီစီ၏မဲဆွယ်စည်းရုံးရေး ပြောခွင့်ရပုဂ္ဂိုလ် မိုဟာမက်ဘာဟာ အဘူရှိတ်ကာက ပြောကြားခဲ့သည်။

ထိုစည်းရုံးသူများသည် စက်ရုံများ၊ စိုက်ခင်းများသို့ သွားရောက်ပြီး ရွေးကောက်ပွဲတွင် ပါဝင်ရန် အရေးကြီးပုံများကို မဲဆန္ဒရှင်များအား ရှင်းပြမည်ဖြစ်ကြောင်း ရှိတ်ကာက ဆိုသည်။ လက်ရှိတွင် သမ္မတစီစီ၏ လှုပ်ရှားမှုတိုင်းနှင့် အစိုးရဆွေးနွေးပွဲများကို မီဒီယာများ၌ အကျယ်တ၀င့် ဖော်ပြသည်ကို တွေ့နေရသည်။

စီစီသည် ၂၀၁၃ ခုနှစ်တွင် သမ္မတဖြစ်မလာမီက ဒီမိုကရေစီ နည်းလမ်းတကျ ရွေးကောက်တင်မြှောက်ခံရသည့် ပထမဆုံး အီဂျစ်သမ္မတ မိုဟာမက်မော်စီကို ဖြုတ်ချခဲ့သည့် စစ်တပ်အား ဦးဆောင်ခဲ့သည်။ မိုဟာမက်မော်စီမှာ အစ္စလာမ္မစ်တစ်ဦးဖြစ်သည်။

လုံခြုံရေးတပ်များသည် အစ္စလာမ္မစ်များ၊ လစ်ဘရယ်အတိုက်အခံများ အားလုံးကို နှိမ်နင်းကာ ၎င်းတို့ထဲမှ ရာပေါင်းများစွာကို ထောင်ထဲသို့ပို့ပြီး နောက်တစ်နှစ်၌ ကျင်းပသည့် သမ္မတရွေးကောက်ပွဲတွင် စီစီသည် အကြီးအကျယ် အောင်ပွဲခံခဲ့သည်။ စီစီသည် ၎င်း၏ ပထမဆုံး သမ္မတ သက်တမ်းလေးနှစ်အတွက် နိုင်ငံရေးအတိုက်အခံများအားလုံးကို ငြိမ်သက်အောင် လုပ်ဆောင်ခဲ့သည်ဟု ဝေဖန်သူများက ပြောခဲ့ကြသည်။

ရွေးကောက်ပွဲမတိုင်မီ ဖမ်းဆီးခဲ့ရသော အဓိကကျသည့် ပုဂ္ဂိုလ်များထဲတွင် တရားမ၀င်ကြောင်း ကြေညာခံထားရသည့် မွတ်စလင် ဘုရားသားဟုဒ်မှ ထိပ်တန်းအဖွဲ့ဝင်တစ်ဦးဖြစ်ခဲ့သူ အဗ္ဗဒူမိုနီယန်ဖိုတာ၊ စစ်ဦးစီးချုပ်ဟောင်း ဆာမီအာနန်တို့ ပါဝင်သည်။ အာနန်မှာမူ စာရင်းရှိသည့် အစိုးရအရာရှိတစ်ဦး ဖြစ်နေစဉ် တရားမ၀င် ရွေးကောက်ပွဲ ၀င်ပြိုင်သည်ဟုဆိုပြီး စစ်တပ်က ထိန်းသိမ်းခဲ့ခြင်းဖြစ်သည်။ အာနန်သည် စီစီအတွက် အခိုင်မာဆုံး ပြိုင်ဘက်တစ်ဦးဖြစ်မည်သူဟု ရှုမြင်ခံထားခဲ့ရသည်။

ရွေးကောက်ပွဲကို သပိတ်မှောက်ရန် ဆော်သြသူများထဲ၌ ပါဝင်သည့် အဘူဖိုတာမှာလည်း အကြမ်းဖက်သမား စာရင်းသွင်းခံရကာ နိုင်ငံအကျိုးစီးပွားကို ထိခိုက်စေမည့် သတင်းအမှားများ လွှင့်သည်ဟု စွပ်စွဲခံရသည်။

Ref :AFP

February 25, 2018














Copy Protected by Chetan's WP-Copyprotect.