မာဒူရိုနှင့် သူ၏ဖွဲ့စည်းပုံအခြေခံဥပဒေ ပြန်လည်ရေးဆွဲရေးအစီအစဉ်ကို ဗင်နီဇွဲလားပြည်သူ ခုနစ်သန်းကျော်က ကန့်ကွက်မဲပေး

ဗင်နီဇွဲလားအတိုက်အခံများ ထိန်းချုပ်ထားသော ပါလီမန်ဥက္ကဋ္ဌ ဂျူလီယိုဘော်ရဂဲ (လယ်) က ဇူလိုင် ၁၇ ရက်တွင် အတိုက်အခံများပြုလုပ်သည့် ဆန္ဒခံယူပွဲအပြီး၌ စကားပြောနေစဉ် (Photo: AFP)

ဗင်နီဇွဲလားအတိုက်အခံများက ပြုလုပ်သော ပြည်လုံးကျွတ် ဆန္ဒခံယူပွဲတွင် ဗင်နီဇွဲလားပြည်သူ ခုနစ်သန်းကျော်က မာဒူရိုနှင့် သူ၏ဖွဲ့စည်းပုံအခြေခံဥပဒေ ပြန်လည်ရေးဆွဲရေး အစီအစဉ်ကို ဇူလိုင် ၁၆ ရက်တွင် ကန့်ကွက်မဲပေးခဲ့ကြပြီး ယင်းအောင်မြင်မှုအား အသုံးပြုလျက် အကြမ်းဖက်ဆန္ဒပြမှုများ လေးလနီးပါးကြာဖြစ်ပွားပြီးချိန်၌ အစိုးရအဖွဲ့ အပြောင်းအလဲလုပ်ရန် တောင်းဆိုနိုင်လိမ့်မည်ဟု မျှော်လင့်ထားသည်။
    
မြို့တော်ကာရာကက်ရှိ အလုပ်သမားရပ်ကွက်ဖြစ်သော ကာတီယာတွင် မဲပေးရန်တန်းစီနေသည့်လူများကို မော်တော်ဆိုင်ကယ်ပေါ်မှ သေနတ်သမားများက ပစ်ခတ်ခဲ့သောကြောင့် အသက် ၆၁ နှစ်အရွယ် အမျိုးသမီးတစ်ဦးသေဆုံးပြီး အခြားသုံးဦးဒဏ်ရာရရှိခဲ့ကြောင်းလည်း သိရသည်။
    
မာဒူရိုကိုဆန့်ကျင်သည့် သင်္ကေတဆန်သော ပြည်လုံးကျွတ်ဆန္ဒခံယူပွဲတွင် မဲပေးနိုင်ဖွယ်ရှိသည့် လူပေါင်း ၁၉ သန်းအနက် ၁၀ ဒသမ ၅ သန်း၏ ဆန္ဒမဲများကိုရရှိမည်ဟု မျှော်လင့်ခဲ့သော်လည်း ၇ ဒသမ ၂ သန်းခန့်သာရရှိသေးကြောင်း မဲများ၏ ၉၅ ရာခိုင်နှုန်း ရေတွက်ပြီးချိန်တွင် ဆန္ဒမဲပေးပွဲကို ကြီးကြပ်သူများက ပြောကြားခဲ့သည်။
    
“ဗင်နီဇွဲလားအနေနဲ့ နိုင်ငံတော်တာဝန်ရှိသူတွေနဲ့ ကမ္ဘာကြီးကို ရှင်းလင်းတဲ့မက်ဆေ့ခ်ျပေးလိုက်တာပါပဲ” ဟု ဗင်နီဇွဲလားဗဟိုတက္ကသိုလ်အဓိပတိ စီဆယ်လီယာဂါစီယာအာရိုချာက ပြောကြားခဲ့သည်။ သူကပြည်တွင်း၌ ဆန္ဒမဲ ၆,၄၉၂,၃၈၁ နှင့် ပြည်ပမှ ၆၉၃,၇၈၉ ရရှိခဲ့ကြောင်းလည်း ကြေညာခဲ့သည်။
    
ဂါစီယာက နောက်ဆုံးရလဒ်များကို ဇူလိုင် ၁၇ ရက်တွင် ထုတ်ပြန်မည်ဖြစ်ကြောင်းလည်း ပြောကြားခဲ့သည်။
    
“ကျွန်တော်တို့ ကျူးဘားလို မဖြစ်ချင်ပါဘူး။ လွတ်လပ်ခွင့်မရှိတဲ့ နိုင်ငံတစ်နိုင်ငံ မဖြစ်ချင်ပါဘူး” ဟုအတိုက်အခံများက ထိန်းချုပ်ထားသော ပါလီမန်ခေါင်းဆောင် ဂျူလီယိုဘော်ရဂဲက ပြောကြားခဲ့သည်။
    
“ဒီကနေ့မှာ ဗင်နီဇွဲလားက ဂုဏ်သိက္ခာရှိတဲ့ နိုင်ငံတစ်နိုင်ငံဖြစ်ဖို့၊ ဒီမိုကရေစီ နိုင်ငံတစ်နိုင်ငံဖြစ်ဖို့၊ အနာဂတ်မရှိဘူးဆိုပြီး လူတွေအပြင်ထွက်သွားစရာမလိုတဲ့ နိုင်ငံတစ်နိုင်ငံဖြစ်ဖို့ Yes လို့ပြောလိုက်ပါပြီ။ ပြည်သူတွေက ကျွန်တော်တို့ကိုပေးလိုက်တဲ့ မန်းဒိတ်ဆိုတာ ရှင်းပါတယ်” ဟု ၎င်းကဆိုသည်။
    
မဲပေးသည့်နေ့၌ အဆိုပါအမျိုးသမီးသေဆုံးမှုသည် ဗင်နီဇွဲလားလမ်းများပေါ်၌ ဆန္ဒပြပွဲများနှင့် နိုင်ငံရေးအုံကြွမှုများ စတင်ဖြစ်ပေါ်ပြီးနောက် လေးလကြာအတွင်း သေဆုံးသူအရေအတွက်ကို ၉၆ ဦးအထိရှိသွားစေခဲ့သည်။
    
အတိုက်အခံများက ယင်းတိုက်ခိုက်မှုအတွက် အစိုးရကမွေးထားသည့် ပြည်သူ့စစ်များအပေါ် အပြစ်တင်ခဲ့သည်။
    
ဖွဲ့စည်းပုံအခြေခံဥပဒေကို ပြန်လည်ရေးဆွဲမည့် Constituent Assembly ဟုခေါ်သော အရပ်သား ၅၄၅ ဦးအားရွေးချယ်မည့် ရွေးကောက်ပွဲအား ဇူလိုင် ၃၀ ရက်၌ကျင်းပရန် မာဒူရို၏ရည်ရွယ်ချက်မှာ ဆန္ဒမဲပေးသူများအတွက် အဓိကမေးခွန်းထုတ်စရာ ဖြစ်ခဲ့သည်။
    
အစိုးရက တရားမ၀င်ဟုသတ်မှတ်ထားသော အတိုက်အခံတို့၏ ဆန္ဒမဲပေးပွဲကို သိက္ခာချရန်အတွက် အစိုးရကဖော်ပြပါကိစ္စအတွက် အဆိုပါရွေးကောက်ပွဲကို ဇူလိုင် ၁၆ ရက်၌ပင် ကျင်းပခဲ့သည်။              

Writer: 
Ref: AFP