အိန္ဒိယတွင် ဇာတ်နိမ့်တစ်ဦးအား သမ္မတသစ် ရွေးချယ်ရန် အမတ်များကမဲပေး

ဇူလိုင် ၁၇ ရက်က နယူးဒေလီရှိ အောက်လွှတ်တော်တွင် သမ္မတသစ်ရွေးချယ်ရန် မဲပေးခဲ့ပြီးနောက် တွေ့ရသောဝန်ကြီးချုပ် မိုဒီ (Photo: AFP)

အိန္ဒိယ၀န်ကြီးချုပ် နရင်ဒရာမိုဒီ၏ အာဏာဆုပ်ကိုင်မှုအား ပိုမိုအားကောင်းစေမည့် ရွေးကောက်ပွဲဟု ရှုမြင်ခံထားရသည့် အိန္ဒိယသမ္မတသစ် ရွေးချယ်ပွဲအတွက် ဥပဒေပြုအမတ်များသည် ဇူလိုင် ၁၇ ရက်တွင် မဲပေးခဲ့ကြကြောင်း သိရသည်။ သမိုင်းဝင်ရွေးကောက်ပွဲဟု မိုဒီက ခိုင်းနှိုင်းထားသည့် ယင်းရွေးချယ်ပွဲတွင် နိုင်ငံတစ်ဝန်းရှိ ဥပဒေပြုအမတ် ၄၉၀၀ ခန့်က အဆောင်အယောင်ရာထူးမျှသာဖြစ်သော သမ္မတကိုရွေးချယ်ရန် မဲပေးခဲ့ကြသည်။

မိုဒီ၏ အာဏာရပါတီဖြစ်သော လက်ယာယိမ်း ဘာရာသီယာဂျနသာပါတီ (BJP) ကဇာတ်အနိမ့်ဆုံးဖြစ်သော Dalit ထဲမှရှေ့နေဟောင်းတစ်ဦးဖြစ်သူ အသက် ၇၁ နှစ်ရှိ ရမ်နက်ကိုဗင်းအား သမ္မတကိုယ်စားလှယ်လောင်းအဖြစ် ရွေးချယ်ခဲ့သည်။ ကွန်ဂရက်ပါတီက ဦးဆောင်သော အဓိကအတိုက်အခံပါတီက Dalit တစ်ဦးပင်ဖြစ်သော မေးရာကူးမားအား ကိုယ်စားလှယ်လောင်းအဖြစ် ရွေးချယ်ခဲ့သည်။

ယင်းမဲခွဲမှုရလဒ်အား ဇူလိုင် ၂၀ ရက်တွင် ကြေညာသွားမည်ဖြစ်သည်။ သို့သော် BJP သည် သမ္မတအဖြစ်ရွေးချယ်နိုင်ရန်အတွက် လိုအပ်သော Electoral College အရေအတွက် အလုံအလောက်ရှိသည့်အတွက် ကိုဗင်းသည် သမ္မတသစ်အဖြစ် ရွေးချယ်ခံရရန် သေချာသလောက်ရှိသည်။ နိုင်ငံတစ်ဝန်းရှိ ပြည်ထောင်စုနှင့် ပြည်နယ်လွှတ်တော်များမှ အမတ်များသည်မဲပေးမှုတွင် ပါဝင်ခဲ့ကြသည်။

အိန္ဒိယတွင် ၀န်ကြီးချုပ်သည် အုပ်ချုပ်ရေးအာဏာရယူထားသည်။ သမ္မတသည် ပါလီမန်မှပေးပို့လာသော ဥပဒေကြမ်းအချို့အား ပြန်လည်ပြင်ဆင်နိုင်ရန်အတွက် ပေးပို့နိုင်ပြီး အစိုးရဖွဲ့စည်းရေး လုပ်ငန်းစဉ်များတွင် ညွှန်ကြားနိုင်သည်။

အိန္ဒိယလူဦးရေ၏ ၁ ဒသမ ၃ ဘီလျံအနက် Dalit များသည် သန်း ၂၀၀ ၀န်းကျင်ရှိပြီး နိုင်ငံထဲ၌ အဆင်းရဲဆုံး လူတန်းစားများထဲတွင်ပါဝင်ပြီး လူမှုပတ်ဝန်းကျင်ပြင်ပတွင် ဖယ်ကြဉ်ခံထားရသည်။ ဥပဒေအကြောင်းအရ ကာကွယ်ပေးမှုရှိသော်လည်း ခွဲခြားဆက်ဆံမှုများသည် ထူပြောနေပြီး Dalit များသည် ပညာရေးနှင့် အခြားအခွင့်အရေးများရရှိနိုင်မှုတွင် အမြဲတမ်းလိုလို ငြင်းဆန်ခံခဲ့ရသည်။

မဲပေးသည့်နေ့တွင် Dalit အလုပ်သမားတစ်ဦးသည် အထက်တန်းလွှာတိုက်ခိုက်သူများ၏ သေသည်အထိ ရိုက်နှက်ခြင်းခံခဲ့ရကြောင်း မီဒီယာများကဖော်ပြခဲ့ရာ ဇာတ်အနိမ့်ဆုံးများ၏ အတိဒုက္ခကို မီးမောင်းထိုးပြခဲ့သည်။ ကိုဗင်းသည် BJP နောက်ကွယ်တွင်ပါဝင်သော သဘောတရားရေးရာဖြစ်သည့် အစွန်းရောက်လက်ယာယိမ်း Rashtriya Swayamsevak Sangh နှင့်လက်တွဲမှုရှိခဲ့သည်ဆိုကာ ၎င်းအားရွေးချယ်မှုကို မိုဒီ၏ပြိုင်ဘက်များက ကန့်ကွက်ခဲ့ကြသည်။

လွတ်လပ်ရေးအတွက် တိုက်ပွဲဝင်ခဲ့သူတစ်ဦးဖြစ်သည့် ဘာဘူဂျက်ဂျီဗန်ရမ်၏သမီးဖြစ်သူ အတိုက်အခံသမ္မတ ကိုယ်စားလှယ်လောင်း ကူးမားသည် ၁၉၈၅ ခုနှစ်တွင် နိုင်ငံရေးလောကသို့ မ၀င်ရောက်မီ သံတမန်တစ်ဦးဖြစ်ခဲ့ပြီး ၂၀၀၉ ခုနှစ်တွင် အိန္ဒိယ၏ ပထမဆုံးအမျိုးသမီး ပါလီမန်ဥက္ကဋ္ဌ ဖြစ်ခဲ့သည်။                        

Writer: 
Ref: AFP