ဖိလစ်ပိုင်သမ္မတဒူတာတေးက ဆေးလိပ်သောက်ခြင်းအား ပိတ်ပင်ချက် ထုတ်ပြန်

၂၀၁၆ ခုနှစ် အောက်တိုဘာ ၁၁ ရက်က မနီလာရှိ ကုန်တိုက်တစ်ခုအပြင်ဘက်တွင် ဆေးလိပ်သောက်နေသည့် အမျိုးသားတစ်ဦး (Photo: AP)

ဖိလစ်ပိုင်ရှိ အများပြည်သူနှင့် သက်ဆိုင်သောနေရာများ၌ ဆေးလိပ်သောက်မှုကို ကျယ်ကျယ်ပြန့်ပြန့် ပိတ်ပင်ရန်အတွက် သမ္မတ ရိုဒရီဂိုဒူတာတေးသည် သမ္မတအမိန့်တစ်ရပ်ကို လက်မှတ်ထိုးခဲ့ကြောင်း သိရသည်။ ထို့ကြောင့် အာရှတွင် ယခင်ကတည်းက အတင်းကျပ်ဆုံးများထဲမှ တစ်ခုဖြစ်သော ဖိလစ်ပိုင်၏ ဆေးရွက်ကြီးဆန့်ကျင်ရေး စည်းမျဉ်းများမှာ ပိုမိုတင်းကျပ်လာမည်ဖြစ်သည်။

ထိုအမိန့်အရ အကာအရံရှိသော အများပြည်သူနှင့် သက်ဆိုင်သည့် နေရာများ အားလုံး၌ စီးကရက်သောက်သုံးခြင်း၊ ရောင်းချခြင်းများ အားလုံးကို ပိတ်ပင်သွားမည်ဖြစ်သည်။ ထို့ပြင် စာသင်ကျောင်း၊ ပန်းခြံနှင့် ကလေးများစုဝေးရာ နေရာများနှင့် မီတာ ၁၀၀ အကွာ (၃၃၀ပေ) တွင်လည်း စီးကရက် သောက်သုံးခြင်းကို ပိတ်ပင်မည်ဖြစ်ကြောင်း မေ ၁၈ ရက်က ထုတ်ပြန်ခဲ့သော အမိန့်စာထဲတွင် ဖော်ပြခဲ့သည်။ ထိုပိတ်ပင်မှုသည် ရက် ၆၀ အတွင်း အသက်ဝင်လိမ့်မည် ဖြစ်သည်။

ယမန်နှစ်က ဖိလစ်ပိုင်သမ္မတဖြစ်လာသည့် ဒူတာတေးသည် လူထောင်ပေါင်းများစွာ၏အသက်ကို ဆုံးရှုံးစေခဲ့သည့် မူးယစ်ဆေး နှိမ်နင်းရေး စစ်ပွဲတစ်ရပ်ကို ဆင်နွှဲနေမှုကြောင့် ထင်ပေါ်ကျော်ကြားသူဖြစ်သည်။ ဒူတာတေးသည် သမ္မတဖြစ်ဖြစ်ချင်းပင် လူ့အဖွဲ့အစည်းအတွင်း ပိုမို စနစ်တကျရှိစေရေးအတွက် ဆေးလိပ်သောက်သုံးခြင်းကို ပိတ်ပင်မည့်အကြောင်းကို ကတိပေးခဲ့သည်။ ၎င်းက ပိတ်ပင်မည်ဟု ကတိပေးခဲ့သော အခြားစည်းမျဉ်းများထဲတွင် ညအချိန်တွင် ကာရာအိုကေ သီချင်းဆိုခြင်း၊ နံနက် ၂ နာရီ နောက်ပိုင်း လူမြင်ကွင်းတွင် အရက်သေစာ သောက်သုံးခြင်းတို့လည်း ပါဝင်သည်။ သို့သော် ယင်းပိတ်ပင်မှုတို့ကို အကောင်အထည် မဖော်ရသေးပေ။

ဒူတာတေးသည် သမ္မတမဖြစ်မီ နိုင်ငံတောင်ပိုင်းရှိ ဒါဗာအိုတွင် မြို့တော်ဝန်အဖြစ် ကာလရှည်ကြာစွာ အုပ်ချုပ်စဉ်ကပင် ထင်ရှားခဲ့သူဖြစ်သည်။ ဒူတာတေးက ရာဇ၀တ်မှုများဖြင့် ပြည့်နှက်နေသော ဖိလစ်ပိုင်မြို့ပြ နေရာများကို နေပျော်ပြီး လုံခြုံမှုရှိသည့် နေရာများအဖြစ် ပြောင်းလဲမည်ဟုလည်း ဆိုနေသည်။

သို့သော် ဝေဖန်သူများကမူ ဒူတာတေးသည် တရားဥပဒေစိုးမိုးမှုနေရာတွင် ၎င်း၏ မူးယစ်ဆေးစစ်ပွဲဖြင့် အစားထိုးလိုက်သည်ဟု စွပ်စွဲနေကြသည်။ ထိုမူးယစ်ဆေး စစ်ပွဲအတွင်း ရဲနှင့် စေတနာဝန်ထမ်းများသည် မူးယစ်ဆေးသုံးစွဲသူ (သို့မဟုတ်) ရောင်းဝယ်သည်ဟု သံသယရှိသူများကို တရားလက်လွတ် သတ်ဖြတ်မှုများကြောင့် လူထောင်ပေါင်းများစွာ သေဆုံးခဲ့ရပြီးဖြစ်သည်။

ဖိလစ်ပိုင်နိုင်ငံတွင် ယခင်ကတည်းက ဆေးရွက်ကြီးကြော်ငြာများ၊ အများပြည်သူ နှင့် သက်ဆိုင်သော အဆောက်အအုံများထဲတွင် ဆေးလိပ်သောက်ခြင်းများကို ပိတ်ပင်ထားသည်။ ထို့ပြင် ဆေးလိပ်သောက်ခြင်းသည် ကျန်းမာရေးကို ထိခိုက်စေကြောင်း ဆေးလိပ်ဘူးခွံများပေါ်တွင် ပုံများဖြင့် ထင်ထင်ရှားရှား ဖော်ပြရမည်ဖြစ်ဟု ဥပဒေထုတ်ထားပြီး ဆေးလိပ်လုပ်ငန်းများကိုလည်း မြောက်မြားစွာသော အခွန်များ ကောက်ခံနေသည်။

Writer: 
Ref: AFP