Photo : AFP
ဂျပန်စာသင်ကျောင်း တစ်ကျောင်းက ၄င်တို့၏ ကျောင်းသားများအတွက် တစ်စုံလျှင် ဒေါ်လာ ၇၅၀ နီးပါးရှိသော အာမာနီတံဆိပ်တပ် တူညီကျောင်းဝတ်စုံ ဝတ်ဆင်ရန် စီစဉ်နေမှုသည် မကျေနပ်သံများ၊ အပြင်းအထန် ငြင်းခုံမှုများကို လျှံထွက်လာစေခဲ့ပြီး လွှတ်တော်အထိ ရောက်ရှိသွားစေခဲ့သည်။
တိုကျို၏ မျက်စိနောက်စရာကောင်းသော ရပ်ကွက်က တိုင်မေးအခြေခံပညာ မူလတန်းကျောင်းသည် မိဘများအတွက် တစ်စုံလျှင် ယန်း ၈၀၀၀၀ (ဒေါ်လာ၇၄၀) ဝန်းကျင် ကုန်ကျစေမည့် ဖက်ရှင်ဒီဇိုင်နာ ယူနီဖောင်းများကို ဧပြီလမှစ၍ ဝတ်ဆင်ခိုင်းမည်ဟု ဒေသတွင်း ပညာရေးဘုတ်အဖွဲ့တစ်ခုက အေအက်ဖ်ပီကို အတည်ပြု ပြောကြားခဲ့သည်။
ဝတ်စုံသစ်သည် မဝယ်မနေရ အနေအထားမျိုး မဟုတ်ဟု စာသင်ကျောင်းက ပြောကြားသော်လည်း မိဘများမှာ မိမိတို့၏ ကလေးများ ဝိုင်းပယ်ခံရမည် ဆိုးသောကြောင့် ဝတ်စုံကို မဖြစ်မနေ ဝယ်ရမည့် အနေအထား ဖြစ်စေသည်ဟု ဝေဖန်သူများက ပြောကြားခဲ့ကြသည်။
ဒီဇိုနာယူနီဖောင်းသည် အမှတ်တံဆိပ်ကောင်း ဖြစ်မည်ဖြစ်သည်ဟု စာသင်ကျောင်း၏ ရှင်းလင်းပြောဆိုမှုကို လက်မခံသော မိဘများထံမှ တိုင်ကြားချက် တစ်လှေကြီးကို ဒေသတွင်း ပညာရေးဘုတ်အဖွဲ့က လက်ခံရရှိခဲ့ကြောင်း ကျိုဒိုသတင်းဌာနက ပြောကြားခဲ့သည်။
အာမာနီဝတ်စုံသည ်ကျောင်းတည်ရှိရာ အထက်တန်းစား ရပ်ကွက်ဖြစ်သော ဂျင်ဇာနှင့် သက်တမ်း အနှစ် ၁၅၀ ရှိသောကျောင်းနှင့် လိုက်ဘက်မှုရှိစေရန် လုပ်ဆောင်ခြင်း ဖြစ်သည်ဟု ယူနီဖောင်းသတင်းကို ထုတ်ပြန်ခဲ့သော စာတွင် ကျောင်းအုပ်ချုပ်ရေး အဖွဲ့က ဖော်ပြခဲ့သည်။ သို့ရာတွင် အဆိုပါ ထုတ်ပြန်ချက်သည် ကျောင်းသားမိဘများအပေါ် အနည်းငယ်မျှသာ လွှမ်းမိုးမှုရှိခဲ့သည်။
ကျောထောက်နောက်ခံ မတူသော ကျောင်းသားများ တက်ရောက်သည့် ပြည်သူပိုင် စာသင်ကျောင်းတွင် ယခုကဲ့သို့ ဈေးကြီးလွန်းသော ကျောင်းဝတ်စုံ ဝတ်ခိုင်ခြင်းအား အတိုက်အခံ လွှတ်တော်အမတ် မာနာဘူတီရာဒါက လွှတ်တော်အစည်းအဝေး တစ်ရပ်တွင် ဆွေးနွေးခဲ့သည်။
