နိုင်ငံပေါင်း ၁၉၅ နိုင်ငံ၏ ကမ္ဘာ့ကျန်းမာရေး စောင့်ရှောက်မှု အရည်အသွေးအဆင့်များကို ထုတ်ပြန်

၂၀၁၆ ခုနှစ် အောက်တိုဘာ ၂၅ ရက်က ၀ါရှင်တန်တွင် အစိုးရ၏ ကျန်းမာရေးစောင့်ရှောက်မှုဆိုင်ရာ ၀က်ဘ်ဆိုက်ကို ကြည့်ရှုနေသည့် အမျိုးသမီးတစ်ဦး (Photo: AFP)

မေ ၁၉ ရက်၌ နိုင်ငံပေါင်း ၁၉၅ နိုင်ငံ၏ ကျန်းမာရေးစောင့်ရှောက်မှု အရည်အသွေးအဆင့် သတ်မှတ်ချက်များကို ထုတ်ပြန်ခဲ့ရာ ကနေဒါနှင့် ဂျပန်ကဲ့သို့သော နိုင်ငံများသည် ထိပ်ဆုံး ၁၀ နိုင်ငံအဆင့် မ၀င်ခဲ့ဘဲ အမေရိကန်သည်ပင်လျှင် အဆင့် ၃၅ သာ ရရှိကြောင်း သိရသည်။

လူဦးရေ တစ်သန်းကျော်သော နိုင်ငံများအနက် ၂၀၁၅ ခုနှစ်အတွက် စာရင်းတွင် ဆွစ်ဇာလန်နိုင်ငံသည် ထိပ်ဆုံးနေရာရရှိပြီး ဆွီဒင်နှင့် နော်ဝေတို့က ကပ်လျက်လိုက်သည်။ သို့သော် အဆင့် ၈ ရရှိသော စပိန်နိုင်ငံ နှင့် အဆင့် ၁၅ ရရှိသော ပြင်သစ်နိုင်ငံတို့ အကြားတွင် တည်ရှိသော သေးငယ်လှသည့် အင်ဒိုရာနိုင်ငံသည် ကျန်းမာရေးစောင့်ရှောက်မှု၌ စံထားစရာ ထိပ်ဆုံးနိုင်ငံအဖြစ် ဆက်လက်တည်ရှိဆဲဖြစ်သည်။

အိုက်စလန် (အဆင့် ၂)၊ သြစတြေးလျ (အဆင့် ၆)၊ ဖင်လန် (အဆင့် ၇)၊ နယ်သာလန် (အဆင့် ၉) တို့နှင့်အတူ ဘဏ္ဍာရေးနှင့် ဘဏ်စနစ်တို့အတွက် အချက်အချာကျသော လူဇင်ဘတ်နိုင်ငံသည် ပထမဆုံးအဖြစ် အဆင့် ၁၀ ရရှိကာ ထိပ်တန်း ၁၀ နိုင်ငံ စာရင်း ၀င်လာကြောင်း The Lancet ဆေးပညာဂျာနယ်၌ ဖော်ပြသော ပြီးပြည့်စုံသည့် လေ့လာချက်တစ်ရပ်အရ သိရသည်။

သြစတြေးလျနှင့် ဂျပန် (အဆင့် ၁၁) တို့မှလွဲ၍ ထိပ်ဆုံးအဆင့် ၂၀ ၀င်သည့် နိုင်ငံများအားလုံးသည် နိုင်ငံတိုင်းနီးပါးက ကမ္ဘာ့ကျန်းမာရေး စောင့်ရှောက်မှုပုံစံနှင့် ကိုက်ညီအောင် ကြိုးပမ်းကြသော အနောက်တိုင်းဥရောပမှ ဖြစ်ကြသည်။

ရီပက်ဘလီကင်ကွန်ဂရက်က ပထမဆုံးအကြိမ်အဖြစ် လူပေါင်းသန်းနှင့်ချီလျက် ကျန်းမာရေး စောင့်ရှောက်မှု အာမခံရစေခဲ့သော ပြုပြင်ပြောင်းလဲမှုများကို ပြန်လည်ရုပ်သိမ်းရန် လိုလားနေသည့် အမေရိကန်ပြည်ထောင်စုသည် ဗြိတိန် (အဆင့် ၃၀) ၏ အောက်သို့ ရောက်ရှိနေသည်။

ကျန်းမာရေးစောင့်ရှောက်မှု ရရှိနိုင်ခြင်းနှင့် အရည်အသွေး အညွှန်းကိန်းသည် ရှောင်ရှားနိုင်သည့် သို့မဟုတ် စနစ်ကျသော ဆေးဝါး ကုသစောင့်ရှောက်မှုဖြင့် ထိရောက်စွာ ကုသနိုင်သည့် ရောဂါ ၃၂ မျိုးကြောင့် သေဆုံးမှုနှုန်းကို အခြေခံထားပြီး သတ်မှတ်ထားသည့် ၁၉၉၀ ပြည့်နှစ်နှင့် နှိုင်းယှဉ်ကာ နိုင်ငံအသီးသီး၏ တိုးတက်မှုနှုန်းကိုလည်း ခြေရာခံထားသည်။

အဆိုပါ သတ်မှတ်ကာလအတွင်း နိုင်ငံပေါင်းအားလုံးသည် တိုးတက်မှု ရရှိခဲ့သော်လည်း အထူးသဖြင့် အာဖရိကနှင့် သမုဒ္ဒပိုင်းဒေသမှ နိုင်ငံများသည် ၎င်းတို့၏ နိုင်ငံသားများအား အခြေခံ ကျန်းမာရေး စောင့်ရှောက်မှု ပေးနိုင်ခြင်း၌ အခြားနိုင်ငံများ၏နောက်တွင် များစွာ ကျန်ရစ်ခဲ့သည်။
အာဖဂန်နစ္စတန်၊ ဟေတီနှင့် ယီမင် နိုင်ငံတို့မှလွဲ၍ အောက်ဆုံးနိုင်ငံ ၃၀ ထဲတွင် ပါဝင်သော နိုင်ငံများအားလုံးသည် အာဖရိက ဆာဟာရ အောက်ပိုင်းဒေသမှဖြစ်ကြပြီး ဗဟိုအာဖရိကနိုင်ငံသည် စံသတ်မှတ်ချက်များအရ အဆိုးဆုံးဖြစ်သည်။

“၂၅ နှစ်အတွင်း ကျန်းမာရေးစောင့်ရှောက်မှု အရည်အသွေးနဲ့ ရရှိနိုင်မှုမှာ တိုးတက်မှုတွေ ရှိလာပေမယ့် အကောင်းဆုံး နိုင်ငံတွေနဲ့ အဆိုးဆုံး နိုင်ငံတွေအကြား မညီမျှမှုက ကြီးထွားလာပါတယ်” ဟု ကျွမ်းကျင်ပညာရှင်များ ရာနှင့်ချီလျက် ပါဝင်သည့် စုပေါင်းအဖွဲ့ ခေါင်းဆောင်ဖြစ်သူ ၀ါရှင်တန်တက္ကသိုလ် ကျန်းမာရေး တိုင်းတာမှုနှင့် တွက်ချက်မှုဌာနမှ ညွှန်ကြားရေးမှူး ခရစ္စတိုဖာမာရေးက ပြောကြားခဲ့သည်။

Writer: 
Ref: AFP