ပြင်သစ်သမ္မတလောင်းများ၏ ပထမဆုံးရုပ်သံငြင်းခုံပွဲ ပြုလုပ်မည်

မတ် ၂၀ ရက်က ပေါင်းစပ်ထားသော ဓာတ်ပုံတွင် ပြင်သစ်သမ္မတကိုယ်စားလှယ်လောင်းများဖြစ်သည့် ဖီလွန်၊ ဟာမွန်၊ လီပင်း၊ မက်ခရွန်နှင့် မီလန်ချွန် (၀ဲမှယာ) တို့ကို တွေ့ရစဉ်

ရွေးကောက်ပွဲကျင်းပရန် တစ်လအလိုတွင် မည်သူ့အား မဲပေးမည်ကို မဆုံးဖြတ်ရသေးသည့် မဲဆန္ဒရှင်များအား ဆွဲဆောင်ရန် ထိပ်ဆုံး၌ ရေပန်းစားနေသည့် သမ္မတလောင်းငါးဦးသည် ပထမဆုံးအဖြစ် ရုပ်သံငြင်းခုံပွဲ ပြုလုပ်မည်ဖြစ်သောကြောင့် ပြင်သစ်သမ္မတ ရွေးကောက်ပွဲသည် မတ် ၂၀ ရက်၌ အရှိန်မြင့်၍လာသည်။

ဗဟိုဝါဒီထဲ၌ ရေပန်းအစားဆုံးဖြစ်သော အီမန်နျူယယ်မက်ခရွန်နှင့် လက်ယာစွန်းခေါင်းဆောင် မာရင်းလီပင်းတို့သည် ဧပြီ ၂၃ ရက်တွင် ကျင်းပမည့် ဆယ်စုနှစ်များ အတန်ကြာအတွင်း ခန့်မှန်းရအခက်ခဲဆုံး ပြင်သစ်ရွေးကောက်ပွဲမတိုင်မီ ပထမဆုံးကျင်းပမည့် ငြင်းခုံပွဲသုံးခုတွင် တိုက်ခိုက်ဝေဖန်မှုများ ခံရလိမ့်မည်ဟု ခန့်မှန်းထားကြသည်။

ထရော့စကီးဝါဒီ လက်ဝဲမှသည် လက်ယာစွန်းအထိ အမြင်အမျိုးမျိုးရှိသော စုစုပေါင်း သမ္မတလောင်း ၁၁ ဦးသည် ရွေးကောက်ပွဲ၌ ယှဉ်ပြိုင်ကြမည်ဖြစ်သည်။ ယင်းတို့အနက် သြဇာသေးငယ်သော ကိုယ်စားလှယ်လောင်း ခြောက်ဦးကို ငြင်းခုံပွဲမှ ဖယ်ထုတ်ထားသည်။

ရွေးကောက်ပွဲ ပထမအကျော့၌ မက်ခရွန်နှင့် အကြိတ်အနယ်ယှဉ်ပြိုင်ရမည် ဖြစ်သော်လည်း မေ ၇ ရက်အကျော့၌ မက်ခရွန်ကို ရှုံးနိမ့်လိမ့်မည်ဟု ခန့်မှန်းခံထားရသော အသက် ၄၈ နှစ်အရွယ်ရှိ လီပင်း၏ အကြံပေး ပုဂ္ဂိုလ်များက လီပင်းသည်သူ၏ ဥရောပသမဂ္ဂ လိုလားသောပြိုင်ဘက်၏ ကမ္ဘာ့ဝါဒီ အစီအစဉ်ကို အစိတ်စိတ်အမြွှာမြွှာ ဖျက်ဆီးပစ်လိမ့်မည်ဟု ပြောကြားခဲ့ကြသည်။

စီးပွားရေးဝန်ကြီးဟောင်း မက်ခရွန် (၃၉ နှစ်) သည်လည်း ကွန်ဆာဗေးတစ်သမ္မတလောင်း ဖရန်ဆွာဖီလွန်၏ ဖိအားပေးမှုအောက်သို့ ရောက်ရှိလိမ့်မည်ဟုဆိုသည်။ ဖီလွန်သည် အသုံးစရိတ်အရှုပ်တော်ပုံကြောင့် နာမည်ပျက်ခဲ့ရပြီးနောက် ဗဟိုဝါဒီထံသို့ ဆုံးရှုံးခဲ့ရသည့် ထောက်ခံမှုများကို ပြန်လည်ရယူရန် ကြိုးပမ်းမည် ဖြစ်သည်။

တစ်ချိန်က ရေပန်းအစားဆုံးဖြစ်ခဲ့သည့် ဖီလွန်သည်သူ၏ ဇနီးနှင့် ကလေးများအား ပါလီမန်ကုန်ကျစရိတ်ထဲမှ ငွေပေးမှု၊ ငွေကြေးကြွယ်ဝသူများထံမှ တန်ဖိုးကြီးသော လက်ဆောင်များနှင့် ချေးငွေများရယူမှုတို့ ပြုလုပ်ခဲ့ကြောင်း ဖော်ထုတ်မှုခံရပြီးနောက် ယခုစစ်တမ်းများအရ ပထမအကျော့အတွက် ရေပန်းစားမှုသည် မက်ခရွန်နှင့် လီပင်းတို့၏ နောက်သို့ ရောက်ရှိသွားခဲ့သည်။

ပြည်သူ့ဘဏ္ဍာငွေများကို အလွဲသုံးစားလုပ်သည်ဟုဆိုကာ တရားစွဲဆိုခံထားရသော အသက် ၆၃ နှစ်အရွယ်ရှိ ၀န်ကြီးချုပ်ဟောင်းသည် ပြင်သစ်၏ အမှန်တကယ် ပြောင်းလဲရေးအတွက် တစ်ခုတည်းသော မျှော်လင့်ချက်ကို ကိုယ်စားပြုသူသည်ဟုဆိုသည့် အသုံးစရိတ် လုံးဝလျှော့ချရေးအပါအ၀င် သူ၏ စီမံကိန်းအပေါ် လူအများ အာရုံတိမ်းညွတ်လာအောင် ကြိုးပမ်းမည် ဖြစ်သည်။

လက်ဝဲ၀ါဒကို ကိုယ်စားပြုသူနှစ်ဦးဖြစ်သည့် ဆိုရှယ်လစ်ပါတီမှ ဘီနွိုင်းဟာမွန်နှင့် ကွန်မြူနစ်များက ကျောထောက်နောက်ခံ ပြုပေးထားသည့် ယန်းလက်မီလန်ချွန်တို့သည် ယခုလက်ရှိ၌ ရေပန်းစားမှု စတုတ္ထနေရာ၌ ပူးတွဲရပ်တည်နေပြီး မတ် ၂၀ ရက်တွင် ပြုလုပ်မည့် သုံးနာရီကြာ ရုပ်သံငြင်းခုံပွဲ၌ ၎င်းတို့အပေါ် ထောက်ခံမှု တိုးတက်လာအောင် လုပ်ဆောင်နိုင်မည်ဟု မျှော်လင့်ထားသည်။

Writer: 
Ref: AFP