<

ဗြိတိန်၏ ဂါးဒီးယန်းသတင်းစာက စရိတ်လျှော့ရန်အတွက် သတင်းစာအရွယ်အစားကို ပြောင်းလဲ

ဇန်န၀ါရီ ၁၅ ရက်က ဂါးဒီးယန်းသတင်းစာပုံစံသစ်ကို ဖတ်ရှုနေသူတစ်ဦး (Photo: AFP)

ဗြိတိန်၏ ဂါးဒီးယန်းသတင်းစာက စရိတ်လျှော့ရန်ကြိုးပမ်းမှုအဖြစ် ယခင်ထုတ်ဝေနေသည်ထက် ပိုမိုအရွယ်စားသေးငယ်သော Tabloid အရွယ်သတင်းစာသစ်ကို ဇန်န၀ါ ရီ ၁၅ ရက်တွင် စတင်ထုတ်ဝေခဲ့သည်။ လက်ဝဲယိမ်း ဂါးဒီးယန်းသတင်းစာသည် ယခင်က အပြာနှင့်အဖြူရောင် သတင်းစာခေါင်းစီးကို သုံးစွဲခဲ့ဖူးပြီး ယခုအခါ သတင်းစာခေါင်းစီးကို အနက်ရောင်သို့ ပြောင်းလဲခဲ့သည်။

ဂါးဒီးယန်းသည် ၂၀၀၅ ခုနှစ်တွင် Tabloid နှင့် ဆိုက်ကြီးသတင်းစာ အရွယ်အစားကြားတွင်ရှိသော Berliner အရွယ်သတင်းစာကို ထုတ်ဝေခဲ့သည်။

Tabloid အရွယ်အစားသို့ ပြောင်းလဲခဲ့ခြင်းက ဂါးဒီးယန်း၏ဘဏ္ဍာရေး ရေရှည်တည်တံ့ရန်အတွက် အထောက်အကူဖြစ်မည်ဖြစ်ကြောင်း တာဝန်ခံအယ်ဒီတာ ကက်သရင်းဘီနာက ပထမဆုံးထုတ်ဝေသည့် အရွယ်အစားသစ်သတင်းစာတွင် ရေးသားခဲ့သည်။

ဂါးဒီးယန်းသည် စရိတ်လျှော့ချရန်အတွက် ဒေါ်လာသန်း ၁၁၀ တန်ဖိုးရှိသော ပုံနှိပ်စက်သုံးခုကိုလည်း ရောင်းချခြင်း သို့မဟုတ် ဖျက်သိမ်းခြင်းတို့ ဆောင်ရွက်သွားမည်ဖြစ်ပြီး ပုံနှိပ်ခြင်းကို Trinity Mirror မီဒီယာဂရု၏ Tabloid အရွယ်ပုံနှိပ်စက်များတွင် အပ်နှံရိုက်နှိပ်သွားမည်ဖြစ်သည်။

ကမ္ဘာတစ်ဝန်းတွင် လစဉ်အသုံးပြုသူ သန်း ၁၅၀ ရှိထားသော ဂါးဒီးယန်း၏ ၀က်ဘ်ဆိုက်ကိုလည်း ပြန်လည်ပြင်ဆင်သွားမည်ဟု သိရသည်။ ၂၀၁၉ ဧပြီတွင် အရင်းကျေမှတ်သို့ရောက်ရှိရန် ရည်ရွယ်ထားပြီး ပုံနှိပ်ကြော်ငြာဝင်ငွေကျဆင်းခြင်ကို ကာမိရန်အတွက် ဒီဂျစ်တယ်ကြော်ငြာဝင်ငွေကို မြှင့်တင်သွားရန် ဂါးဒီးယန်းက ရည်ရွယ်ထားသည်။

ဂါးဒီးယန်းသတင်းစာသည် အမေရိကန်နှင့် သြစတြေးလျဈေးကွက်များသို့ ချဲ့ထွင်ထိုးဖောက်ခဲ့ပြီး အခမဲ့ကြည့်ရှုခွင့်ပေးမှုကြောင့် ကမ္ဘာ့စင်မြင့်တွင် ဂါးဒီးယန်း၏ ပုံရိပ်ကိုကြီးမားစေခဲ့သော်လည်း ဘဏ္ဍာရေးတွင် ဆုံးရှုံးမှုများကြီးမားခဲ့သည်။

၂၀၁၇ ခုနှစ် ဧပြီအထိဘဏ္ဍာနှစ်တွင် ဂါးဒီးယန်းသည် ပေါင် ၄၄ ဒသမ ၇ သန်းအရှုံးပြခဲ့ပြီး ယခင်တစ်နှစ်က ပေါင် ၆၈ ဒသမ ၇ သန်း အရှုံးပေါ်ခဲ့သည်။

ဂါးဒီးယန်းသတင်းစာကိုပိုင်ဆိုင်သော Scott Trust က ၂၀၁၃ ခုနှစ်တွင် ကုမ္ပဏီ၏အကျော်ကြားဆုံးသော သတင်းစာများအနက် တစ်စောင်ကိုရောင်းချခဲ့ပြီး ပေါင်သန်း ၈၅၀ ထပ်မံရင်းနှီးမြှုပ်နှံခဲ့သည်။

သတင်းစာ၏ တစ်သီးပုဂ္ဂလလွတ်လပ်မှုနှင့် ကျင့်ဝတ်တို့ကို ဈေးကွက်အင်အားများ၏ ဖိအားမှလွတ်ကင်းရန် ရည်ရွယ်ခဲ့သော်လည်း ဆုံးရှုံးမှုများကြောင့် စရိတ်များလျှော့ချခဲ့ရပြီး အလုပ်အကိုင် ၃၀၀ ခန့်ကိုလည်း လျှော့ချခဲ့သည်။

January 16, 2018














Copy Protected by Chetan's WP-Copyprotect.