အမေရိကန်လူမှုကွန်ရက်တွင် အကောင့်မရှိသော ဘယ်လ်ဂျီယံနိုင်ငံရှိ အင်တာနက်အသုံးပြုသူများကို ခြေရာခံမှုအား ရပ်ဆိုင်းရန် ဘယ်လ်ဂျီယံတရားရုံးတစ်ခုက ဖေဖော်ဝါရီ ၁၆ ရက်တွင် Facebook ကို အမိန့်ချခဲ့ပြီး မလိုက်နာပါက ဒဏ်ငွေနှင့် ရင်ဆိုင်ရမည်ဟု သတိပေးခဲ့သည်။ ကယ်လီဖိုးနီးယားအခြေစိုက် Face-book ကုမ္ပဏီက ဘရပ်ဆဲလ်တရားရုံး၏ အမိန့်ချမှတ်မှုကို အယူခံဝင်မည်ဟု ထုတ်ပြန်ခဲ့သည်။
ဘယ်လ်ဂျီယံ၏ ပုဂ္ဂိုလ်ရေးလုံခြုံမှုဆိုင်ရာ ဥပဒေများကို မလိုက်နာမချင်း နိုင်ငံအတွင်းရှိ အင်တာနက်အသုံးပြုသူများ၏ အသုံးပြုမှုအား ခြေရာခံခြင်းနှင့် မှတ်တမ်းတင်ထားခြင်းကို Facebook က ရပ်ဆိုင်းရမည်ဟု တရားရုံးက ထုတ်ပြန်ခဲ့သည်။
၈၄ မျက်နှာပါဝင်သည့် တရားရုံး၏ ကြေညာချက်တွင် Facebook သည် တစ်နေ့လျှင် ဒဏ်ငွေ ယူရို ၂၅၀,၀၀ (သို့မဟုတ်) အများဆုံး ယူရိုသန်း ၁၀၀( ဒေါ်လာ ၁၂၅) သန်းပေးဆောင်မှုနှင့် ကြုံတွေ့ရမည်ဟု သတိပေးခဲ့သည်။
“Facebook က တရားမဝင်ရယူထားတဲ့ ကိုယ်ရေးအချက်အလက် အားလုံးကိုလည်း ဖျက်ဆီးပစ်ရမယ်” ဟု တရားရုံး ကြေညာချက်တွင် ဖော်ပြထားသည်။
အင်တာနက် အသုံးပြုသူများသည် Facebook တွင် အကောင့်မရှိသော်လည်း ဝက်ဘ်ဆိုက်ရှိ page များကို ဝင်ရောက်ကြည့်ရှုမှု (သို့မဟုတ်) like နှင့် share ကို နှိပ်မိချိန်တွင် Facebook က အင်တာနက်အသုံး ပြုသူများကို ခြေရာခံမှုနှင့်ပတ်သက်၍ ဥပဒေဆိုင်ရာ တိုင်ကြားချက်ဖွင့်ထားသည်ဟု ဘယ်လ်ဂျီယံ၏ ပုဂ္ဂိုလ်ရေး လုံခြုံမှုဆိုင်ရာ စောင့်ကြည့်အဖွဲ့က ထုတ်ပြန်ခဲ့သည်။
Ref ; AFP
