<

အီးယူက မြန်မာဗိုလ်ချုပ်များအား ပိတ်ဆို့မှုများ ချမှတ်ရန် ပြင်ဆင်

၂၀၁၇ နိုဝင်ဘာ ၂၂ ရက်က ဘင်္ဂလားဒေ့ရ်ှနိုင်ငံ အူခီယာခရိုင် ဘာလူခါလီဒုက္ခသည်စခန်း၌ ဒုက္ခသည်များ လမ်းလျှောက်သွားစဉ် (Photo: AFP)

ဥရောပသမဂ္ဂ (အီးယူ) သည် ၎င်းတို့ အဖွဲ့၏ နိုင်ငံခြားရေးမူဝါဒအကြီးအကဲအား  လာမည့်သီတင်းပတ်တွင် ဖြစ်နိုင်ဖွယ်ရှိသည့် အမည်စာရင်းတစ်ရပ် ရေးဆွဲရန် တရားဝင် တောင်းဆိုခြင်းဖြင့် ဘင်္ဂါလီမွတ်စလင်ကိစ္စ နှင့်ပတ်သက်၍ မြန်မာဗိုလ်ချုပ်များကို ပိတ်ဆို့မှုများ ချမှတ်ရန် စတင်ပြင်ဆင်မည်ဖြစ်ကြောင်း သံတမန်နှစ်ဦးက ပြောကြားခဲ့သည်။

ခရီးသွားလာမှု ပိတ်ပင်မှုများနှင့် ပိုင်ဆိုင်မှုများကို ထိန်းချုပ်လိုက်ခြင်းသည် ယခုအထိ အီးယူ၏ အပြင်းထန်ဆုံးအရေးယူမှုများ ဖြစ်လိမ့်မည်ဖြစ်ပြီး ချမှတ်ပြီးဖြစ်သည့် အမေရိကန်နှင့် ကနေဒါတို့၏ ပိတ်ဆို့မှုများကို ပူးပေါင်းသွားဖွယ်ရှိနေသည်။

“စနစ်တကျ လူ့အခွင့်အရေးချိုးဖောက်မှုတွေအတွက် မြန်မာတပ်မတော်ရဲ့ အကြီးတန်းအဖွဲ့ဝင်တွေအပေါ် ကြန့်ကြာမှုမရှိဘဲ ကန့်သတ်ထိန်းချုပ်တဲ့ အရေးယူမှုတွေ ချမှတ်ရေး အဆိုပြုဖို့ ဖက်ဒါရီကာမိုဂါရီနီကို  ၀န်ကြီးတွေက တောင်းဆိုသွားမှာပါ” ဟု သံတမန်တစ်ဦးက ဖေဖော်ဝါရီ ၂၂ ရက်တွင် အီးယူ၏ ပိတ်ဆို့မှုများကို ရည်ညွန်းလျက် ပြောကြားခဲ့သည်။

အီးယူ၏ နိုင်ငံခြားရေးဝန်ကြီးများသည် တည်ဆဲဖြစ်သည့် မြန်မာနိုင်ငံအပေါ် အီးယူ၏ ၁၉၉၀ ပြည့်လွန်နှစ်များကာလ လက်နက်တင်သွင်းမှု ပိတ်ပင်ထားမှုအား ပိုမိုအားကောင်းအောင် ပြုလုပ်မည့်နည်း လမ်းများကို သုံးသပ်သွားရန်လည်း ဖေဖော်ဝါရီ ၂၆ ရက်တွင် မိုဂါရီနီနှင့် အီးယူ၏ နိုင်ငံ ခြားရေးဌာနဖြစ်သည့် EEAS တို့အား တောင်းဆိုသွားမည်လည်းဖြစ်သည်။

ဖေဖော်ဝါရီ ၂၆ ရက် အီးယူနိုင်ငံခြားရေးဝန်ကြီးများ ပုံမှန်တွေ့ဆုံမှုတစ်ရပ်တွင်  ထုတ်ပြန်ဖွယ်ရှိသည့် ကြေညာချက်တစ်ရပ်၌ မြန်မာနိုင်ငံ၏ အစိုးရလျှို့ဝှက်ချက် အက်ဥပဒေကို ချိုးဖောက်သည်ဟုဆိုကာ ဒီဇင် ဘာ ၁၂ ရက်တွင် ဖမ်းဆီးထိန်းသိမ်းခံထားရသည့် ရိုက်တာသတင်းထောက်နှစ်ဦးကို လွှတ်ပေးရန်အတွက်လည်း အီးယူက ထပ်လောင်း တောင်းဆိုသွားဖွယ်ရှိသည်။

ပိတ်ဆို့မှုများ ပြုလုပ်ရန် ပစ်မှတ်ထားသည့် ဗိုလ်ချုပ်များ၏ အမည်များကို ယခုအထိ ဆွေးနွေးရခြင်းမရှိသေးကြောင်း သံတမန်များက ပြောကြားခဲ့သော်လည်း အမေရိကန်ပြည်ထောင်စုက ရခိုင်ပြည်နယ်တွင် ဘင်္ဂါလီမွတ်စလင်များကို နှိမ်နင်းခဲ့သည်ဟု  စွပ်စွဲခံထားရသော ဗိုလ်ချုပ်မောင်မောင်စိုး ကို ပိတ်ဆို့မှုများ ချမှတ်မည်ဖြစ်ကြောင်း ဒီဇင်ဘာလက ပြောကြားခဲ့သည်။

အီးယူသည် ပိတ်ဆို့မှုချမှတ်ရန် စာရင်းများနှင့်ပတ်သက်၍ အမေရိကန်နှင့်ပူးပေါင်း ဆောင်ရွက်လေ့ရှိသည်။

ပိတ်ဆို့မှုများ ချမှတ်ရန် စဉ်းစားသည့်  အီးယူ၏ ဆုံးဖြတ်ချက်သည် ဗီတိုအာဏာ ပိုင်ဆိုင်ထားသော ရုရှားနှင့်တရုတ်တို့က ရခိုင်ပြည်နယ်ရှိ အခြေအနေများသည် တည်ငြိမ်နေပြီး ထိန်းချုပ်မှုအောက်ရောက် နေပြီဟု ယခုလအတွင်း ပြောကြားခဲ့သည်။ ကုလသမဂ္ဂလုံခြုံရေးကောင်စီတွင် ယင်းကဲ့သို့သော အရေးယူမှုများကို ဆန့်ကျင်တွန်းလှန်ခံရမှုအား ထင်ဟပ်ပြနေသည်။

ကုလသမဂ္ဂအပြင် အမေရိကန်ပြည်ထောင်စုသည် မြန်မာနိုင်ငံတွင် ပြုလုပ်ခဲ့သော တပ်မတော်၏ စစ်ဆင်ရေးကို လူမျိုးစုလိုက်သုတ်သင်မှုဟု အမည်တပ်ခဲ့သည်။

ကုလသမဂ္ဂ၏ ပြောကြားချက်အရ ဘင်္ဂါလီမွတ်စလင် ၆၅၅,၀၀၀ သည် နယ်စပ်ကို ဖြတ်ကျော်ထွက်ပြေးလျက် ဘင်္ဂလားဒေ့ရှ်၌ ခိုလှုံနေကြောင်း သိရသည်။ ၎င်းအပြင် ဇူလိုင်လတွင် ပြုလုပ်မည့်  ရွေးကောက်ပွဲများမတိုင်မီ အတိုက်အခံများကို နှိမ်နင်းခဲ့မှုအတွက် အီးယူက ကမ္ဘောဒီးယားကို ကုန်သွယ်ရေးဆိုင်ရာ ဦးစားပေးမှု  ပြန်ရုပ်သိမ်းခြင်း အပါအ၀င် ပိတ်ဆို့မှုများ ချမှတ်သွားဖွယ်ရှိကြောင်းလည်း  သိရသည်။

February 23, 2018














Copy Protected by Chetan's WP-Copyprotect.