တောင်ကိုရီးယားသမ္မတက နျူကလီးယားဓာတ်ပေါင်းဖို စီမံကိန်းအသစ်များအားလုံးကို ဖျက်သိမ်းမည်ဟု ကတိပြု

နိုင်ငံ၏ ပထမဆုံး နျူကလီးယားဓာတ်ပေါင်းဖို ဖျက်သိမ်းသည့် အထိမ်းအမှတ် အခမ်းအနား၌ ဇွန် ၁၉ ရက်တွင် မိန့်ခွန်းပြောနေသည့် တောင်ကိုရီးယားသမ္မတ မွန်းဂျေအင်း (Photo: AFP)

တောင်ကိုရီးယားသမ္မတသစ် မွန်းဂျေအင်းက နိုင်ငံထဲ၌ အသစ်ထပ်မံဆောက်လုပ်မည့်  နျူကလီးယားဓာတ်ပေါင်းဖို အစီအစဉ်များအားလုံးကို ဖျက်သိမ်းမည်ဟု ဇွန် ၁၉ ရက်က ကတိပြုပြောကြားခဲ့သည်။ မွန်းသည် အာရှ၏စတုတ္ထမြောက် စီးပွားရေးအင်အားအကြီးဆုံးနိုင်ငံကို အဏုမြူစွမ်းအင်မပါဘဲ ပဲ့ထိန်းရန် ကြိုးပမ်းနေစဉ် ယခုကဲ့သို့ပြောကြားခဲ့ခြင်းဖြစ်သည်။
    
ပြီးခဲ့သည့်လ ရွေးကောက်ပွဲတွင် အနိုင်ရရှိခဲ့ပြီး သမ္မတဖြစ်လာသည့် မွန်းသည် မဲဆွယ်စည်းရုံးစဉ်က အဏုမြူစွမ်းအင် အသုံးပြုခြင်းကို ရပ်နားပြီး နေ၊ လေစွမ်းအင်တို့အပါအ၀င် သဘာဝပတ်ဝန်းကျင်နှင့် ပိုမိုကိုက်ညီကာ ဘေးကင်းသည့် စွမ်းအင်ရင်းမြစ်များကို အသုံးပြုသွားမည်ဟု ကတိပြုခဲ့သည်။ ၂၀၁၁ ခုနှစ်မတ်လက ဖြစ်ပွားခဲ့သော အင်အားပြင်းငလျင်ကြီးကြောင့် ဂျပန်တွင်ဖြစ်ပွားခဲ့သော ဖူကူရှီးမား နျူကလီးယားစက်ရုံ ဘေးအန္တရာယ်သည် သက်တမ်းရင့်  နျူကလီးယားစက်ရုံများရှိသော အိမ်နီးချင်းတောင်ကိုရီးယားနိုင်ငံ၌ စိုးရိမ်ပူပန်မှုများကို ကျယ်ကျယ်ပြန့်ပြန့် ဖြစ်ပေါ်စေခဲ့သည်။
    
“ကျွန်တော်တို့ဟာ အဏုမြူစွမ်းအင် ဗဟိုပြုလျှပ်စစ်ဖြန့်ဖြူးမှုကိုထားခဲ့ပြီး  နျူကလီးယားလွန်ခေတ်အတွက် တံခါးဖွင့်ပေးမှာ ဖြစ်ပါတယ်” ဟု မွန်းက နိုင်ငံ၏ ပထမဆုံး  နျူကလီးယားဓာတ်ပေါင်းဖို Kori-1 အားပိတ်လိုက်ခြင်း အထိမ်းအမှတ် မိန့်ခွန်းအတွင်း ထည့်သွင်းပြောကြားခဲ့သည်။ “နျူကလီးယားဓာတ်ပေါင်းဖိုအသစ် ထပ်မံဆောက်လုပ်ဖို့ ပြင်ဆင်နေမှုအားလုံးကိုလည်း ဖျက်သိမ်းသွားမယ့်အပြင် လက်ရှိနျူဓာတ်ပေါင်းဖိုတွေရဲ့ သက်တမ်းကိုလည်း တိုးမှာမဟုတ်တော့ပါဘူး” ဟု သမ္မတက ပြောကြားခဲ့သည်။
    
လူဦးရေ အလွန်သိပ်သည်းသော တောင်ကိုရီးယားနိုင်ငံထဲတွင်  နျူကလီးယားဓာတ်ပေါင်းဖို အများအပြားသည် လူနေရပ်ကွက်များနှင့် အန္တရာယ်ရှိလောက်အောင် နီးကပ်သည့်နေရာ၌ တည်ရှိကြသည်။ ထို့ကြောင့် နျူကလီးယား ဘေးအန္တရာယ်တစ်ခုဖြစ်လာပါက အကျိုးဆက်မှာ မခန့်မှန်းနိုင်အောင်ဖြစ်နေကြောင်းလည်း မွန်းကသတိပေးခဲ့သည်။             

တောင်ကိုရီးယားတွင် လက်ရှိ၌ နျူကလီးယားဓာတ်ပေါင်းဖို ၂၅ လုံးလည်ပတ်နေပြီး ယင်းတို့သည် နိုင်ငံ၏လျှပ်စစ်ဓာတ်အားဖြန့်ဖြူးမှု၏ ၃၀ ရာခိုင်နှုန်းကို ထုတ်လုပ်ပေးနေခြင်းဖြစ်သည်။ ထိုဓာတ်ပေါင်းဖိုတို့၏ သက်တမ်းသည် ၂၀၂၀ မှ ၂၀၃၀အတွင်း ကုန်ဆုံးဖွယ်ရှိပြီး သမ္မတမွန်း၏ သက်တမ်းမှာ ၂၀၁၇ မှ ၂၀၂၂ ခုနှစ်အထိဖြစ်သည်။
    
ပြီးခဲ့သည့်နှစ်များအတွင်းက ဖြစ်ပွားခဲ့သော ကြီးမားသည့် ခြစားမှုအရှုပ်တော်ပုံများထဲတွင် အစိုးရနျူကလီးယားစွမ်းအင် အင်ဂျင်စီများလည်း ပါဝင်ခဲ့သည်။ တောင်ကိုရီးယားတွင် ယမန်နှစ်အတွင်းက ငလျင်လှုပ်ခတ်မှုများရှိခဲ့သဖြင့်  နျူဓာတ်ပေါင်းဖိုများနှင့် ပတ်သက်ပြီး ပြည်သူတို့၏စိုးရိမ်မှုများကို မီးထိုးပေးသကဲ့သို့ ဖြစ်ခဲ့သည်။
    
ဇွန် ၁၉ ရက်က မိန့်ခွန်းထဲတွင်သမ္မတက လေထုညစ်ညမ်းမှုကို လျော့ချရေးအတွက် ကျောက်မီးသွေးဖြင့် လျှပ်စစ်ဓာတ်အား ထုတ်လုပ်မှုကို ဖျက်သိမ်းရန် မဲဆွယ်စည်းရုံးရေး ကတိများနှင့်အညီ ကျောက်မီးသွေးခေတ်လွန် မူဝါဒကိုလည်း မိတ်ဆက်ပေးမည်ဟု ကတိပြုခဲ့သည်။ သို့သော်နိုင်ငံ၏ လျှပ်စစ်ဓာတ်အားထုတ်လုပ်မှု၏ ၄၀ ရာခိုင်နှုန်းကို ကျောက်မီးသွေးမှ ထုတ်လုပ်ခြင်းဖြစ်သည့်အတွက် ကျောက်မီးသွေးဓာတ်အားပေးစက်ရုံများကို ပိတ်လိုက်ပါက မီတာခအများအပြား တက်လာနိုင်သည်ဟု ကျွမ်းကျင်သူများက သုံးသပ်ကြသည်။

Writer: 
Ref: AFP