လွတ်လပ်ရေးရယူရန်အတွက် စီးပွားရေးကို ချိန်ဆနေရသည့် စကော့တလန်

မတ် ၁၈ ရက်က အေဒင်ဘာရာမြို့တွင်ပြုလုပ်သော ခြောက်နိုင်ငံ နိုင်ငံတကာ ရပ်ဘီပွဲတွင် စကော့တလန်နည်းပြနှင့် သူ၏သမီးတို့က စကော့တလန်အလံကို ကွင်းထဲသို့ သယ်လာစဉ်

Brexit အလွန် စကော့တလန်၏ စီးပွားရေး အလားအလာသည် လွတ်လပ်ရေး လိုလားသော စကော့ဝန်ကြီးချုပ်နှင့် ဗြိတိန် အီးယူမှ နုတ်ထွက်ချိန်၌ စုစုစည်းစည်း ရှိလိုသည့် ဗြိတိန်ဝန်ကြီးချုပ် ထရီဇာမေတို့အကြား တိုက်ပွဲ၏ အချက်အချာဖြစ်နေသည်။

စကော့တလန်ဝန်ကြီးချုပ် နီကိုလာစတာဂျီယွန်က အီးယူ၏ တစ်ခုတည်းသော ဈေးကွက်မှ ထွက်ခွာခြင်းသည် စကော့တလန်၌ လူပေါင်းသောင်းနှင့်ချီလျက် အလုပ်အကိုင်များ ဆုံးရှုံးရခြင်းကို ဖြစ်စေလိမ့်မည်ဟု သတိပေးခဲ့ပြီး ထရီဇာမေက အီးယူနှင့် ဖြစ်နိုင်သမျှ အကောင်းဆုံး သဘောတူညီချက်ရရှိရန် ရည်ရွယ်ထားရာ စကော့တလန်အတွက်လည်း ပါဝင်သည်ဟု ပြောကြားခဲ့သည်။

မိမိဘာသာ တစ်နိုင်ငံတည်း ရပ်တည်မှုသည် စကော့တလန်စီးပွားရေးအတွက် သံသယဖြစ်ဖွယ်များစွာ ရှိနေရာ မည်သည့် ငွေကြေးကို အသုံးပြုမည်နည်း၊ ဘတ်ဂျက်လိုငွေပြမှု ဂျီဒီပီ၏ ကိုးရာခိုင်နှုန်းကို မည်သို့ လျှော့ချနိုင်မည်နည်း စသည့်အချက်များ ပါဝင်နေသည်။ စကော့တလန်၏ ဘတ်ဂျက်လိုငွေပြမှုသည် အကျပ်အတည်းတွေ့နေသော ဂရိထက်ပင် ပို၍ဆိုးရွားနေသည်။

သို့သော် စတာဂျီယွန်၏ စကော့တလန် အမျိုးသားပါတီက ယခုသီတင်းပတ်အကုန်၌  ညီလာခံကျင်းပခဲ့သည့် အဘာဒင်းမြို့၌ အချက်အချာကျသော မြောက်ပင်လယ် ရေနံထုတ်လုပ်ရေး ကဏ္ဍ၏ အနာဂတ်က အဓိက အကြောင်းအရာဖြစ်နေသည်။

မကြာသေးမီနှစ်များအတွင်း ကမ္ဘာ့ရေနံ ဈေးနှုန်းများ ကျဆင်းလာပြီး ကမ်းလွန်ရေနံသိုက်များမှာလည်း ကုန်ခန်း၍လာနေသည်။

မြောက်ပင်လယ်လုပ်ငန်းကို ဦးဆောင်လုပ်ကိုင်နေသည့် ကုမ္ပဏီတစ်ခုဖြစ်သော Oil & Gas UK ၏အကြီးအကဲ ဒယ်ဒရီမီချီက အဆိုပါလုပ်ငန်းကဏ္ဍသည် အဆက်မပြတ် ထိုးဆင်းနေသည်ဟု ပြောကြားခဲ့သည်။

အဆိုပါ ရေနံလုပ်ငန်းကဏ္ဍတွင် ဗြိတိန်တစ်လွှားမှ လူပေါင်း ၃၃၀,၀၀၀ လုပ်ကိုင်လျက်ရှိပြီး ၃၈ ရာခိုင်နှုန်းသည် စကော့တလန်မှဖြစ်ကာ အများအပြားသည် အဘာဒင်းမြို့မှဖြစ်သည်။

အဘာဒင်းမြို့ လုပ်ငန်းအသိုင်းအ၀ိုင်းက စကော့တလန် လွတ်လပ်ရေးအတွက် ပြည်လုံးကျွတ် ဆန္ဒခံယူပွဲပြုလုပ်ပြီးနောက် သုံးနှစ်ခန့်သာ ကြာသေးချိန်တွင် ဖွဲ့စည်းပုံ အခြေခံဥပဒေအား နောက်ထပ် ထိပ်တိုက် ရင်ဆိုင်မှုဖြစ်လာမည်ကို စိုးရိမ်နေကြသည်။ အဆိုပါ ပြည်လုံးကျွတ် ဆန္ဒခံယူပွဲပြုလုပ်ခဲ့စဉ်က ဗြိတိန်၏ အစိတ်အပိုင်းတစ်ရပ်အဖြစ် ဆက်လက်နေထိုင်မည့်ဘက်က မဲ ၅၅ ရာခိုင်နှုန်းဖြင့် အနိုင်ရရှိခဲ့သည်။

လွန်ခဲ့သည့် သီတင်းပတ်အတွင်း စတာဂျီယွန်က ပြည်လုံးကျွတ် ဆန္ဒခံယူပွဲတစ်ရပ် ပြုလုပ်ရန် သူ၏အစီအစဉ်များကို ကြေညာခဲ့ခြင်းက မရေရာမှုများကို ဆက်လက်ဖြစ်ပေါ်စေပြီး အမှန်တကယ်၌ လုပ်ငန်းအသိုင်းအ၀ိုင်းသည် မရေရာမှုများကို မနှစ်ခြိုက်ကြောင်း Aberdeen & Grampian Chamber of Commerce အဖွဲ့၏ သုတေသနနှင့် မူဝါဒရေးရာ ညွှန်ကြားရေးမှူး ဂျိန်းဘရင်းက ပြောကြားခဲ့သည်။

သို့သော် ဘရင်းက သူသည် ၂၀၁၄ ခုနှစ် ဆန္ဒခံယူပွဲ၌ ယင်းကဲ့သို့ ရလဒ်ထွက်ပေါ်ခဲ့သော်လည်း လွတ်လပ်ရေးတောင်းဆိုမှုသည် ဘယ်သောအခါမှ ပျောက်ကွယ်သွားမည် မဟုတ်သောကြောင့် ယခုကဲ့သို့ ကြေညာမှုကို မအံ့သြကြောင်း ပြောကြားခဲ့သည်။

ဗြိတိန်အတွင်း၌ ဆက်ရှိရေး မဲဆွယ်အုပ်စုက ဗြိတိန်၏ အစိတ်အပိုင်းတစ်ရပ်အဖြစ် ဆက်လက်နေထိုင်ခြင်း၏ စီးပွားရေး အကျိုး ကျေးဇူးများအပေါ် အကြီးအကျယ် အဓိက ထားကြသည်။

ဗြိတိန်၏ ကျယ်ပြန့်သောရင်ခွင်၌ ဆက်နေခြင်းက စီးပွားရေး အကျပ်အတည်းနှင့် ရေနံဈေးနှုန်း ကျဆင်းခြင်းကဲ့သို့သော အခက်အခဲများမှနေ၍ စကော့တလန်ကို သက်သာစေနိုင်သည်ဟူသော အမြင်အပေါ် ဆက်နေရေး အဖွဲ့က အဆိုပြုပြီး ၎င်းတို့က စကော့တလန်အနေဖြင့် မိမိတို့ဘာသာ စီမံခန့်ခွဲနိုင်စွမ်းအပေါ်လည်း သံသယဖြစ်ပေါ်လျက်ရှိသည်။

စကော့တလန်အနေဖြင့် လွတ်လပ်ရေးကိစ္စအတွက် ပြည်လုံးကျွတ် ဆန္ဒခံယူပွဲအသစ်တစ်ရပ် ပြုလုပ်ဖွယ်ရှိနေသည့်အချိန်၌ ဆက်နေမည့်ဘက်နှင့် ခွဲထွက်မည့်ဘက် နှစ်ဖက်စလုံးမှနေ၍ အကြိုအဆိုပြုချက်များ ထွက်ပေါ်လာသည်။

Brexit ဆန္ဒခံယူပွဲတွင် အီးယူ၌ဆက်နေရန် အားကောင်းမောင်းသန် မဲပေးခဲ့ကြပြီး ၎င်းတို့ဆန္ဒနှင့် ဆန့်ကျင်သောရလဒ် ထွက်ပေါ်လာခြင်းကိုသာ ရင်ဆိုင်ခဲ့ရသည့် စကော့တလန်နိုင်ငံကို ကာကွယ်ရန်လိုလားကြောင်း စတာဂျီယွန်က ပြောကြားခဲ့သည်။

ဆန္ဒခံယူပွဲပြုလုပ်မည့်ကိစ္စကို မတ် ၂၂ ရက်တွင် စကော့တလန်ပါလီမန်က ထောက်ခံလိမ့်မည်ဟု စတာဂျီယွန်က အကြီးအကျယ် မျှော်လင့်လျက်ရှိသော်လည်း ဆန္ဒခံယူပွဲကိစ္စ ရှေ့ဆက်နိုင်ရေးအတွက် ဗြိတိန်အစိုးရ၏ သဘောတူညီချက် ရရှိရန် လိုအပ်နေသေးကြောင်း သိရသည်။

စွမ်းအင်ကဏ္ဍ စီးပွားရေးနှင့် ဘဏ္ဍာရေးဆိုင်ရာ သုတေသနအတွက် အဘာဒင်းစင်တာမှ အကြီးအကဲ အဲလက်စ်ကမ့်က အီးယူအဖွဲ့ဝင်နိုင်ငံများ (အထူးသဖြင့် ပိုမိုဆင်းရဲသော အရှေ့ဥရောပနိုင်ငံများ) နှင့် စီးပွားရေး နှိုင်းယှဉ်ချက်ပြုလုပ်လျက် စကော့တလန်သည် ကောင်းစွာ ကျော်ဖြတ်နိုင်လိမ့်မည်ဟု ပြောကြားခဲ့သည်။

စကော့တလန်၏ ဂျီဒီပီသည် အမေရိကန်ဒေါ်လာ ၄၁,၂၃၉ (ယူရို ၃၈,၃၆၀) ရှိပြီး အကြမ်းအားဖြင့် ဘယ်ဂျီယံ သို့မဟုတ် ဖင်လန်နှင့်တူညီနေပြီး ဗြိတိန်၏ပျမ်းမျှထက် ပို၍မြင့်မားနေသည်ဟု ယခုလအစောပိုင်းတွင် စကော့တလန်အစိုးရ ၀က်ဘ်ဆိုက်၏ ဖော်ပြချက်အရ သိရသည်။

ကမ္ဘာ့စီးပွားရေး ဦးဆောင်အဖွဲ့တစ်ဖွဲ့ ဖြစ်သော စီးပွားရေး ပူးပေါင်းဆောင်ရွက်မှုနှင့် ဖွံ့ဖြိုးမှုဆိုင်ရာ အဖွဲ့၏ အဖွဲ့ဝင်များကို နှိုင်းယှဉ်ချက်က စကော့တလန်အတွက် ကမ်းလွန်ရေနံနှင့် သဘာဝဓာတ်ငွေ့ထွက်ရှိမှုဆိုင်ရာ ပထ၀ီဝင်ဝေစုတစ်ရပ်ကို တွက်ချက်ပြထားသည်။

သို့သော် ယင်းစာရင်းဇယားများသည် ၂၀၁၄ ခုနှစ်ကမှ စတင်သည့် အချက်အလက်များ ဖြစ်သော်လည်း လမ်းကြောင်းများစွာ၌ စကော့တလန်သည် ယခုအခါ ဆိုးရွားသော အနေအထား၌ရှိနေကြောင်း ပြသနေသည်။

ရေနံဈေးနှုန်းကျဆင်းမှုသည် အစိုးရအဖွဲ့ ဘဏ္ဍာရေး၌ အပေါက်ကြီးတစ်ပေါက် ဖြစ်သွားစေပြီး အဓိက ဘတ်ဂျက်လိုငွေပြမှုကို ဖြစ်စေခဲ့သည်။

“အခု အချိန်အခိုက်အတန့်မှာ ရှိနေတဲ့ အရာတွေက စကော့တလန်စီးပွားရေးအနေနဲ့ ဘတ်ဂျက်လိုငွေပြမှုကို ဖြစ်စေမှာ အသေအချာပါပဲ” ဟု ကမ့်က ပြောကြားခဲ့သည်။

“ကျွန်တော်တို့ ရေနံအခွန်အတုပ်တွေက ရရှိတဲ့အကျိုးအမြတ်တွေကို ပုံစံဆွဲခဲ့ပါတယ်။ ရှေ့ကနှစ်အချို့မှာ ဒါတွေက အမှန်တကယ် လုံးဝနီးပါးတည်ငြိမ်ပါတယ်။ ပြောင်းလဲတဲ့ တစ်ခုတည်းသော အရာကတော့ အဓိကဖြစ်လာပြီး တကယ်ကို လုံးဝ မျှော်လင့်မထားဘဲ ရေနံဈေးနှုန်း တက်လာတာသာ ဖြစ်ခဲ့တယ်” ဟု ကမ့်က ဆိုသည်။

ကမ္ဘာကျော် ၀ီစကီ တင်ပို့မှုလုပ်ငန်း၊ ကြွယ်ဝသော ဘဏ္ဍာရေးကဏ္ဍတို့အပြင် ခရီးသွားလုပ်ငန်း၊ အထည်အလိပ်လုပ်ငန်းနှင့် ငါးဖမ်းလုပ်ငန်းတို့နှင့်အတူ စကော့တလန်သည် ဆင်းရဲသောနိုင်ငံတစ်နိုင်ငံအဖြစ်မှ များစွာဝေးကွာသည့်နေရာ၌ ရှိနေသည်။

စကော့တလန် အစိုးရအဖွဲ့ဝန်ကြီးတစ်ဦးဖြစ်သော မိုက်ရပ်ဆယ်က “စကော့တလန်အနေနဲ့ စီးပွားရေးအရ တစ်နိုင်ငံတည်း မရပ်တည်နိုင်ဘူးဆိုတဲ့ အဆိုဟာ အဓိပ္ပာယ်မရှိပါဘူး” ဟု ဆိုသည်။

“ဒါပေမဲ့ အခုကိစ္စက ဒီမိုကရေစီပါ။ ဒီမိုကရေစီဆိုင်ရာ ရွေးချယ်မှုတစ်ရပ်ပါ။ ပြီးတော့ စကော့တလန်ပြည်သူတွေအနေနဲ့ မိမိတို့ရဲ့ ကိုယ်ပိုင်အနာဂတ်ကို ဆုံးဖြတ်ပိုင်ခွင့်ပါ” ဟု ရပ်ဆယ်က ပြောကြားခဲ့သည်။

Writer: 
နရီမင်း