အမေရိကန် ပံ့ပိုးထားသောအဖွဲ့က ဆီးရီးယားရှိ ရာကာမြို့ထဲမှ နယ်မြေနောက်တစ်ခုကို ဂျီဟတ်တို့လက်ထဲမှ သိမ်းပိုက်နိုင်ခဲ့

ဇူလိုင် ၁၅ ရက်တွင် ရာကာအနောက်ဘက် ရှေ့တန်းစစ်မျက်နှာပြင်များမှ ထွက်ပြေးလာသည့် ဆီးရီးယားပြည်သူများ (Photo: AFP)

ဆီးရီးယားနိုင်ငံမြောက်ပိုင်းရှိ IS တို့ခြေကုပ်ယူရာ ရာကာမြို့ထဲမှ နယ်မြေနောက်တစ်ခုကို ထပ်မံသိမ်းယူနိုင်ခဲ့ပြီဖြစ်ကြောင်း အမေရိကန် ကျောထောက်နောက်ခံပြုပေးထားသည့် အင်အားစုက ဇူလိုင် ၁၇ ရက်တွင် ထုတ်ပြန်ခဲ့သည်။
    
ကာ့ဒ်နှင့် အာရပ်တိုက်ခိုက်ရေးသမားများ ပါဝင်ဖွဲ့စည်းထားသော ဆီးရီးယား ဒီမိုကရက်တစ်အင်အားစု (SDF) သည် ဂျီဟတ်တို့ ခြေကုပ်ယူရာ ရာကာမြို့ကို ပြန်သိမ်းနိုင်ရန် ယမန်နှစ်ကတည်းက ကြိုးပမ်းနေကြခြင်းဖြစ်ပြီး ဇွန်လက မြို့ထဲကိုစတင်ထိုးဖောက်ဝင်ရောက်နိုင်ခဲ့ကြသည်။
    
“အယ်ယာမက်ရပ်ကွက်ဟာ မနေ့ကပဲ လွတ်မြောက်သွားပါပြီ” ဟုရာကာစစ်ဆင်ရေးနှင့် ပတ်သက်၍ SDF မှပြောခွင့်ရအမျိုးသမီး ဂျီဟန်ရှိတ်အာမက်ကဆိုသည်။ အယ်ယာမက်သည် ရာကာမြို့ အနောက်တောင်ပိုင်း ဆင်ခြေဖုံးဒေသတွင်ရှိသော နယ်မြေကြီးတစ်ခုဖြစ်သည်။ “စစ်ဆင်ရေးတွေကို ဆက်လက်လုပ်ဆောင်နေပါတယ်။ ဒါပေမဲ့ ပြင်းထန်တဲ့တိုက်ပွဲတွေ အများကြီးဖြစ်နေပါတယ်။ ကျွန်မတို့ဟာ ခိုင်မာတဲ့ခြေလှမ်းတွေကို ပုံမှန်လှမ်းနေတာပါ။ အမြန်နှုန်းက အရေးကြီးတာမဟုတ်ပါဘူး။ အရပ်သားတွေ လွတ်မြောက်ပြီး IS တွေကိုချေမှုန်းဖို့က အရေးကြီးတာပါ” ဟု အာမက်ကဆိုသည်။
    
ဗြိတိန်အခြေစိုက် ဆီးရီးယား လူ့အခွင့်အရေးစောင့်ကြည့်သည့်အဖွဲ့၏ ထုတ်ပြန်ချက်အရ SDF သည် အယ်ယာမက်ထဲသို့ ချီတက်လာနိုင်ပြီဖြစ်သော်လည်း နယ်မြေတစ်ခုလုံးကို အပြည့်အ၀မထိန်းချုပ်နိုင်သေးဘဲ ပြင်းထန်သည့် တိုက်ပွဲများဖြစ်ပွားနေဆဲဟု သိရသည်။ ပြီးခဲ့သည့် ၄၈ နာရီအတွင်းက ရာကာမြို့ထဲရှိ IS တို့ထိန်းချုပ်ထားသော အစိတ်အပိုင်းများထဲတွင် နေထိုင်သည့်အရပ်သား ရာပေါင်းများစွာသည် SDF တို့လက်ထဲသို့ ရောက်သွားပြီဖြစ်သည့် နေရာများသို့ ထွက်ပြေးခဲ့ကြသည်ဟု သိရသည်။
    
စောင့်ကြည့်ရေးအဖွဲ့၏ ခန့်မှန်းချက်အရ အမေရိကန် ကျောထောက်နောက်ခံပြုထားသည့် SDF တို့သည် မြို့၏ ၃၅ ရာခိုင်နှုန်းဝန်းကျင်အထိ သိမ်းပိုက်နိုင်ထားပြီဖြစ်သည်။
    
SDF သည် ၂၀၁၆ ခုနှစ်နိုဝင်ဘာလက ရာကာစစ်ဆင်ရေးကို စတင်ခဲ့ခြင်းဖြစ်သည်။ ရာကာမြို့ထဲသို့ ၀င်ရောက်နိုင်ရန် လပေါင်းများစွာ အချိန်ယူခဲ့ရပြီး နောက်ဆုံးတွင် ဇွန်လက မြို့ထဲသို့ဝင်ရောက်နိုင်ခဲ့သည်။ SDF တို့၏ စစ်ဆင်ရေးကို အမေရိကန်ဦးဆောင်သော ညွန့်ပေါင်းအဖွဲ့က အားကောင်းသော ဗုံးကြဲတိုက်ခိုက်မှုများဖြင့် ပံ့ပိုးပေးနေခဲ့သည်။
    
ရုရှားလေတပ်က ပစ်ကူမှုကိုရရှိထားသော ဆီးရီးယားအစိုးရစစ်တပ်ကလည်း ရာကာရှိ ရေနံတွင်းများကို ဆက်တိုက်သိမ်းပိုက်နေသည်။ ဇူလိုင် ၁၇ ရက်က ညွန့်ပေါင်းအဖွဲ့၏ ဗုံးကြဲတိုက်ခိုက်မှုကြောင့် အရပ်သားသုံးဦးပင် သေဆုံးခဲ့ရသည်။
    
၂၀၁၁ ခုနှစ်မတ်လက စတင်ခဲ့သည့် ဆီးရီးယား ပြည်တွင်းစစ်ပဋိပက္ခအတွင်း လူပေါင်း ၃၃၀၀၀၀ ကျော်သေဆုံးခဲ့ရပြီးဖြစ်သည်။

Writer: 
Ref: AFP